mánadagur 30. oktober 2017síða 13

13 Mánadagur 6. januar 2014 · Nr. 2 Sosialurin Mánadagur 30. oktober 2017 · Nr. 126 Hugskot og viðmerkingar – send sms til 225000 HONDBÓLTUR Pætur Albinus BOKSING Hálvføroyski boksarin, Sarah Mah­ foud, ið eisini er kend sum vinnari av Vild med Dans-kappingini hjá danska TV2, vann leygarkvøldið sín fjórða sigur á boksileiðini. Hon hevur harvið ongan dyst tapt enn – fýra út av fýra hevur hon vunnið síðani yrkisleiðin sum fulltíðar boksari byrjaði í mai. Hesaferð vann hon ímóti rumensku Gabriella Mezei í stóra til­taki­num, Danish Fight Night. Talan var um ein at síggja til javn­an dyst, har Sarah ongantíð fekk mót­ støðukvinnuna í gólvið, men við dómaraatkvøðunum vann hon tó greitt 3-0. - Tað føldist sum eg vann øll umførini, men tað eru nøkur ting, sum eg má arbeiða við at gera betri. Eg var ikki ovurfegin, tá ið eg fór úr ringinum, tí eg vildi fegin givið tykkum nakað flottari, segði Sarah Mahfoud við Ekstrablaðið eftir dystin. Sarah Mahfoud er fødd í Føroyum og búði her til hon var fýra ára gomul. Mamman er føroysk og pápin er ættaður úr Sýria. FLOGBÓLTUR U19-landsliðið hjá monnum vann í gjár 5. plássið í evropeisku flog­ bólts­kappingin í Onglandi, sum teir hava verið við í síðani hósdagin. Dyst­urin um 5. plássið var ímóti Íslandi, og dreingirnir megnaðu at vinna dystin 3-1. Føroyar vunnu fyrsta settið 25-20, men taptu so tað næsta 20-25.Men so kom vend í aftur, og Føroyar vunnu triðja settið 25-21, eins og teir smurdu Ís­ land av í 4. og seinasta settinum 25- 14.Meginparturin at liðnum hevur eisini møguleika at spæla við kom­ andi ár, so hetta eitt ungt lið, sum hevur verið við í kappingini, og tí verður vónað, at liðið fær betri úrslit komandi ár. Eisini U19-kvinnurnar hava lut­ tikið í somu kapping, og tær vóru eisini í dysti um 5. plássið. Mun­ urin var tó, at tær taptu dystin. Mót­støðuliðið Ísland vann 3-1. Ísland vann fyrsta settið 25-19, men so komu føroysku genturnar sterkt aftur og vunnu 26-24 í einum spenn­andi setti. Eisini triðja settið var javnt, men Ísland dróg longra stráð­ið og vann 25-22. Síðani steðg­ aði alt upp hjá Føroyum, og tær taptu stórt 25-12 og harvið dystin 3-1.Føroysku kvinnurnar endaðu so­statt nummar seks í kappingini aftanfyri Ísland. FORMIL 1 Lewis Hamilton (Mercedes) er heims­meistari á fjórða sinni. Heið­urin tryggjaði hann sær í kapp­koyringini í Meksiko í gjár­ kvøldið, har hann og kapp­ingar­ neytin, Sebastian Vettel (Ferrari), vóru endaðir nakað aftarliga í kappingini, men tó vóru í beinleiðis dysti í samlaðu kappingini. Tað endaði við, at Vettel bleiv nummar fýra og Hamilton nummar níggju. Hetta var nóg mikið hjá bretska kapp­koyraranum, sum nú ikki kann fangast aftur og er heimsmeistari. Max Verstappen (Red Bull) bleiv nummar eitt, Valtteri Bottas (Mer­ cedes) bleiv nummar tvey og Kimi Räik­könen (Ferrari) nummar trý. Danski Kevin Magnussen (Haas) bleiv nummar átta. Tvær kapp­koyr­ ingar eru eftir at koyra. Tær verða koyrdar í Brasilia og í Abu Dhabi. TALV Føroyska talvlandsliðið luttekur í hesum døgum í EM-kapping fyri landslið, sum verður telvað á griksku oynni Kreta. Fyrstu leikir­ nir vórðu fluttir leygardagin, og í fyrsta dystunum taptu teir før­ oysku 3-1 ímóti Spania. Helgi Dam Ziska og Høgni Egilstoft Nielsen telvaðu javnt á ávikavist 1.- og 2. borði, men á 3.- og 4. borði taptu Rógvi Egilstoft Nielsen og John Rød­gaard. Høgni Egilstoft Nielsen fekk remis móti Lopez Salgado, sum hevur 300 ratingstig fleiri enn hann sjálvur hevur, og við svarta fólkinum fekk Helgi Dam Ziska remis ímóti tí annars 100 stig hægri styrkismetta Anton Guijarro. Tap­ið kom ikki óvart á, tí Spania er styrskis­mett nummar fimtan og Føroyar nummar 35 av teimum 40 lond­unum í kappingini. Seinnapartin í gjár telvaði før­ oyska liðið annan dystin í EM- kapp­ingini á Kreta. Mótstøðulandið hesa­ferð var Skottland, og Føroyar høvdu framt eina útskifting – John Arni Nilssen avloysti John Rødgaard. Allir føroysku telvararnir vóru hægri styrkismettir enn teir skotsu, men hóast Føroyar vóru rættiliga greiðir favorittar, so eydnaðist tað ikki at vinna. Held­ur merkisvert endaðu øll fýra talv­ini við remis, og harvið endaði saml­ aði landsdysturin javnur 2-2. Í EM í Reykjavík fyri tveimum árum síða­ni vunnu Føroyar við sama liði sum í gjár 3½-½ ímóti einum betri skotskum liði enn í gjár. Skott­land er styrkismett sum hitt veik­asta av øll 40 liðunum á Kreta. Miðal­styrki­ talið hjá skotum er 2288 móti 2392 hjá Føroyum, so tað var einki at taka seg aftur í, at úrslitið var eitt stórt vónbrot. Kappingin heldur áfram hesa vikuna. TENNIS Danska Caroline Wozniacki vann størsta sigurin á yrkisleiðini, tá ið hon í gjár vann finaluna í sokallaðu kapp­ingarársfinaluni, sum er ein kapping, har átta tær bestu í heimi­ num hittast. Kappingin varð spæld í Singapore, og í finaluni í gjár vann 27 ára gamli danin 6-4, 6-4 ímóti Venus Williams úr USA. Hetta var fyrstu­ferð, at hon megnaði at vinna ímóti Venus Williams, og hetta var sam­stundis fyrstu ferð, at hon vann hesa kappingina. Vinningurin var einki minni enn 18 milliónir krónur. - Eg risti framvegis. Eg spældi væl, og eg kláraði tað eisini tá ið hon byrjaði at spæla betur í øðrum setti. Eg eri so glað fyri at tað eydnaðist, segði Caroline Wozniacki í sigurs­ talu­ni eftir dystin. SARAH VANN FJÓRÐA DYSTIN Á RAÐ Vild med Dans-vinnarin, hálvføroyska Sarah Mahfoud, ger um seg í boksiheiminum, og eisini í øðrum ítróttum hava føroyingar kappast uttanlands hetta vikuskiftið