hósdagur 30. november 2017síða 32

FRÍGGJADAGUR 1. DESEMBER 2017 SOSIALURIN 140 32 Elisabeth átti vakrastu tekningina Herfyri skipaði frítíðarskúlin Snjallabjalla í Klaksvík fyri tekni­ kapping. Vinnandi tekningin fer at myndprýða jólakortini hjá Klaks­víkar kommunu í ár, og allar tekningarnar hanga nú uppi í Býráðshúsinum. Vinnarin gjørdist Elisabeth Jacobsen, sum gongur í 2.A á Skúlatrøð. Klaksvíkar kommuna hevur gjørt av at brúka tekningina hjá Elisabeth at myndprýða tey á leið 500 jólakortini, sum Klaksvíkar komm­una sendir út í desember, og í samband við avdúkingina lat Snjalla­bjalla eisini Elisabeth eina gávu, sum var ein tekniblokkur og ein breið vifta av litblýantum. Allar tekningarnar úr Snjallu­ bjallu eru nú komnar upp at hanga í Býráðshúsinum á Nóls­oy­ ar Pálsgøtu. Har kunnu øll koma framvið og síggja allar tekn­ ingarnar, boðar Klaksvíkar komm­ una frá. Ljós lýsir ikki í myrkri Høgni Djurhuus fekk Móðurmáls­ virðislønina 2012 T á kreppa segðist vera her hjá okk­ um fyrst í nítiár­ unum í hinari øld­ini, var sjálvandi eis­ini kreppa hjá Tórs­ havnar komm­unu. Krónurnar vóru fáar, kanska ong­ar á nógvum kontum hjá komm­unu­kass­anum. Ja, kreppan var so stór, at neyð­ ugt var at spara - og spara nógv og illa. Ein sparingin var, at onnur hvør gøtulykt var sløkt, ikki bara um dagin, men alt samdøgrið, dag og nátt, 24/7. Nú er aftur kreppa í Havn. Tí onn­ur hvør gøtulykt er sløkt, dag og nátt, 24/7. Eg gangi til arbeiðis. Hvønn morg­un nú um heystið at kalla í bøla­myrkri. Ein morgunin gjørdi eg av at gera eina semivísindaliga kann­ ing. Eg taldi, hvussu nógvar gøtu­lyktir vóru á leiðini, mín­ ari leið, 12 minuttir at ganga, og hvussu nógvar teirra lýstu ikki. 32 gøtulyktir eru á leið­ ini, í tí borðinum, eg gangi. 14 eru sløktar, eis­ini í myrkri. Men kreppa er ikki, siga tey. Ikki nú. Tvørturímóti enntá. Hví vórðu ikki 18 gøtulyktir settar upp í staðin fyri 32, tá kommunan held­ur, at har er ikki brúk fyri fleiri enn 18. Heldur ikki í konjunkt­urtíðum. Tær komu, áðrenn far­telefonin kom við innbygdari lumma­ lykt, so øll hava ljós í lumm­ anum. Men tær kunnu nú takast niður og setast upp í nýggjum býlingum, so slepst undan at keypa nýggjar gøtulyktir, hvørja ferð, nýggj gøta verður gjørd. Havi ikki kannað, um hetta er so í øllum býnum, at onnur hvør gøtu- lykt, sum á sinni varð sett upp fyri at lýsa í myrkri, er sløkt í myrkri. Um so er, eru nógvar tøkar gøtulyktir at brúka aðrastaðni, til dømis oman fyri Hvítanes. Bara á einum teini, sum er styttri enn ein kilometur, eru 18. Nú fari eg ikki á val, havi ikki gjørt tað, síðani á leið sum hasar gøtulyktirnar vórðu settar upp. So eg kann bara halda kjaft. Men kanska, bara kanska tó, onkur veljari gongur somu leið sum eg í myrkri. So eg kann, uttan at spyrja tó, tosa fyri hana. Gera vart við støðuna fyri hann. Tey brenna ivaleyst nógv, hasi gøtuljósini. Og hvør brúkar tey í myrkri? Hvør gongur yvirhøvur? Øll hava bil. Flestu húsarhaldini hava tveir. Og at ganga í myrkri er ikki so ringt, um leiðin er rein, einki sløðist har, sum ikki eigur at vera har. So er bara at ganga og vóna tað besta. Finna sær eitt ljós í onkrum húsi at ganga eftir, seta kósina eftir. Og læra seg at tendra lummalyktina í telefonini. Hon er har, hóast telefonin er keypt í ein­ um leikuhandli (eingin reklama her, takk), veit bara ikki hvar, hon er, lummalyktin. Uttan fyri stovuvindeygað heima lýsir óført. Har er gjørd ein auto­strada við gøtulyktum, sum allar lýsa. Men eingin gongur har í myrkri, tí eingi býr har. So sløkkið bara allar gøtu­lykt­ irnar. So spara tit eitt heilt skatta­ prosent. Men nú krevur landið, at SEV, sum kommunurnar eiga, lækkar prísin á ljósinum yvir landið. Fimm oyru fyri hvørji 3.600 kilo­ watt­sekund (stór tøl eru altíð best at brúka. Tey hava størri ávirkan, størri propagandavirði). So verða kanska pengar til at tendra tvær av teimum 14 lykt­un­um. Fríggjamorgunin var eisini myrkt. Men tað var í lagi, tí tað var svarti fríggjamorgun. Komin úr USA gjøgnum Dan­ mark sjálvandi. Var Black Friday ikki í Danmark, var hann heldur ikki her. Ein annar fríggjadagur er eisini komin uttaneftir, kroystur oman yvir okkum. Hann er um várið. Lang­ur, men bara 24 tímar tó. Og utt­an útsølu og ljós. Hann er eisini komin uttaneftir, tann fríggjadagurin. Men ikki úr Dan­mark. Sum sagt, gøtulyktirnar tola væl dags­ins ljós, men ikki náttarinnar myrkur. Høgni Djurhuus Myndina eigur Klaksvíkar Kommuna.