hósdagur 18. januar 2018síða 4

FRÍGGJADAGUR 19. JANUAR 2018 SOSIALURIN 8 4 Vit eru mangan illa bankaði av ringum veðri og vit hava mangan havt summar, har kalendarin hevur víst eitt, men veðrið nakað heilt annað. Í fjør høvdu vit eitt gott summar og veturin hevur – við undantøkum – verið ómetaliga góður. Hesir seinastu dagarnir við kava, sól og stilli gera, at tað er stuttligt at búgva her í Føroyum -sjálvt um veturin. Tað gonur móti ljósari tíðum, dagurin er longdur við meira enn einum tíma. Samfelagið er so smátt komið upp í ferð aftur. Á Flemish Cap fáa línuskipini nógvan fisk og uppsjóvarskipini veiða av stóru svartkjaftakvotuni. Undir Føroyum fáa trolararnir eitt sindur av upsa aftur og hinir fáa nakað av hvítum fiski, tó ikki tær stóru nøgdirnar. Bakkafrost segði 150 fólkum upp herfyri, men eftir øllum at døma er hetta fyri eina stutta tíð. Góða gongdin sæst eisini aftur í politiska lívinum. I hesum døgum verður arbeitt við pensjónsskipanini, sum fyrst og fremst skal tryggja búskaparliga hald­ førið fram í tíð. Men pengar verða eisini brúktir her og nú. Íløgur verða gjørdar í nýtt Barnaheim. Onki er at ivast í, at neyðugt er vð einari slík­ari íløgu. Føroyar eiga at vera eitt gott land at búgva í. Um tað ikki er tað, so er tað okkara egna skyld. Okkara land og tað sum hartil hoyrir,, eigur lættliga at lívbjarga 50.000 fólkum, bæði so og so. Tað sum vit eiga at fara at kanna hjá okkum sjálvum er heldur, um vit hava inn­rættað okkara samfelag so skilagott, sum til ber. Vit eiga at minnast til, at flestu okkara hava danskar útbúgingar og eru lærd, at dansk­ar skipanir av øllum handa slag eru millum heimsins bestu. Hetta fær okkum sjálvandi til fyrst at hyggja at, hvussu ymiskar skipanir verða gjørdar í Danmark. Danmark hevur meira enn 100 ferðir so nógv fólk, sum vit eru í Føroyum, so tað er greitt, at teirra skip­ anir eru størri. Tí er tað ikki altíð rætt hjá okkum bara at skala skip­anirnar niður og so siga, at tær hóska líka væl til 50.000 fólk. Okkara embætis­verk og ráðgevarar gera sjálvandi teirra besta, men tað er ikki altíð nóg gott. Við­hvørt eiga vit heldur at fara upp í heli­kjoptarin og hyggja úr erva, hvussu støðan er. Nógv dømi eru um, at trupulleikar eru loystir og at ting virka, uttan at forkromaðar skipanir eru gjørdat at stýra og hava eftirlit við. Sjálvandi skulu vit ikki fara fram eftir fummum og ikki hava eina ætlan, men viðhvørt kunnu vit gera, sum vinnan mang­an ger, at byrja við úrslitinum og so gera leiðina til úrslitið so einfalda sum møguligt. Jú, lætt at siga, men alvorliga haldi eg, at vit eiga at gera ting so edinfalt sum tilber. Hetta er galdandi á flestu økjum. Bara vit eftirmeta og ikki gera somu mistøk fleiri ferð­ir. Hitt, sum eg havi ein varhuga av at vit gera, er at ganga við reim og seðlum áðrenn vit byrja at arbeiða. Tá kemur ofta lítið burt­ ur­úr. Ája! Árni Gregersen, journalistur, skrivar Ája! Vikan ið fór Sæð á Facebook: Í næstu sending hjá Tóri verur vitja á reinsarínum, sendingin nevnist Við Tóri á snóri, síðan vitjar hann ein bónda tað er Við Tóri í flóri og til endan vitjar hann Mannskórið í sendingini Við Tóri í kóri. A-landsliðið í hondbólti tapti allar tríggjar dystirnar í HM- undankappingini í Italia Tríggir journalistar hava kært uppsøgnina av tíðindaleiðaranum til Mentamálaráðið Fólk í Skálafirði klaga um, at nú skola spreingitráðir eisini upp á sandin har. Sunnunáttina skrivaði Føroya Pedagogfelag og Fíggjarmálaráðið undir nýggjan sáttmála og verkfallið bleiv avlýst. Stormur var um landið sunnudagin. Ein oljubátur sleit í Klaksvík og ein takdúkur á Bovlinghøllini á Hálsi fór. Eldur kyknaði í virkinum hjá Bakkafrost á Glyvrum, men gjørdi lítlan skaða. Rættarmálið móti gomlu leiðsluni í Eik Banka byrjaði í Føroya rætti mánadagin Kristin Michelsen MEST NÝTTA ORÐIÐ HESA VIKUNA ...uppá ein minutt milliónir krónur skal nýggja Barnaheimið í havn kosta. 60 Kristin Michelsen hevur verið borgarstjóri á Tvøroyri síðani 2001 og løgtingslimur síðani 2011. Hann fekk 87 atkvøður á kommunuvalinum í 2000, uppstillaður fyri lista D. Hann fór í meiriluta við lista A og B og helt soleiðis Javnaðarflokkinum frá valdinum. Á kommunuvalinum í 2004 stillaði hann upp fyri Javnaðarflokkin og fekk 225 atkvøður. Í 2008 fekk hann 298 atkvøður, í 2012 239 atkvøður og í 2016, tá hann stillaði upp á egnum borgaralista, fekk hann 297 atkvøður. Á løgtingsvalinum í 2011 fekk hann 393 atkvøður og í 2015 302 atkvøður. Visti tú? Dagurin er vorðin ein tíma longri síðani stytsta dag. Sæð á Facebook: Á donskum eitur sendingin TorTur. Lot til andøvsgul av landnyrðingi, 3 til 8 m/s. Samdrigið og sólglottar og ælaveður, lutvíst við kava ella vátaslettingi. Hitin millum frostmarkið og 3 hitastig, um náttina niður í 5 kuldastig. 3-8 m/s 2-7 m/s 8-13 m/s LEYGARDAGIN FRÍGGJADAGIN SUNNUDAGIN Lot til andøvsgul av norðri og landnyrðingi, 2 til 7 m/s, sum lækkar í ein eystan og landsynning og um náttina øtlar í stívt andøvsgul, 10 m/s. Samdrigið og okkurt æl, í støðum við kava ella vátaslettingi. Hitin millum 1 kuldastig og 4 hitastig, um náttina niður í 6 kuldastig. Andøvsgul upp í ein strúk í vindi av landsynningi, 8 til 13 m/s, sum um kvøldið hækkar í ein landnyrðing. Skýggjað og regn ella vátaslettingur. Hitin millum 2 og 6 hitastig.