týsdagur 5. desember 2017síða 4

Mikudagur 6. desember 2017 · Nr. 142 4 Sosialurin Hugskot og viðmerkingar – send sms til 225000 Eins og tey hava gjørt nakrar ferðir áður, seinast í 2014, hava Eystanljóð og Tórshavnar Manskór aftur í ár gjørt av at vera saman um jólakonsertina. Í ár verður hon sunnudagin 10. desember, sum eisini er 2. sunnudagur í advent. – Og av tí, at kórini hvør í sínum lagi vanliga hava skipað fyri jólakonsertum í sínum øki, hava kórini aftur í ár gjørt av at hava tvær konsertir. Ta fyrru í Gøtu kirkju, hon byrjar klokkan 16.00, og ta seinnu, sum byrjar klokkan 19.30, í Vesturkirkjuni, skriva tey í tíðindaskrivi. Tað eru tvey javngomul kór, sum fara at syngja sunnudagin. Manskórið var stovnað í 1986 og hevði 30 ára stovningardag í fjør, og Eystanljóð varð stovnað í 1987, og hevði tí 30 ára stovningardag í ár. Tað var russiski tónleikalærarin, André Demidoff, sum stovnaði kórið undir kvøldskúlaskipanini í Gøtu kommunu í 1987, og hann stjórnaði eisini kórinum fyrsta árið. Tá hann fór frá, tók Bjarni Restorff, sum hevur verið kórleiðari hjá Tórshavnar Manskóri síðan kórið var stovnað, við. Bjarni hevur stjórnað Eystanljóði í tveimum umførum, í tilsamans sjey ár. Síðan tað hava fleiri aðrir kórleiðarar leitt Eystanljóð, til Leif Hansen, sum hevur verið leiðari seinastu mongu árini, tók við. Tað er eisini hann, sum stjórnar kórinum nú. Eystanljóð er rættiliga virkið, og hevur, sum tey flestu føroysku kórini, nógvar konsertir, bæði heima og uttanlands. Kórið hevur eisini tikið størri verk á seg, millum annað hevur Eystanljóð sungið bæði Stórmessuna og Requiem hjá Mozart. Á jólakonsertini fer Eystanljóð at syngja kendar før­ oyskar og útlendskar jólasangir. Tórshavnar Manskór er eis­ini eitt øgiliga virkið kór. Um­framt van­ligu konsertirnar og kór­festi­ val­in, sum kórið altíð er við í, er Tórs­havnar Manskór nógv umbiðið til nógv ymisk tiltøk. Tað hevur við sær, at kórið samanlagt hevur um­leið 50 almennar framførslur um árið. Í ár var ein nýtt tiltak á skránni, tá kórið á fyrsta sinni skip­ aði fyri einari felags konsert sam­ an við Havnar Hornorkestri. Eitt tiltak, sum hepnaðist sera væl. Nú er tað so jólakonsertin, ella jólakonsertirnar, sum eru á skránni. Kórið, sum framvegis er und­ir leiðslu av Bjarna Restorff og Kára Bæk, hevur eina rættiliga fjøl­ broytta skrá, við bæði útlendskum og føroyskum sangum – eisini jóla­ sangum. Konsertirnar verða sum sagt nú sunnudagin, tann 10. desember. Tann fyrra verður í Gøtu kirkju klokk­an 16.00, og tann seinna í Vest­ur­kirkjuni klokkan 19.30. –  Kórini vóna, at tit møta fjøl­ ment. JÓLAKONSERT VIÐ EYSTANLJÓÐ OG TÓRSHAVNAR MANSKÓRI Tórshavnar Manskór í Vesturkirkjuni Mynd: Ólavur Frederiksen Eystanljóð og Tórshavnar Manskór eru næstan javngomul, stovnað í ávikavist í 1987 og 1986 Í bókini Stríð leikar á, Føroya Hand­ verk­arafelag 60 ár, sum Erhard Jacobsen hevur skrivað, verður greitt frá søgu felagsins, frá tí felagið varð stovnað 24. februar 1957 og líka fram til dagin í dag. Føroya Handverkarafelag hevði sum endamál at savna øll hand­ verk­arafeløg í landinum í eitt meg­ in­felag fyri á tann hátt at gagna áhuga­málunum hjá limafeløgunum og limunum. Fyrstu árini royndi meginfelagið at savna tey feløgini, sum tá vóru, og at stovna handverkarafeløg í teimum bygdunum, har eingi hand­ verkarafeløg vóru. Tað næsta var at fáa gjørt egnar sátt­málar fyri handverkið og at sam­ráð­ast um sáttmálar við Føroya Hand­verks­ meistarafelag og seinni við lands­ stýrið og kommunurnar. Yrkisfeløgini hjá handverkarum og meistarum hava altíð lagt stór­ an dent á at hava ávirkan á út­ búgv­ingina av handverkarum, og í 1980’unum og 1990’unum strídd­ust yrkisfeløgini við lands- og skúla­ myndugleikarnar at royna at varð­ veita ávirkanina á lærl­inga­útbúgv­ ing­arnar. Hetta stríð endaði við nýggju lógini um yrkisút­búgv­ing­ar, sum kom í 1998. Føroya Handverkarafelag hevur verið virkið í uppgongutíðum, sum teimum í 1980’unum, men eisini í niðurgangstíðum, sum eitt nú vóru kreppuárini fyrst í 1990’unum og aftur fyrst í nýggju øldini. Søgan hjá Føroya Hand­verkara­ felag er hendingarík, og onkrar roka­ligar hendingar hava verið í søgu felagsins. Í 1997 tók seg upp ósemja mill­ um limafeløgini í Føroya Hand­ verk­ara­felag, sum endaði við, at trý limafeløg tóku seg úr megin­ felagnum og stovnaðu sítt egna meginfelag. Og seinni fór eitt lima­ felag aftrat úr gamla megin­felagn­ um. Føroya Handverkarafelag, sum nú ikki umboðar øll hand­verk­ara­ feløg­ini, er tó framvegis eitt virkið fak­felag. –  Bókin, sum er 332 síður við mynd­um, er ikki bara ein lýsing av søgu Føroya Handverkarafelags, men gevur eisini gott innlit í fak­ felags­arbeiði bæði fyrr og nú, skriv­ ar felagið í tíðindaskrivi. Stríð leikar á fæst í bóka­búð­un­ um og kostar 298 kr. Søgan um Føroya Handverkarafelag út í bók Føroya Handverkarafelag fyllir 60 ár í ár, og í tí sambandi er komin út bók um søguna hjá felagnum