mánadagur 11. desember 2017síða 18

Mánadagur 11. desember 2017 · Nr. 144 18 Sosialurin Hugskot og viðmerkingar – send sms til 225000 Jóannes Hansen Tá ið Føroyar 10. oktober taptu 1-0 ímóti Ungarn í HM undan­kapp­ ingardysti suðuri í Budapest, varð punktum sett fyri hetta kapp­ ingarárið hjá Føroyum. Tað var í 1988, at Føroyar spældu fyrsta altjóða skrásetta lands­ dystin, og harvið eru tredivu kapp­ ingarár løgd afturum, sum Føroyar hava verið á altjóða pallinum. Í 1988 var tað bara vinadysturin í Akranesi. 24. august vann Ísland 1-0. Árið eftir var aftur bara talan um vinadystir. 12. september í 1990 var fyrsti EM undankappingardysturin í Landskrona – tiltikni 1-0 sigurin ímóti Eysturríki – og síðani hevur stútt og støðugt verið spælt í EM og HM undankappingum. Føroyar hava luttikið í sjey EM undankappingum og sjey HM undankappingum. Eitt skifti – 2000-2001 – varð roynt við NM kapp­ing, sum skjótt datt niðurfyri aftur. Tað var tá – 31. januar 2001 – at tað endaði við málleysum javn­ leiki ímóti Svøríki Í Tipshallen í Växjö, og ein ávísur 19 ára gamal Zlatan Ibrahimovic, sum tá spældi við Malmö, royndi seg fyri fyrstu ferð á svenska landsliðnum. Hesi tredivu árini eru skrásettir 180 landsdystir ímóti øðrum limum í altjóða fótbóltssamgonguni FIFA. Um­framt EM og HM undan­kapp­ ingar og ta einu NM kapp­ingina hava Føroyar spælt fleiri vina­ dystir, men dystirnir, sum lands­ liðið spældi á heimavølli í Oyggja­ leikakappingini í 1989 eru sjálvsagt ikki taldir við. Nýggja avbjóðingin Í 2018 verður fyri fyrstu ferð síðani 1989 eingin HM ella EM undan­ kappingardystur. Tað kemst av, at lutakastið til EM undankappingina ikki verður, fyrrenn HM enda­ spælið í Russlandi verður av, og tí tað er avrátt, at allir EM undan­ kappingardystirnir verða av­ greiddir í 2019. Tað kemst av, at nýggj lands­ liðs­kapping millum lima­londini í europeisku fótbóltssamgonguni UEFA fer av bakkastokki í 2018. Hon verður nevnd Nations League. Í kappingini verða luttakandi lond­ini skipaði í fýra deildir við javnt sterkum liðum, har vinnarin av deildini fær møguleikan at luttaka í sjálvum EM-enda­ spælinum, sum verður í 2020. Føroyska landsliðið luttekur í deild D, saman við 15 øðrum lond­ um, ið eru styrkismett ájavnt við Før­oyar á styrkislistanum hjá UEFA. Hvør deild verður býtt í fýra bólkar, við fýra londum í hvørjum bólki. Bólkavinnararnir hittast síðani í hálvfinalu og finalu, og vinnarin fer til EM 2020. Dystirnir í bólkaspælinum verða spældir á heysti í 2018. Komandi ár skulu Føroyar sostatt spæla seks dystir í bólka­ spælinum í Nations League – tríggjar á heimavølli og tríggjar á úti­vølli. Tveir dystir verða í sep­tem­ber, tveir í oktober og tveir í novem­ber 2018. - Samlaða talið á landsdystum verður væl hægri, enn tað higartil hevur verið. Undanfarnu nógvu árini hava vit spælt í einari EM ella HM undankapping í tvey ár. Nú fara vit at spæla í nýggju kappingini annað­hvørt ár og so í kendu undan­ kappingunum annaðhvørt ár. Hetta vil siga, at meðan talið á undan­ kappingardystum í 2016/2017 var FÓTBÓLTUR FÓTBÓLTUR Landsliðið: Ein av spurningunum er, um tað verður í nýggja árinum, at Fróði Benjaminsen, sum í vikuni verður fjøruti ár, fer at røkka hundrað landsdystum NÝGGJ AVBJÓÐING OG FLEIRI LANDSDYSTIR