hósdagur 9. november 2017síða 4

FRÍGGJADAGUR 10. NOVEMBER 2017 SOSIALURIN 131 4 Vit eru komin inn í myrku tíðina og hava flutt klokkuna ein tíma aftur. Klók fólk hava einaferð hildið, at tað er ómetliga smart at flyta klokkuna aftur ella fram tvær ferðir um árið. Tá ið hetta bleiv sett fast inn í skipanina var tað tí, at myndugleikarnir eftir ráðføringum frá serfrøðingum komu til ta niðurstøðu, at hetta geniala trekkið fór at spara samfelagnum orku. Í dag møtir tú sjálvdan fólki, sum halda at hetta er skilagott. Nú eru tað alt fleiri sum siga, at klokkuflytingin millum summartíð og vetrartíð ger meira skaða enn gagn. Tað noyðir innara urið hjá okkum at tillaga seg tí, sum onrkir smartir skrankiapávar funnu uppá fyri nøkrum árum síðani. Íslendingar hava tikið avgerð um, at teir fylgja ikki hesum flytarínum og flyta ikki klokkuna, men hava somu tíð alt árið. Hetta er ikki nakað stórt mál, men vit hava tikið hetta til okkum úr Danmark, sum so mangt annað. Lat meg bara siga tað beinanvegin, at eg havi búð nógv ár í Danmark. Danska samfelagið er ómetaliga væl skipað og virkar væl. Donsku skipanirnar eru gjørdar til danska samfelagið og ikki tað nógv minni føroyska. Tí skilji eg illa, at nógvar av hesum skipanum eru kroystar niður yvir høvdið á okkum føroyingum. Veit sjálvandi, at akademikararnir, sum ganga á odda við slíkum skipanum hava nomið sær útbúgving í Danmark, men kenni eg danskar lærustovnar rætt, so læra tey flestu at hava krtiskt atlit til allar skipanir. Í Føroyum er tað sum, at bara tað er danskt og riggar í Danmark, so skal tað innførast í okkara meira enn 100 ferðir minni samfelag. Óndir tankar stinga seg viðhvørt upp og siga, at hetta fyrst og fremst verður gjørt fyri at skapa arbeiðspláss til okkara fólk við hægri útbúgvingum. Politiska skipanin letur seg mangan taka sum gíðslar í slíkum spæli, tí tá ið landsstýrisfólk og tingfólk spyrja seg fyri, hvusssu ávís mál skulu loysast, so fá tey altíð eitt svar um, at tað kostar so og so nógv og krevur so og so nógv fólk afturat. Føroyska samfelagið er so gjøgnumregulerað, sum nakað annað samfelag. Lógirnar eru óteljandi, men evnir og orka at fyrisita lógirnar, gera kunngerðir og annað, sum hoyrir til, finnast ikki. Vit eru ov fá. Merkiligt at ongin politikari ella politiskur flokkur setir sær sum endamál at gera lítla føroyska samfelagið einfaldari. Tryggjar, att talið av almennum starvsfólkum minkar og annars syrgir fyri rationalisering á øllum økjum, Onkur politikari hevur onkuntíð nevnt hetta, men so skjótt tey koma inn um gáttina í Tinganesi, so eru tey partur av skipanini. Tá kann ongin sigast upp hjá tí almenna, tí so steðgar samfelagið. Vit hava búskaparliga góðar tíðir og verður lurta eftir politiskum orðum, so er tað nú vit skulu taka okkum um reiggja og rationalisera. Men megna vit tað? Val nærkast og hetta fer kanska at kosta onkrum atkvøður, so kanska er best at lata standa til og vóna at onkur annar tekur handskan upp eftir eitt væl. Ája! Vikan ið fór Sæð á Facebook: Alt er fantastiskt, og eingin er glaður, ikki sannheit? Hesa vikuna hava sjúkrarøktarfrøðingar hert verkfallið og tí er deildin B7 latin aftur. Eitt annað verkfall spøkir, nú Pedagogfelagið ikki er nøgt við samráðingarnar við Fíggjarmálaráðið. Kirkjuráðsval var í vikuni, har 156 fólk vóru vald í tey 22 kirkjuráðini, sum høvdu val. Fyri fyrstu ferð er talið á ferðandi umvegis Vága Floghavn farið uppum 300.000. Eftir kirkjuráðsvalið staðfesti biskuppur, at aðalorðaskifti verður í næstum um signing av samkyndum í kirkjuni. - Eingin mismunur verður gjørdur á fólki í fólkakirkjuni, sigur Jógvan Fríðriksson um støðuna. Verkfall MEST NÝTTA ORÐIÐ HESA VIKUNA ...uppá ein minutt nýggj partafeløg eru nú stovnað 10 Tað er neyvan nakar ivi um, at verk­ fallið hjá sjúkrarøktar­frøð­ing­un­um og somuleiðis møgu­leik­ar­nir fyri einum komandi verkfallið hjá pedagogunum hevur verið nógv um­røtt seinastu vikuna. FRÍGGJADAGUR LEYGARDAGUR SUNNUDAGUR Stívt andøvsgul upp í hvassan vind av útnyrðingi, 10 til 15 m/s, um kvøldið og náttina øtlar hann í strúk í vindi upp í skrið, 13 til 18 m/s. Samdrigið og ælaveður, leygarnáttina møguliga vátaslettingur ella kavi. Hitin millum 2 og 6 stig. Stívt andøvsgul upp í hvassan vind av útnyrðingi og norðri, 10 til 15 m/s, eitt skifti upp í skrið í støðum, 20 m/s. Um náttina makar hann í gul til stívt andøvsgul, 5 til 10 m/s. Samdrigið og okkurt vátaslettings- ella kavaæl. Hitin millum 1 og 5 stig. Strúkur í vindi upp í skrið av útnyrðingi og norðri, 13 til 18 m/s. Samdrigið og ælaveður, lutvíst vátaslettingur ella kavi. Hitin millum 2 og 6 stig. 10-15 m/s 10-15 m/s 13-18 m/s Um orðið sigur Sprotin Verkfall tað at arbeiðsfólk í felag leggur niður arbeiði sum mótmæli (serst. móti arbeiðs- og lønarviðurskiftum), streika 1, fara í verkfall; vera í verkfalli Visti tú? At Kvinna skal hava nýggjan blaðstjóra? Tað er ikki neyðugt at stongja øll tey ungu í Føroyum inni. Tað eru onnur ting, sum kunnu rigga minst líka væl. Árni Gregersen, journalistur, skrivar Ája!