týsdagur 9. januar 2018síða 6

6 Sosialurin Hugskot og viðmerkingar – send sms til 225000 Mikudagur 10. januar 2017 · Nr. 4 Tað er trupult at meta um, hvussu út sær, nú eingin línubátur enn hevur drigið fulla setu á Flemish Kap. Men, soleiðis sum útlitini eru, og fiskiskapurin hevur verið hesar fyrstu dagarnar, teknar tað seg rættiliga væl Vilmund Jacobsen Tað gleðiliga er hent, at øll tey fimm frystilínuskipini, sum beint eftir jólahøgtíðina løgdu longu leiðina yvir á Flemish Kap, hava rent seg í fisk har yviri. Sunnudagin kundu skipini byrja at fiska, og tá vóru tey øll komin yvir og vóru klár at byrja. Føroysku frystilínuskipini, sum higartil eru komin yvir á Flemish Kap, eru Klakkur, Kambur, Stapin, Eivindur og Ågot. Sjaskut veður Í gjár, týsdagin, frætti Sosialurin, hvussu gingist hevur teir fyrstu tveir dagarnar hjá línuskipunum, tó at veðrið hesar báðar dagarnar hevur verið sjaskut. - Øll línuskipini hava nú fiskað í tveir dagar, og fiskiskapurin hevur ligið millum 14,5 og 19 tons í lastina hjá hvørjum skipi um dagin. Hetta er avhøvdaður fiskur, sum er farin til frystingar. Keldan hjá Sosialinum sigur, at Stapin tann eina dagin fekk stívliga 19 tons í lastina, og Kambur hevur ligið millum 17 og 18 tons um dagin. Annan av døgunum hevði Eiv­ ind­ur 15 tons, og í tveir dagar hevur Ågot fingið millum 14 og 15 tons í lastina um dagin, alt avhøvdaður fiskur. Soleiðis, sum veðrið hevur verið, síðan føroyski línufiskiskapurin á Flemish Kap byrjaði sunnudagin, eru menn nøgdir. Eingin full seta Tað er trupult at meta um, hvussu út sær, nú eingin línubátur enn hevur drigið fulla setu á Flemish Kap. Men, soleiðis sum útlitini eru, nú skipini hava fiskað í tveir dagar, teknar tað seg væl. Ein av bestu døgunum á leiðini í fjør átti frystilínuskipið Klakkur, har teir fingu 22 tons í lastina í ein dag. - Annar dagurin hjá Stapanum hevur nú longu givið 19 tons, og tað má sigast vera óførur fiskiskapur í tí sjaskveðri, sum hevur verið. Sum skilst, er veðrið óstøðugt á leiðini í løtuni. - Tá tú fiskar við línu, og tað er sjaskut veður, kann roknast við, at nakrir góðir fiskar fara av aftur línuni undir draging, verður lagt aftrat. Felags kvota Tað var á midnátt leygarkvøldið, at føroysku línuskipini kundu seta fyrstu ferð á Flemish Kap í ár. Føroyska kvotan í ár er 2491 tons av toski., og hetta er felagskvota, sum øll skal fiskast við línu. Tað eru tilsamans átta línuskip, sum í ár hava fingið loyvi at fiska av hesi kvotu sum soleiðis kundi givið skipunum stívliga 311 tons í part í miðal. Við tað, at hetta er felagskvota fara øll skipini ikki at fáa tað sama burtur úr, og mest fær tað skipini í lastina, sum fiskar skjótast. Kravið til skipini, sum fiska á Flemish Kap er Alt til Føroya Kravið er, at allur fiskur, sum verð­ ur veiddur á Flemish Kap, skal av­reiðast í Føroyum.  Skipunum nýt­ist tó ikki at sigla longu leiðina heim til Føroya, tá tey hava fingið uppí. Reiðaríini kunnu nevniliga leggja veiðina upp í bingjur í Ný Found­landi og senda fiskin heim til Føroya. Skipini, sum í ár hava fingið loyvi at fiska av føroysku kvotuni, eru Ågot, Klakkur, Kambur, Stapin, Eivind, Pison, Sandshavið og Jákup B. FØROYSKU LÍNUSKIPINI RENT SEG Í FISK Á FLEMISH KAP LÍNUSKIP Tað hevur verið sjaskveður á Flemish Kap, síðan tey fimm frystilínuskipini byrjaðu at fiska har yviri Við tað, at felagskvota er á Flemish Kap, fara øll skipini ikki at fáa tað sama. Mest fáa tey skipini í lastina, sum fiska skjótast