hósdagur 14. desember 2017síða 4

FRÍGGJADAGUR 15. DESEMBER 2017 SOSIALURIN 146 4 Nú er lógin um nýskipan av fiskivinnuni endaliga samtykt. Onkur spyr, hvat vit nú fara at skriva um og hvat vit fara at tosa um komandi mánaðirnar, nú hetta málið er farið av dagsskránni. Jú, tað verður ikki so ringt. Fiskivinnan fyllir nógv og er grundstøðið undir okkara tilveru her á klettunum, men tað er kortini ikki so, at lívið ikki verður livað, sjálvt um Løgtingið ikki arbeiðir við nýggjari fiskivinnuskipan. Jól eru í hondum. Tað fyllir vanliga nógv, sjálvt um eg haldi, at tey gerast alt meira kommerciel. Alt skal keypast – sjálvt jólatrøini skulu vera av plastikk, tí annars er vandi fyri at vit fáa onkra innsekt inn um hurðina, sum vit annars ikki ynskja. Elektronikkur fyllir mest undir jóla­ trø­unum. Verðin flytir seg og helst er tað bert gamalt grenj at tosa um, at soleiðis var tað ikki fyrr. Ein sannroynd er tað kortini, at ongan­ tíð fyrr hava so nógvir pengar verið mill­um fólk, sum júst nú. Tað ger, at vit keypa okkum burtur úr øllum. Kærleiki og nærleiki kemur afturat, men fyrst og fremst snýr tað seg um, at gávurnar eru nóg stórar. Børn sum vaksa upp í so góðum tíðum fáa ofta eina skeiva mynd av, hvat lívið snýr seg um. Vit gloyma ofta at siga teim­um, at tíðir skifta og vit hava onga treygd fyri, at alt altíð fer at flóta í mjólk og hunangi, sum tað ger nú. Tað er ongin grund til at lasta børnini fyri hetta, men heldur okkum foreldur og abbar og ommur. Okkara uppgáva er at leggja tað góða niður í børnini og ger tey til reiðar til eitt lív, har pengar og verðsligheit fylla mest. Vit mugu læra, at uttan hvønn annan gerst lívið tómt og fátækt. Jólagleðin eigur eins og onnur gleði og kærleiki eigur at fylla okkara lív. So kemur alt hitt afturat. Jólini nærkast skjótt. Tað merkist á veðr­inum, sum skiftir millum hvítt og svart í løtuni. Tað gevur okkum tíð at hugna okkum og hugsa eitt sindur djúpari um sjálvt lívið. Gerandisdagurin kemur nóg skjótt aftur. Tá verður tað pensjónsnýskipan og annað, sum fer at fylla spalturnar og tíð­inda­ rásirnar annars. Ája Vikan ið fór Sæð á Facebook: Framyvir skulu vit bara syngja 75% av Sildavalsinum. Seinasta versið skal á uppbosðsølu Fiskivinnunýskipanin verður endaliga samtykt við triðju viðgerð í løgtinginum. Kris fekk 199.000 krónur inn í landsinnsavningini Kongshúsið boðar frá, at krúnprinsaparið kemur á vitjan í Føroyum í august næsta ár Enniberg krevur 7,3 milliónir frá Fiskimálaráðnum, eftir at fiskivinnunýskipanin er samtykt. Pedagogar fara í verkfall, og Kommununala arbeiðsgevarafelagið lýsir verkbann Fólkatalið var 50.358 tann 1. november vísir uppgerð hjá Hagstovuni Clearing MEST NÝTTA ORÐIÐ HESA VIKUNA ...uppá ein minutt fleiri gentur enn dreingir eru føddar í Føroyum frá november í fjør til november í ár 36 Eitt av heitu politisku málunum seinastu vikuna var tann sonevnda clearing-avtalan millum Kristin Michelsen og Magna Laksafoss í sambandi við atkvøðugreiðsluna eftir aðru viðgerð av uppskotinum um fiskivinnunýskipan. Kristin Michelsen var burturstaddur, og tí gjørdi hann avtalu við Magna Laksafoss um, at hann heldur ikki skuldi verða í tingsalinum, tá ið atkvøðugreiðslan fór fram. Har við var 1 ja-atkvøða og 1 nei-atkvøða tikin burtur úr og valdsjavnvágin var tann sama, sum um báðir høvdu atkvøtt. Danskt-føroyskt orðabókin hevur uppskot um, hvussu »clearingaftale« kann nevnast á føroyskum. Har verður sagt soleiðis: Clearingaftale: (stjmfr.) atkvøðugreiping; lave c. atkvøðugreipa (tá ið tingmenn úr yms flokkum semjast um at vera burturstaddir, meðan atkvøtt verður) FRÍGGJADAGUR LEYGARDAGUR SUNNUDAGUR 8-13 m/s av norði, sum út á dagin minkar niður í 5-10 m/s. Skiftandi skýloft við vátakava ella kavaælum. Hitin um dagður millum 0 og 4 hitastig. Um náttina niður í 3 kuldastig. 8-13 m/s av suðri, sum út á dagin fer í vestan og útnyðring. Fyrst skýggjað og regn, men seinni klárari í veðrinum og einstøk æl. Um náttina fer vindurin í útsynning og minkar niður í 5-10 m/s. Skýggjað og mest turt. Hitin alt døgnið 3 til 8 stig. 5-10 m/s av norði, sum minkar niður í 2-6 m/s av útnyðringi og vestri. Mest turt og fyrst av degnum sólglottar, seinni meira skýggjað. Hitin millum frostmarkið og 4 hitastig. Um kvøldið veksur vindurin upp í 8-13 m/s av suðri, skýggjað og sum frálíður regn. Hitin veksur upp í 2 til 6 stig. 8-13 m/s 8-13 m/s 5-10 m/s Árni Gregersen, journalistur, skrivar Ája! Visti tú? At í september vóru 26.251 løntakarar í Føroyum Sæð á Facebook: Eg haldi, at eins og í etiskum málum eiga løgtingslimir at atkvøða eftir teirra sannføring í øllum øðrum málum eisini.