mánadagur 6. november 2017síða 18

Mánadagur 6. november 2017 · Nr. 129 18 Sosialurin Hugskot og viðmerkingar – send sms til 225000 Leygarkvøldið kvøldið brast ein “bumba” á NSÍ veitsluni, tá felagið kundi boða frá, at Sámal Erik Hentze verður venjari komandi kappingarár. Umframt tað, so er Jóhan Troest Davidsen komin heim. Spurningurin er nú, um ikki NSÍ er fyribils FM favoritturin Tróndur Arge Sjáldan hevur ein hond verið spæld betri, enn tann sum NSÍ spældi leygarkvøldið. Í øllum loyndum hevur NSÍ klárað at spælt sær Sámal Erik Hentze í sín lut. Við honum hevur felagið fingið ein mann, sum veit hvat skal til fyri at vinna FM, men eisini ein mann, sum kann fáa runavíkingar at trúgva upp á tað. Øll vistu, at NSÍ hevði verið eftir manninum, men tað munnu verða tey fæstu, sum vistu av, at hann bleiv kunngjørdur á ársveitsluni, tí hann hevði greitt boðað frá, at komandi ár skuldi hann hava frí frá fót­bólti­ num. Í hesi greinini fara vit at hyggja nærri at liðnum, sum Sámal Erik Hentze skal gera til FM vinnarar komandi kappingar­ár. Hevur gjørt tað fyrr Boðini vóru púra greið. Sámal Erik Hentze bleiv hálað­ur inn til at vinna FM. Víkingur hevði fimm steypasigrar upp í slag, men nú var skjótt seinasta útkall hjá stammuni á liðnum. Okkurt skuldi gerast og svarið var einfalt. Sámal Erik Hentze. Hann er egin, passar illa inn í pappírsveldið og hevur sín heilt serliga máta at gera tingini uppá. Eitt ár seinni er Víkingur føroyameistari á fyrsta sinni. Liðið hevur ís í búkinum og spælir heilt óvanliga væl í seinnu hálvu, tá tað kemur til úrslit. Hann heldur seg til tað, sum hann veit riggar. Tí bleiv eitt nú ein spælari sum Adeshina Lawal, ið bleiv ársins spælari í 2014 undir Bagga í B36, hálaður inn. Hann er í ár toppskjútti og ein av høvðusorsøkunum til, at Víkingur aftur í ár er føroya­meistari. Hetta er triðju ferð, at Sámal Erik Hentze ger eitt felag til FM vinnara. Í 2009 gjørdi hann tað við HB, í 2014 við B36 og í 2016 við Víkingi. Heldur seg somu spælskipan Seinastu árini hevur Sámal Erik Hentze hildið seg til at spæla nakað, sum líkist 4-2-3-1. Í Víkingi kom hetta greitt til sjóndar, har Gert Han­sen, Atli Gregersen, Erling Jacobsen og Hanus Jacob­sen spældu í verjuni, meðan Sorin Anghel, Fróði Benjaminsen og Hans Jørgen Djurhuus deildust um tvey pláss á verju­ kenda miðvøllinum, so er lyklaspælarin mangan fram­rættaði miðvallarin. Hjá Víkingi var tað Sølvi Vatn­hamar, hjá B36 var tað Lukasz Cielsewicz og í HB var tað Fróði Benjaminsen. Allir kosnir ársins spælara, meðan Lukasz Cieslewicz var fáar atkvøður frá at vinna tað í 2014, so vunnu hinir tað undir Bagga. Eyðkent fyri spælistílin hjá Bagga er, at liðið er sera væl skipað, spælir nógv upp á fanga mótstøðuna og so dúva upp á mótálop. Eisini ger hann nógv burturúr deyð­bóltum. Hetta kom ser­ liga til sjóndar í ár, har Norð­ lýsið hevur gjørt uppteljing, ið vísur at Víkingur er greitt tað liðið, sum skorar oftast upp á deyðbóltar. Tað sæst eisini aftur til venjing, har hann ikki er bangin fyri at seta tíð av til at venja tað. Avbjóðingin í NSÍ Tað tykjast verða onkrar avbjóðingar í NSÍ. Ein av teimum er evni til at vinna í longdini. NSÍ prógvaði í ár, at liðið hevur tað, sum skal til fyri at vinna steypa­ kappingina. Tað telur eisini eyka, at liðið kláraði tað uttan onkrar av profilunum í finaluni. Tó er afturgangandi fyri NSÍ, at liðið hevur ikki tað, sum skal til fyri at vinna yvir eitt heilt kappingarár. Somu eyðkennini hevði Víkingur, tá Sámal Erik Hentze tók við. Tað vil so eisini siga, at hetta er ein avbjóðing, sum hann kennir aftur. Tá tú hyggjur eftir hópi­ num hjá NSÍ, so er ilt at vinna handan framrættaða miðvallaran, sum kann blíva ársins spælari. Her passar Pól Jóhannus Justinussen ikki heilt inn í stílin hjá Lukasz Cieslewicz og Sølva Vatn­hamar, men hevur nakað av tí sama, sum Fróði Benja­min­sen hevur, tá hann leitar sær í brotsteigin. Ein triðja avbjóðing er, at nú er trýst á NSÍ. Tað var eitt sunt trýst á Víking í fjør, men ikki nakað royndu spælar­ arnir ikki kláraðu at bera. Komandi ár verður eitt stórt trýst á NSÍ at vinna FM, men spurn­ingurin er um hópurin tolir tað? Øssur og Fróði til NSÍ? NSÍ hevur longu fingið dreymaspælaran. Talan er um Jóhan Troest David­sen, sum hevur verið í útlegd síðani 2010. Lands­liðs­mið­ verjin er væl lýddur og hevur leiðara­evnini, sum onkuntíð hava verið eftirlýst í verjuni hjá NSÍ. Nú ljóðar, at felagið av álvara brynjar seg til eitt FM stríð. Undan farna kapp­ ingar­ár var Klæmint A. Olsen toppskjútti í før­oyskum fótbólti fýra ár upp í slag. Í ár bleiv hann eitt mál og stuttur, men tað sigur ikki so lítið um týdningin hjá fram­herjanum. Nú er líkt til, at felagið ynskir at fáa ein spælara inn at stuðla honum í álopinum. Talan er um 28 ára gamla Øssur Dalbúð, sum eisini er uppvaksin í felagnum. Hann hevur ferðast millum føroyskan og danska fótbólt seinnu árini, men verður í feburar leysur av tí. Skal liðið hava nakað av harðføri á miðvøllin, so er heldur ikki óhugsandi, at Fróði Benjaminsen er eitt boð. Hann fylgdi Bagga til Víking, so hví ikki eisini til NSÍ, tá hann nú býr á Strondum. NSÍ hevur eisini millum annað verið í samband við Michal Przybylski (Skála) og Boga Reinert Petersen (ÍF). Úr øskuni og upp á tindarnar NSÍ hevur síðani kappingar­ enda 2011 tikið eitt ótal av røttum avgerðum. Tann veturin var skilið so ringt, at leiðslan umhugsaði at av­taka felagið, fyri síðani byrja av nýggjum. Í samrøðu við ÍtróttarSosialin eftir steypa­sigurin, greiddi Sonni L. Petersen, fyrrverandi for­maður, frá hvussu tung støðan var. Tá setti felagið egnar spælarar við og úrslitið Bagge plagar at vinna FM: HER ER FM-LIÐIÐ HJÁ NSÍ