mánadagur 6. november 2017síða 13

13 Mánadagur 6. januar 2014 · Nr. 2 Sosialurin Mánadagur 6. november 2017 · Nr. 129 Hugskot og viðmerkingar – send sms til 225000 Fótbóltsambandið Fríggjadagin 10. november klokkan 16:45 spælir føroyska U21-landsliðið fimta dystin í undankappingini til EM 2019, tá póllendingar vitjar á Tórsvølli. Higartil hevur hilnast væl í kappingini, og aftaná fýra dystir eru Før­ oyar nummar 3 í bólki­num við 4 stigum. Liðskiparin á føroyska lið­num, Hákun Edmundsson, er spentur til dystin, og sær positivt upp á uppgávuna, sum nú stendur fyri framm­ an. Men hann er eisini greið­ ur yvir, at uppgávan verður ikki løtt. - Vit eru á heimavølli og skulu royna at byggja víðari á góðu gongdina, sum vit hava havt í seinastuni. Pólland hevur heilt víst eitt sterkt lið, og teir koma nokk at hava bóltin nakað meir enn vit. Vir eru ikki favorittar, men fara á vøllin í trúnni á, at vit kunnu fáa eitt gott úrslit, sigur Hákun Edmundsson við heimasíðuna hjá FSF. 26 spælarar hava vant Seinastu tvær vikurnar hevur ein bruttohópur við 26 spælarum vant regluliga á Tórsvølli, og tað ger, at før­oyski U21-hópurin er væl fyri at spæla landsdyst í november. Tað er kortini av­markað, hvat okkara spælarar kenna til pólska liðið. Harafturímóti hava venjararnir, Eli Hentze og Hegga Samuelsen fylgt væl við póllendingunum í hesari undankappingini. - Eg kenni lítið til pólska lið­ið. Men teir eru heilt víst stinn­ir. Hetta sigi eg út frá teim­um úrslitum, sum teir hava fingið í kappingini. Men venjaratoymið hjá okkum hevur sæð allar teirra dystir, og saman við teimum fara vit at hyggja nærri at Póllandi, tá hópurin kemur saman aftur týsdagin, sigur Hákun Edmundsson. Trilvandi byrjan Føroyska U21-liðið kom heldur trilvandi frá byrjan, tá undankappingin til EM 2019, sum verður hildið í Italia og San Marino, varð sparkað í gongd. Fyrst taptu Føroyar 3-0 fyri Litava, og úrslitið varð eisini 3-0 tap, tá danir vitjaðu á Tórsvølli seinast í august. Men í triðja dystinum eydnaðist føroyska liðnum at spæla javnleik 1-1 á útivølli í Finnlandi, og fyri lítlum mánað síðani vunnu Føroyar 3-1 á Georgia. Spurdur hvussu er føroyski liðskiparin so nøgdur við gongdina higartil í kappingini, svarar hann: - Tað er á eini góðari leið. Móti Litava skuldu vit fingið meir burtur úr, meðan tað bleiv ov stórur munur á liðunum, tá vit møttu Danmark, sjálvt um vit halda, at vit skuldu gjørt tað nógv betri. Hinvegin, so eru vit nøgdir við eitt stig á útivølli móti Finnlandi, og sera væl nøgdir við 3-1 sigurin á Georgia, har vit spældu ein klókan dyst, fingu nøkur góð mál, og vardu sum eitt lið, sigur Hákun Edmundsson at enda. Rás2 sigur beinleiðis frá U21 landsdystinum, sum verður fríggjadagin klokkan 16.45. trondur@sosialurin.fo -SKULU BYGGJA VÍÐARI Á GÓÐU GONGDINA Tað sigur Hákun Edmundsson, sum saman við U21 landsliðnum skal spæla móti Póllandi fríggjadagin. Hetta er seinasta landsliðsuppgávan í hesum árinum U21 móti Póllandi: FAKTA: Hópurin Elias Rasmussen, Víkingur Karstin Hansen, NSÍ Jóannes K. Danielsen, KÍ Ari Olsen, Skála Bjarni Petersen, B36 Bartal Wardum, HB Ólavur Niclassen, KÍ Erlendur Magnusson, B36 Jákup V. Olsen, Víkingur Betuel Hansen, NSÍ Jákup B. Andreasen, KÍ Hákun Edmundsson, Skála Teit Jacobsen, SønderjyskE (DEN) Jann J. Benjaminsen, NSÍ Jóannes Bjartalíð, KÍ Meinhard E. Olsen, B36 Petur Knudsen, NSÍ Adrian Justinussen, HB John J. Frederiksen, 07 Vestur Jákup L. Thomsen, FC Midtjylland (DEN)