hósdagur 16. november 2017síða 2

Í blaðnum... Tórshavn Tórsgøta 1, Postboks 76, 100 Tórshavn tel. 341800, fax 341801, post@sosialurin.fo Suðuroy tel. 375364, fax 375464, tel. 228814, aki@sosialurin.fo, dagfinn@sosialurin.fo Haldarar, sum ikki hava fingið blaðið, kunnu ringja tel. 341818 frá kl. 8.00 til 20.00 og boða frá. Útgevari: Sp/f Sosialurin Uppseting: Sosialurin Avgreiðsla: mán - frí kl. 08.00 - 16.00 Tel. 341800 www.sosialurin.fo Ábyrgdarblaðstjóri: Eirikur Lindenskov eirikur@sosialurin.fo Blaðstjóri: Barbara Holm barbara@sosialurin.fo Fyritaksstjóri Jonhard Hammer jonhard@sosialurin.fo Marknaðardeild lysing@sosialurin.fo Stovnaður: 1927 Prent: Prentmiðstøðin 17. november 2017 Gjøgnumgongdin av pensjónunum hjá politikarum her í blaðnum sein­ astu dagarnar talar sína egnu søk: – Broytið nú hasa gyltu pensjónina, sum tit hava tiltuskað tykkum! Hvørja ferð avvarðandi politikarar siga nak­að alment um sína pensjón, so hoyra vit um­beringar sum, at »tað er so keðiligt at skula viðgera síni egnu lønarviðurskifti«. Hetta er fjas. Politikararnir tíma væl at við­gera síni egnu lønarviðurskifti – í øll­um før­um hava teir tiltuskað sær eina pen­sjónsskipan, sum er fullkomiliga hol í høvdið. Men tað er ikki rætt at siga, at pol­it­ ikarar hava gjørt tað í duldum. Tí øll tøl eru almenn, og allar lógir eru almennar. So ein og hvør, sum hevur hug, kann seta seg við lógarteksti og rokniarki og rokna út, hvussu væl politikarar hava dugað at gjørt sær sjálvum eina heilt fantastiska eftirlønarskipan, sum skattgjaldari hongur upp á at gjalda. Vit hava fingið lívstryggingarfelagið Lív at roknað út, hvussu nógv eftirlønin hjá løgtingsformanninum, sum er tann dýrasta, er verd, um ein vanligur føroyingar stovnar sær eina slíka: 12,9 milliónir er svar­ið. Tað merkir, at Palliba ella Marsanna skulu rinda 135.000 krónur um mánaðin í pen­sjóns­inngjaldi fyri at fáa eina so góða eft­ir­løn, sum løg­tingsformenn framvegis fáa, og sum løgmenn, sum sótu frá 1998 til 2015 fingu. Hetta er ikki ein skipan, sum »onkur« hev­ur gjørt og smoygt niður yvir løgtingið. Hetta er ein skipan, sum eitt fullsamt løg­ ting hevur samtykt fyri 17 árum síðani. Fleiri av teimum, sum sita í Løgtinginum nú – eisini formaðurin sum varðar av skip­an­ini – sótu eisini í løgtinginum tá og samtyktu hesa skipanina. Men fólkið er tolið. Pensjónir eru altíð fløkt­ar, og tey flestu hava ikki ánilsi av, hvussu teirra egna pensjón er skrúvað sam­ an. Tí kunnu politikarar snakka aftur og fram og upp og niður um fólkapensjón og grund­upphædd og tveita fólki torvmold í eyguni. Men nú ætla politikarar at hækka pen­ sjóns­aldurin hjá okkum. Og samstundis kunnu vit staðfesta, at 14 fólka­pensjónir skulu til fyri bara at gjalda eft­ir­lønia hjá løgtingsformanninum. Jákup Sverri Kass farin úr starvi sum stjóri fyri Vága Floghavn Hesum boðaði Vága Floghavn frá beint fyri prentstart: – P/F Vága Floghavn og Jákup Sverri Kass eru í dag komin ásamt um at enda samstarvið teirra millum. Evy Jacobsen er sett sum virkandi stjóri fyri Vága Floghavn til nýggjur stjóri er settur, skrivar Vága Floghavn í fráboðanini. – Jákup Sverri Kass hevur verið stjóri fyri Vága Floghavn síðan apríl 2012. Hesi fimm árini hevur stórur vøkstur verið í ferðafólkatalinum, viðurskiftini inni og rundanum flogvøllin eru munandi betrað, samstundis sum talið av vitjandi flogfeløgum er vaksið. Nevndin fegnast um rokkin úrslit, og vil við hesum takka Jákup Sverra Kass fyri tænastuna. 14 fólkapensjónir til formanspensjón Jákup Sverri farin frá sum stjóri Vága floghavn Les eisini blaðið á telefonini Livandi garður teirra deyðu Høgni Djurhuus baksíðan Ein søga um mis­ nøgd, armóð og biddaragongd Eivind Warberg Tíðargrein síða 22-23 Oddagrein Eirikur Lindenskov blaðstjóri Politiski taktikarin, sum dugdi at halda Fólkaflokkinum at valdinum Sunnudagin fyllir Anfinn Kallsberg, fyrr­ver­ andi løgmaður, 75 ár. Anfinn Kallsberg var løgmaður í Før­oy­um í fullveldislandsstýrinum, sum Tjóð­veld­is­ flokk­urin, Fólkaflokkurin og Sjálv­stýr­is­flokk­ ur­in skipaðu eftir valið í 2998, tá Tjóðveldi gjørd­ist størsti flokkur. Sjálvt um bæði Javn­að­ar­flokk­ur­in, sum endaði í andstøðu, og Tjóð­v­eld­is­flokkurin fingu fleiri atkvøður enn Fólka­flokk­urin, so fekk Fólkaflokkurin løg­mann. Fullveldislandsstýrið helt fram eftir valið í 2002. Men tá misti landsstýrið meirilutan, og tí vóru boð eftir Miðflokkinum afturat. Tann sam­gongan slitnaði tó í 2003 og val varð út­ skriv­að til 20. januar í 2004. Anfinn Kallsberg varð valdur á ting fyrstu ferð í 1980 – tá hann lyfti arvin eftir Hák­un Djurhuus, sum tá gavst í politikki. An­finn Kallsberg gjørdist landsstýrismaður seinnu helvt av tí valskeiðnum, tá hann var lands­ stýr­is­maður í fiskivinnu- og handilsmálum. Anfinn Kallsberg er tiltikin takt­ik­ari í pol­ i­tikki. Tað gav at bíta, tá Javnaðar­flokk­ur­in í 1996 fór úr samgonguni hjá Edmund Joensen við teirri sann­føring, at Edmund Joensen fór at skriva út val. Men tá kom Fólkaflokkurin upp í sam­gonguna, bjargaði henni, og Anfinn Kalls­berg gjørdist fíggjarmálaráðharri. Eftir hetta sat Fólkaflokkurin í samgongu í 19 ár at kalla út í eitt. Eitt lítið glopp var með­an CHE samgongan sat í 2008 og eitt skifti í 2011, og tá Fólkaflokkurin fór úr seinnu ABC sam­gonguni. Áðrenn Anfinn Kallsberg kom upp í lands­politikk var hann borgarstjóri á Við­ar­ eiði. Í landspolitikkki hevur hann eisini verið løg­tings­for­maður og fólkatingsmaður frá 2005-2007. Hann er útbúgvin innan skrivstovu og hand­il. Hevur starvast sjálvstøðugur við bók­ haldi og annað á Viðareiði í tíðarskeiðinum frá 1974 til 1996. Harumframt hevur hann starv­ast hjá J. F. Kjølbro í Klaksvik frá 1964 til 1974. Anfinn Kalsberg segði seg frá sum løg­ tings­mann 19. januar í 2011. Jørgen Niclassen fór frá sum utt­anríkisráðharri og fór í staðin í Løg­tingið, og Bjarni Djurholm, sum hevði verið vara­maður, fekk tá fast sæti á tingi. Annfinn Kallsberg hevði tá verið virkin í før­oysk­um landspolitikki í 30 ár. Anfinn Kallsberg 75 ár