hósdagur 26. oktober 2017síða 32

VINNUBLAÐIÐ HJÁ MIÐLAHÚSINUM 8 oktober 2017 27 Áki Bertholdsen Nu skal lív aftur fáast í risastóra bygningin hjá gamla Bacalao á Vest­ aru­bryggju í Havn. Tað er eitt mál, sum liggur eina fremst í arbeiðnum hjá Tórshavnar Býráði hesa næstu tíðina. Tey, sum eru komin upp í árini, minnast lívið ið var á Vestarubryggju, tá ið arbeið var á flakavirkinum, Baca­lao, men nú eru fleiri ár síðani, at tað helt uppat. Havnar Arbeiðsmannafelagið droymdi um at fáa gongd aftur á fiska­virking í bygninginum hjá Bacalao, men tann dreymurin brast, tí eing­in fekst at gera íløgur í slíkt virk­semi. Og síðani eru maskinurnar seldar, so dreymurin um eins nýggja stórtíð fyri fiskivinnu á Vestarubryggju, er endaliga sleptur. Tí hevur býráðið í Havn nú hugsað um onnur endamál at brúka tann stóra bygningin til. Og nú Sjó­ vinnu­húsið er fult, verður gongd av álv­ara sett á arbeiðið at fylla tann stóra bygningin hjá gamla Bacalao, sum er í fimm hæddum við eini gólv­ vídd upp á tilsamans einar 9.000 fer­metrar. Fiskavirki er niðastu hæddini, og Bogi Andreasen, býráðslimur í Havn, og formaður í vinnunevndini hjá býráðnum, sigur, at nú skal so eisini restin av bygninginum leigast út. Hann hevur onga rættiliga hóm­ ing av, hvussu stórur áhugi er fyri at fáa høli í bygninginum, tí ongar bein­ leiðis umsóknir hava verið. Hann heldur, at ein orsøk til tað er, at ongin veit av, at húsið er til taks. Men skal hann meta út frá leysligum fyrispurningum, tey fáa um húsið, er tað ikki heilt sørt, at áhugi er fyri at sleppa inn. Ikki bara til sjóvinnu Bogi Andreasen sigur, at nú er so ætl­anin at fara undir eitt miðvíst ar­ beiði fyri kunna um møguleikan at leiga høli í bygninginum. – Í fyrstu syftu verður miðað fram ímóti at leiga aðru og triðju hædd út, áðr­enn farið verður undir at leiga rest­ina av bygninginum, sigur hann. Hann sigur, at tað verður ikki ein treyt, at virksemið í bygninginum skal hava samband við sjóvinnu, tí bygn­ingurin er ætlaður at hýsa vinna sum heild. – Men skuldi hugurin til at hava fiska­virki í bygninginum, kyknað upp aftur, ber tað sjálvandi til, sigur hann. Men kommunan fer ikki at gera íløg­ur í slíkt virksemi, leggur hann aftur­at. Einaferð varð talan um at gera Bacalao til ein upplivingardepil við vatn­landi, hotelli og øllum, sum hartil hoyr­ir. Men Bogi Andreasen sigur, at tað verður ikki hugsað um virksemi av slíkum slagi. Hann sigur eisini, at ætlanin er ikki at býráðið skal gera nakað ser­ ligt bygningin áðrenn hann verður leig­aður út. Ætlanin er at leiga hann, sum hann stendur, og tær fyritøkur, sum leiga hann, kunnu so sjálvar inn­rætta hølini eftir tørvi. Frammanundan hevur Fróð­skap­ ar­setrið leigað Sjóvinnuhúsið, um­ framt alt annað virksemið ið er har um vegir. Tað setir stór krøv til park­ er­ingsviðurskiftini, og ferðslu­við­ur­ skiftini annars. Og verður virk­semið eisini í bygninginum hjá Bacalao fer tað at seta enn størri krøv. Men Bogi Andreasen sigur, at tað er ein avbjóðing, hann ikki stúrir fyri yvirhøvur. Hann sigur, at har eru 200 parkeringspláss ímillum bygningin og Skipa­smiðjuna, men er tað ov lítið, ber til at leggja dekk í, so at talið á parkeringsplássum tvífaldast. Vilja hava lív aftur í gamla Bacalao BACALAO Á VESTARUBRYGGJU STENDUR EIN AV STØRSTU VINNUBYGNINGUM Í FØROYUM TIL ONGA NYTTU, MEN NÚ SKAL TAÐ BROYTAST Hann heldur, at ein orsøk til tað er, at ongin veit av, at húsið er til taks Tað verður ikki ein treyt, at virksemið í bygninginum skal hava samband við sjóvinnu Her er Bogi Andreasen, formaður í Vinnunevndini hjá Tórshavnar Býráð, staddur á Vestarubryggju og hann sigur, at nú verður farið undir arbeiði at leiga stóra bygningin hjá gamla Bacalo, út