mánadagur 11. desember 2017síða 16

Mánadagur 11. desember 2017 · Nr. 144 16 Sosialurin Hugskot og viðmerkingar – send sms til 225000 HONDBÓLTUR FTZ-deildin: Pætur Albinus Renna undan Neistin og H71 hava hug at sigla sín egna sjógv í FTZ-deildini. Neistin hevur munin, og H71, sum er nummar tvey, hevur eisini lagt sjógv niður til nærmasta avbjóðara. Ein av teimum avbjóðarunum, sum eru við at fáa síðsta útkall, um teir skulu gera sær vónir um at sleppa við í FM-finaluna, er Team Klaksvík. Tað vóru júst H71 og Team Klaksvík, sum hittust í Hoy­víks­høllini í gjár, og hevði H71 har­við møguleika at senda klaks­ víking­ar enn longri frá sær, meðan klaks­víkingar hinvegin royndu at gera eitt sprell fyri at sleppa við í odda­stríðið. Ein sokallaður fýra­ stigs­dystur. H71 royndi frá byrjan at loypa hvøkk á Team Klaksvík við einari sera ágangandi verju. Hetta eydnaðist í ein mun, tí klaks­ víkingar stríddust við at finna loysnirnar fyrstu løtuna, og illa gekst eisini við málskjótini, har gestirnir fyrsta korterið einans fingu trý mál. Beinharða flata verjan hjá Team Klaks­vík syrgdi tó fyri, at tað var at kalla javnvág í roknskapinum. H71-álop bergtók heldur ongan, og fyrri hálvleikur var sum heild bæði rótutur og málfátækur. Team Klaksvík fór til hálvleiks á odda 10-9. Í seinna hálvleiki var eitt sindur av ping pong um leiðsluna. Klaks­ víkingar varðveittu hana fyrstu løtuna, men síðani komu hoy­ víkingar omaná, men Team Klaks­ vík vísti góða sálarliga styrki og kom enn einaferð inn aftur í dystin. Team Klaksvík var eitt nú á odda 20-19, men H71 hekk í, og ein hevði allatíð kensluna av, at hetta helst fór at verða avgjørt í síðstu løtu. Og tað bleiv hann. Rótuti fyrri hálv­leikurin varð nú goldin aftur við góðum spæli. Talan gjørdist eisini um ein dramatiskan enda, har H71 legði seg framum við einum máli síðstu løtuna, nevniliga 23-22, og mong hildu eisini, at Poul Símun í Garði eftir vakran flúgvara økti til 24-22 fá sekund undan dystarloki, men hetta málið varð seinni strikað aftur. Team Klaksvík gjørdi ikki nógv burturúr at fáa pyntað um úrslitið, men eftir dystin vóru teir argir um, at teir ikki vistu av, at teir einans vóru aftanfyri við einum, tí so høvdu teir helst tikið timeout og lagt alt avrikið í dystin fyri at fáa javnað til 23-23. Rokið var tó av, og við 23-22-sigri hevur H71 nú lagt enn størri mun niður til Team Klaksvík og hini liðini. Einans VÍF, ið hevur tríggjar dystir tilgóðar, kann – um alt gongur púra eftir vild – ota seg nærri hoyvíkingum, ið alt meira líkist einum finaluliði saman við Neistanum. Tryggur sigur Neistin hevur higartil verið so nógv tað støðugasta liðið í FTZ-deildini hjá monnum, og undan vitjanini av KÍF í gjár høvdu neistamenn ikki tapt í seinastu níggju dystunum. Tað skuldi tó neyvan gerast so lætt hesaferð, nú formliðið KÍF, ið seinast vann ímóti Kyndli, kom á vitjan. Neistin hevði tó gott tamarhald á kollfirðingum. Góða spælið helt fram, og í fyrra hálvleiki økti Neistin so hvørt um leiðsluna og fór til hálvleiks á odda 14-9. Tað gingu ikki nógvir minuttir av seinna hálvleiki áðrenn Neistin var á odda 17-10, og so var at kalla leyst og liðugt. KÍF fekk eisini nógvar útvísingar í seinna hálvleiki, og hetta gjørdi tað ikki lættari fyri teir at sleppa innaftur í dystin. Tað endaði við, at Neistin vann ruddiliga og greitt 24-16. Mál­ skjótingin hjá heimaliðnum var væl býtt upp, og heili seks spælarar skutu trý ella fýra mál. Hetta var 10. ferð á rað, at Neistin fór av vøllinum aftur uttan at hava tapt. Støðufestið lønar seg, tí Neistin er framvegis oddalið við tveim­um stigum niður til H71 og heili níggju stig til triðbesta liðið, ið er Team Klaksvík. FM-finaluplássið er ikki í vanda. KÍF kom niður aftur á jørðina, men kann tó ugga seg við at StÍF heldur ikki vann og at teir tískil framhaldandi halda seg burtur frá aftasta plássinum. Kyndil reisti seg Tað vóru tvey lið við brúk fyri stigum, sum hittust í ítróttarhøllini á Skála í gjár. StÍF, sum er á aftasta plássi, og so Kyndil, sum roynir at finna seg í tí betra endanum av stiga­talvuni. Tað var ilt at spáa um hvønn veg sigurin skuldi fara, og í teimum báðum dystunum, sum liðini høvdu spælt í ár, var tað blivið til ein sigur í part. Í fyrra hálvleiki var tað heldur einki, ið skilti liðini. Tey skiftust um at hava leiðsluna, og tað endaði vði at gestnirnir úr Kyndlu fóru til hálvleiks á odda við ein­um, nevni­liga 15-14. Leiðslan kundi verið størri, tí Kyndil mis­nýtti tvey brotskøst stutt fyri hálv­leiks­ steðgin. Í seinna hálvleiki rann Kyndil eina løtu undan StÍF og kom á odda 24-18, men heimaliðið fekk tó skapt nakað av spenningi í aftur dystin, sum var merktur av nógvum út­ vísingum, men tættari enn trý mál á muni kom StÍF tó ongantíð. Kyndil vann dystin 33-29 og fekk vaskað vónbrotið av einum tapi ímóti KÍF síðsta vikuskifti av sær. Kyndil er nú mitt á stigatalvuni, men er tó í vanda fyri at missa plássið aftur tá ið VÍF spælir sínar manglandi dystir. Hjá strandingum er róðurin tyngri. Teir eru í løtuni aftastir, eitt stig aftanfyri KÍF. albinus@sosialurin.fo Bæði oddaliðini í FTZ-deildini hjá monnum vunnu í gjár, og nú hevur deildin hug at skrædna, har Kyndil annars fekk fótin fyri seg aftur við sigri ímóti StÍF NEISTIN OG H71 RENNA UNDAN