týsdagur 21. november 2017síða 8

Mikudagur 22. november 2017 · Nr. 136 8 Sosialurin Hugskot og viðmerkingar – send sms til 225000 Danjal av Rana Sosialurin hevur seinastu tíðina varpað ljós á lønar- og eftirlønar­ við­urskiftini hjá landsstýris- og løg­tingsfólkum okkara. Áður hevur verið nevnt, at løg­ tings­limir fáa eina tænastu­manna­ pensjón, sum svarar til 11 ferðir eina fólkapensjón, ella at hægst lønti politikkarin hevur eina løn, sum svarar til 220.000 krónur um mán­aðin. Nú vísir tað seg, at løgtingslimir eisini hava eina aðra serskipan í løn síni. Verður ein løgtingslimur valdur á fólkating, er einki í vegin fyri, at hann fær løn úr báðum støð­um. Inntil nýliga hevur eisini verið vanligt, at løgtingslimir eisini hava havt sæti á fólkatingi. Men í lóg­ini er eisini skrivað, at um ein løg­tingslimur fer í farloyvi í fólka­ tings­ørindum, varðveitir hann løg­ tings­løn sína. Lógin sigur soleiðis: Stk. 3. Løgtingsmaður, sum fær far­ loyvi úr tinginum vegna sjúku, ella tí hann hevur fingið farloyvi at fara uttanlands í løgtings- ella fólka­ tingsørindum, varðveitir rættin til samsýning og forvinnur sær eftir­ løn­araldur. Jonhard Klettheyggj, løgtings­ stjóri, váttar fyri Miðlahúsinum, at eingin tíðaravmarking er sett á hetta farloyvi. Tað vil siga, at ein løgtingslimur kann fara í farloyvi úr løgtinginum alt valskeiðið fyri at røkja fólkatingssessin, og fram­ vegis varðveita løgtingsløn sína, umframt sjálvandi at fáa fólka­ tingsløn sína. Soleiðis kann við­ komandi løgtingslimur fáa 89.224 krónur tilsamans í løn um mán­ að­in, umframt viðbøtur, ella kosta føroyska skattgjaldaranum 454.392 krónur um árið, hóast hann er í farloyvi. Løgtingslimir hava eisini rætt til løn í farloyvi, um tað er vegna sjúku og tá teir eru burturstaddir í arbeiðsørindum fyri løgtingið. Hetta seinasta er tó einans galdandi fyri ST-aðalfundir, tá løgtingslimir eru við sum eygleiðarar, sum partur av donsku delegatiónini, sambært Jonhardi Klettheyggj. Hann sigur, at tá fundir eru í Útnorðurráðnum og Norðurlandaráðnum fara løg­ tingsfólk ikki í farloyvi, tí so kunnu tey ikki umboða løgtingið long­ur. Tískil er eisini vanligt, at eing­ir løgtingsfundir eru, meðan Norð­ urlandaráðsfundir og Útnorður­ ráðs­fundir eru. Eru løgtingslimir í farloyvi av øðr­um ávum, fáa teir ikki løn úr løgtinginum. Eisini er ein áseting um, at um ein løgmaður fer í far­ loyvi og fær varafólk inn fyri seg, skal varamaðurin sita í minst tvær vikur. Jonhard Klettheyggj nevnir kort­ini, at ta tíð, hann hevur verið løgtingsstjóri, hevur eingin løg­ tings­limur nýtt hendan møgu­leik­ an. Magni Arge, sum er einasti, sum í løtuni hevur rætt til at sita í báð­ um tingunum, hevur heitt á Løg­ tingið um at steðga løn síni hiðani, með­an hann er í farloyvi. Lønarviðurskiftini skulu endurskoðast Páll á Reynatúgvu, løgtings­for­mað­ ur, hevur nú loksins sett nevnd­ina, sum skal endurskoða løn­ar- og eft­ ir­lønarviðurskiftini hjá løg­tings­ fólk­um. Hann vil ikki tosa við Miðlahúsið um málið, men segði við Dag og Viku, at nevndin eftir ætlan skal vera liðug við sítt tilmæli í marts 2018. Páll á Reynatúgvu hevur sett Jógvan Ámundsson, grannskoðara, Gunn Ellefsen, advokat, og Maria á Dul, HR-leiðara í Betri P/F, í nevnd­ ina. Hetta er sami leistur, sum Kaj Leo Holm Johannesen, fyrrverandi løgmaður, nýtti, tá hann broytti lønar- og eftirlønarviðurskiftini hjá landsstýrisfólkum seinasta val­ skeið. Tá bleiv eftirlønin broytt til eina vanliga eftirlønarskipan, með­ an lønin varð sett nakað upp. Enn er ikki greitt, um tað kann væntast, at lønin hjá løgtingsfólkum eisini verð­ur hækkað í hesum sambandi. LØGTINGSMENN HAVA RÆTT TIL FARLOYVI VIÐ LØN Ein fólkatingslimur í farloyvi úr løgtinginum hevur framvegis rætt til løgtingsløn sína.