týsdagur 24. oktober 2017síða 4

Mikudagur 25. oktober 2017 · Nr. 124 4 Sosialurin Hugskot og viðmerkingar – send sms til 225000 Vilmund Jacobsen Fyrr í heyst varð spátt, at skip, manningar og samfelagið alt fóru at missa stór virðir, nú stóra før­ oyska sildakvotan skuldi fiskast upp á lutfalsliga stutta tíð. Sildin verður vanliga fiskað í oktober og november, og soleiðis verður helst eisini í ár. Spurningurin er, um skipini fara at klára at fiska alla kvotuna, og um virkini á landi fara at megna at taka ímóti, nú eitt av teimum trimum stóru virkjunum – Varðin Pelagic – ikki tekur ímóti. Minni enn helvtarprísur Longu nú kann staðfestast, at sildaprísurin er nógv lækkaður í mun til tað, sum fekst fyri sildina í vertíðini fyri einum ári síðan. Tórheðin Jensen, skriv­stovu­leið­ ari hjá Varðanum í Gøtu, sum eigur og rekur fleiri uppsjóvarskip, sigur, at miðalprísurin, sum skipini hjá teimum fingu fyri sildina um hesa tíðina í fjør, var 6,45 fyri kilo. - Í løtuni fáa skipini hjá okkum millum 3 og 3,20 krónur fyri kilo. Hetta er minni enn helvtarprísur og er eftir okkara tykki ein ógvuliga lágur prísur fyri fyrsta floks sild. Hann vísir á, at fyri keyptu sild­ ina skulu rindast 1,44 krónur í miðal fyri kilo – og fyri restina av sildini skulu rindast 75 oyru fyri kilo í tilfeingisgjaldi. - Í okkara føri svarar hetta til, at umleið ein króna skal rindast í mið­al fyri sild, sum í løtuni verður seld fyri millum 3 og 3,20 krónur fyri kilo. Hetta merkir, sigur skrivstovu­ leiðarin, at prísurin á sild nú er so lágur, at tá útreiðslur til keyp og til­feingisgjald eru drigin frá, svarar ein sildatúrur í dag til umleið ein svartkjaftatúr til ídnað. - Tá havt verður í huga, at hetta er matfiskur, ið verður viðfarin sum slíkur og kemur til lands í lut­ falsliga smáum nøgdum og í bestu dygd, fæst eftir okkara tykki alt ov lítið burtur úr hesum edi­liga tilfeingi, sum sildin er, sigur Tór­ heðin Jensen. Tá ísurin bráðnar Spurdur, hvørjar høvuðsorsøkirnar eru til, at keyparar ikki geva meira fyri sildina, sigur hann, at ein trupul­leiki er, at rættiliga nógv sild er á marknaðinum og er á veg á marknaðin. - Eitt annað, sum spælir inn, er, at frystigoymslur heilt úr Før­ oyum til Ukraina eru fullar av eitt nú makreli og sild. Hetta ger, at fiskurin ikki kann goymast, men verð­ur trýstur út á marknaðin í stór­um nøgdum. Tórheðin Jensen sigur, at sjálv­ andi gera keyparar úti í heimi sær dælt av støðuni. - Hetta svarar til, at tú sum seljari stendur við einum ísi í hond­ ini, sum er við at bráðna. Keyparar vita, at tú noyðist at selja, um ísurin ikki skal fara til spillis. Starvsfólkaleiðarin hjá Varð­an­ um í Gøtu sigur, at støðan fyri teirra viðkomandi hevði verið øðrvísi, um frystihúsið hjá Varðanum Pelagic á Tvøroyri var í gongd. - Frystigoymslan á 15.000 tons er ikki brend, men hon stendur við ongum kulda, tí kompressarar og aðrar instalatiónir fóru upp í royk, tá virkið brendi. Tórheðin Jensen vísir á, at um goymslan á Tvøroyri var virkin, hevði felagið sjálvsagt goymt ein fittan part av sildini, soleiðis at hon varð seld gjøgnum árið – og ikki øll í einum. - Tað er eitt avgjørt krav, tá tú arbeiðir við stórum nøgdum av upp­sjóvarfiski til matmarknaðin, at tú kanst goyma og selja, tá prís­ irnir eru bestir, sigur hann. Einki hoyrt frá Høgna Varðin í Gøtu hevur eins og Felagið Nótaskip heitt á landsstýrismannin í fiskivinnumálum, Høgna Hoy­dal, um loyvi at flyta part av egin­kvot­ un­um hjá skipunum av sild til næsta ár, tá sildakvotan hugsandi verð­ur minni. Men, landsstýrismaðurin, sum hev­ur lovað at koma við einum svari, hevur enn ikki latið við seg koma. - Vit síggja nú úrslitið, har skip, manningar og samfelagið alt missa stór virðir, tí sildin verður landað fyri minni enn helvtarprís av tí, sum fekst fyri sildina í vertíðini í fjør, sigur Tórheðin Jensen. - Støðan svarar til, at tú sum seljari stendur við einum ísi í hondini, sum er við at bráðna. Keyparar vita, at tú noyðist at selja, um ísurin ikki skal fara til spillis, sigur Tórheðin Jensen FISKIVINNA Sild fer fyri hálvan prís - Prísurin á sild er nú so lágur, at ein sildatúrur í dag svarar til ein svartkjaftatúr til ídnað, sigur Tórheðin Jensen, skrivstovuleiðari hjá Varðanum í Gøtu Prísurin á sild er nú so lágur, at tá útreiðslur til keyp og tilfeingisgjald eru drigin frá, svarar ein sildatúrur í dag til ein svartkjaftatúr til ídnað