týsdagur 19. desember 2017síða 2

Mikudagur 20. desember 2017 · Nr. 148 mikudagsblaðið Oddagrein Dagsins redaktørur: Eirikur Lindenskov Eirikur Lindenskov eirikur@sosialurin.fo Mikudagsblaðið verður borið ókeypis til hvørt húsarhald í Føroyum! Tórshavn Tórsgøta 1, Postboks 76, 100 Tórshavn tel. 341800, fax 341801, post@sosialurin.fo Suðuroy tel. 375364, fax 375464, tel. 228814, aki@sosialurin.fo, dagfinn@sosialurin.fo Haldarar, sum ikki hava fingið blaðið, kunnu ringja tel. 341818 frá kl. 8.00 til 20.00 og boða frá. Útgevari: Sp/f Sosialurin Uppseting: Sosialurin Avgreiðsla: mán - frí kl. 08.00 - 16.00 Tel. 341800 www.sosialurin.fo Ábyrgdarblaðstjóri: Eirikur Lindenskov eirikur@sosialurin.fo Blaðstjóri: Barbara Holm barbara@sosialurin.fo Fyritaksstjóri Jonhard Hammer jonhard@sosialurin.fo Marknaðardeild lysing@sosialurin.fo Stovnaður: 1927 Prent: Prentmiðstøðin Hetta er tíðin, tá ið jólahugnin legst um alt landið. Hetta er tíðin, tá ið vit savnast um nógv av tí, vit øll hava í felag. Samstundis er hetta myrkasta tíðin á árinum. Og tí gera vit eyka nógv burturúr at tendra ljós hesa ársins tíð. Soleiðis gera familjur í øllum krókum í landi­num, og soleiðis gera vit eisini Tórs­ havn­ar kommunu, í miðbýnum og í bygdu­num kring kommununa. Tí hetta boðar um, at hóast myrku tíðina er ljós og hiti okkara millum. Á jólum hava vit øll okkara aft­ur­ vend­andi siðir, sum gera okkara jól ser­støk og hugnalig. Boðskapurin á jól­um um frið á jørð og í menniskjum góð­ur tokki verður altíð viðkomandi og hevur eini serlig boð at bera – sama hvat vit annars fáast við til ger­and­is. Tí um jóltíðir leggja vit alt tað stríð, sum kann vera, frá okkum. Fami­lj­an er saman, vit hitta vinir og vit njóta alt tað, sum ger, at vit gleða okkum til jólini ár undan ári. Tað er ein serlig kensla at savnast kring borðið jólaaftan og bara njóta sam­veruna við familjuna. Tað legst ein sovorðin friður yvir alt, tá ið jóla­døg­urðin er á borðinum og børn og vaksin sita til borðs. Hetta er ein góð og fjálg løta, sum vit eru fel­ags um at uppliva kring mongu stovurnar í Føroyum. Í Tórshavnar kommunu hevur gingist væl í 2017. Og eg vóni eis­ ini, at góða gongdin heldur fram í 2018. Men vit vita eisini, at einki kemur til okkum burtur úr ongum. At røkka málum krevur mið­víst arbeiði. Tí fara vit inn í nýggja árið við hugburðinum um, at Tórs­ havn­ar kommuna skal vera ein drív­megi í landi okkara, og at ein rúm­ligur høvuðsstaður, eitt virk­ið og vakið vinnulív og góðar tæn­ astur til borgararnar eru lyklar, sum fáa Tórshavnar kommunu eis­ini í komandi ári at vera eitt stað, har fólk kenna seg heima. Hóast veðrið kann vera illfýsið utt­ an­fyri, so fær jólaboðskapurin og tann hugni, sum familjur og vin­ir skapa, sjálvt ruskuta veðrið utt­an­ dura at gerast ein hugnaligur karm­ ur um jólahøgtíðina. Fari at ynskja øllum føroyingum eini gleðilig jól og eitt eydnu­ber­ andi nýggjár. Annika Olsen Borgarstjóri Fjálga tíðin á árinum Uppskotið um pensjónsskipan er nú komið á tingborð, og næstu tíð­ ina fara vit at hoyar nógv kegl um hesa góðu skipan. Andstøða og samgonga eru held­ ur ikki samd. Men ein glotti er tað tó, at Sjálvstýrið hevur gjørt semju við samgonguna og eisini stend­ur sum uppskotsstillari. Gott hevði tó verið, um hinir and­støðu­flokk­ar­nir – og sjávlandi sam­gongu­flokk­ar­nir við, høvdu dug­að at hugt upp um garðin, so vit ver­u­liga fingu eina nýskipan, sum var góð fyri øll, og øll vóru samd um. Sjálvandi eru nógv atlit at taka, og tað sæst eisin í teimum hoyr­ings­ svar­um, sum eru komin í sam­bandi við nýskapanina. Grundleggjandi er trupulleikin, at vit hava ikki nóg nógvar pengar at gjalda øllum pensjónistum nóg høga pensjón. Síðani fólkapensjónin varð sam­ tykt fyri 58 árum síðani er nógv broytt – og vit liva so nógv longri, enn vit gjørdu tá. Og tá miðallivialdurin hækkar so nógv, so sæst tað sjálvandi aftur. Tí er málið um at hækka pen­ sjóns­ald­ur­in nógv meira av­ger­andi, enn vit geva okkum far um. Hetta kann sjálvandi gerast upp á nógv­ ar mátar – bæði við eini gen­e­rell­ ari hækking og við at eggja fólki at arbeiða longri við at geva teim­um fyrimunir av tí. Sjálvandi er nógv best, um vit fáa eina breiða semju um pen­sjóns­ ný­skip­an­ina, men tað er slett ikki vist, at tað hevur so stóran týdn­ing, sum andstøðuflokkar al­tíð vilja gera tað til. Í síðstu viku sóu vit, at fisk­i­ vinnu­ný­skipanin varð samtykt við teim­um 17 atkvøðunum hjá sam­ gong­uni og Bill Justinussen. Bæði Sambandsflokkurin og Fólka­flokk­urin hava ført fram, at so skjótt nýtt landsstýrið kemur til, so verð­ur skipanin broytt aftur. Men so er ikki. Undir síðstu sam­ gongu vórðu tvær stórar ný­skip­an­ir sam­tykt­ar, sum tá­ver­andi andstøða, sum er nú­ver­andi sam­gonga, av sonnum ynskti har piparið grør. Tað vóru for­skatt­ingin av pensjónum og flat­skatturin. Kristina Háfoss boð­ aði frá, at hetta fór at verða broytt, tá Tjóð­veldi kom í sam­gongu. Javn­ að­ar­flokurin var gott nokk heldur varn­ari í sínum út­meld­ing­um. Men fakta er, at tey næstan ikki nerta hesar skipinar. Forskattingin verður gott nokk lækkað í uppskotinum til pen­sjóns­ ný­skip­an – úr 40 prosentum hjá øllum niður í 30 á lægstu inn­tøk­um, men veksur stig­víst upp í 40 prosent av teimum hægstu inntøkunum. Eyðvitað hvílir stór ábyrgd á samgonguni og ikki minst Javnaðarflokkinum sum er »fólka­ pen­sjóns­flokkurin« at skapa eina pen­sjóns­nýskipan, sum gagnar heild­ini, og sum heldur næstu hálvu øld­ina. Vit fáa at síggja, hvussu leikur fer. Vísið nú, at tað ber til at gera breiðar semjur um okkurt Næst stríðið um pensjónina Jólaheilsan frá borgarstjóranum í Tórshavnar kommunu