hósdagur 21. desember 2017síða 2

Í blaðnum... Tórshavn Tórsgøta 1, Postboks 76, 100 Tórshavn tel. 341800, fax 341801, post@sosialurin.fo Suðuroy tel. 375364, fax 375464, tel. 228814, aki@sosialurin.fo, dagfinn@sosialurin.fo Haldarar, sum ikki hava fingið blaðið, kunnu ringja tel. 341818 frá kl. 8.00 til 20.00 og boða frá. Útgevari: Sp/f Sosialurin Uppseting: Sosialurin Avgreiðsla: mán - frí kl. 08.00 - 16.00 Tel. 341800 www.sosialurin.fo Ábyrgdarblaðstjóri: Eirikur Lindenskov eirikur@sosialurin.fo Blaðstjóri: Barbara Holm barbara@sosialurin.fo Fyritaksstjóri Jonhard Hammer jonhard@sosialurin.fo Marknaðardeild lysing@sosialurin.fo Stovnaður: 1927 Prent: Prentmiðstøðin 22. desember 2017 »Friður á jørð og í menniskjum góð ur tokki« Soleiðis verður sagt í jóla evangeliinum, sum er frásøgnin um Jesu føðing. Í hesum døgum hava vit fleiri ferðir hoyrt hesi orð, og tey fara vit eisini at hoyra fleiri ferðir kom­andi dagarnar. Hetta er tíðin, tá vit minna hvønn annan á henda vakra og vísa friðarboðskapin, sum fyri tveytúsund árum síðani varð boðaður seyða­monnum uttan fyri eina fátæka bygd í Palestina. Tað er ikki beinleiðis eitt friðar­evan­gel­ i­um, sum vit hava hoyrt úr Løgtinginum sein­astu dagarnar, har fólk hava skotið við skørp­um hvør eftir øðrum – myndaliga tal­að, so er politiski ófriðururin lítil, um vit hugsa um tann ófrið, sum valdar nógva staðni úti í heimi. Har eru fólk nógvastaðni so ósamd um trúgv, at hetta dag­liga førir til deyða og líðing – og eina fólka­flyting úr krígsraktum londum til okkara leiðir her í Norð­ur­evropa. Men »friður á jørð« kann merkja so nógv. Hugsa vit um jólafrið, so er tað kanska ikki júst tað sum merk­ir samfelagið nú upp und­ir jól. Fólk hava úr at gera við at stákast til jóla – og gott er tað, at vit velja at gera nógv burtur úr eini slíkari hátíð, men tó alt við máta. Spurningurin er, hvat tað er, vit hátíðar­ halda. Um tað er Jesu føðing, ella um vit hava giv­ið hesi hátíð eitt heilt annað inni­ hald. Matteus gamli leggur ikki fingrar­nar í­mill­um, tá hann í 12. kapitli vís­ir á, hvussu handilsmenninir gjørdu halgidómin til eitt ráns mannabøli: Og Jesus fór inn í halgidóm Guðs, og hann rak út allar teir, ið seldu og keyptu í halgi­dóm­i­num; og borðini hjá teimum, ið veksl­aðu pening, og sessirnar hjá dúvu­selj­ ar­unum koyrdi hann um koll. Og hann sigur við teir: »Skrivað stendur: Hús mítt skal nevn­ast eitt bønhús; men tit gera tað til eitt ráns­manna­bøli.« Og heilt skeivur fer hann ikki. Vit kunnu øll gera okkum partvís sek í at leggja heilt onnur virði í jólahátíð­ina, enn tað, sum upp­ run­in var: Ein friðartíð við gleðiboðskapi. Sjálvandi eiga vit at leggja okk­ara nútíð­ ar­tørv og okkara nútíðar virði í hesa hátíð, men vit eiga ikki at gloyma upprunaliga boðskapin, sum er so vakur: Friður á jørð og í menniskjum góður tokki! Ella er talan um politiskt spinn? Pedagogformaðurin er ikki í iva. Tað ER politiskt spinn, at kommunurnar nú kortini rinda ped­ag­ ogu­num løn í jólamánaðinum. Tær fóru annars ikki fram við mýkindum, komm­unurnar, sum lýstu verkbann samstundis sum pedagogarnir lýstu verkfall. Onkur helt kanska, at tað var smart. Nú skuldu hasir óskikkiligu pedagogarnir sjálvir rinda sítt verkfall! Tí ætlanin var, at bara nakrir fáir leið­ar­ar í dagsstovunum skuldu í verkfall – og so máttu komm­unurnar óivað senda øll hini til hús við fullari løn. Men soleiðis skuldi ikki vera. Ill­ans­tíð. Men okkurt hevur fingið kommunurnar at broyta mein­ing. Sambært Anniku Olsen er tað tí, at tað er so synd, um pedagogarnir ikki hava ráð til jóla­gávur til børnini. Sambært pedagogformanninum er tiltakið hjá Anniku Olsen og kommununum politiskt spinn. Úrslitið er í øllum førum, at verkbannið hjá komm­unum hevur mist sína effekt, og tað fer ikki at stytta um tíð­ina, pedagogarnir ikki eru til arbeiðis. Gleðilig jól Annika tók synd í pedagogunum miseydnað verkbann Les eisini blaðið á telefonini Jóanis Erik Køtlum skal sam­an­sjóða sjúkra­hús­verkið síða 20-21 Huldubátur og spøk­ing á Viðareiði Siðsøga síða 24-25 Oddagrein Eirikur Lindenskov ábyrgdarblaðstjóri Virgar T. Dalsgaard Lesarabræv Tað eru syndarlig tíðindi, sum hoyrast um beinleiðis akutta sociala neyð í Havn, nú jólini eru í hondum. Hvar er okkara upprunaliga mest sociali flokk­ur, síðani slíkt kann henda í einum so­ nevnd­um vælferðarsamfelagi, meðan Javn­ að­ar­flokk­urin sjálvur situr við tí FORMELLA valdi­num? Tað, sum var Javnaðarflokksins stóra styrki, var, at hann hevði kompromisleysa em­pat­iska samvitsku og sterka sociala in­ dign­a­tión. Tí stríddist flokkurin fyri betri løn­ar­ korum til tey ringast støddu á ar­beiðs­markn­ að­i­num og fyri betri vilkor til tey gomlu, tey brek­aðu, sjúku og fátæku. Tað var tað politiska aðalmáli hjá tí soc­ i­al­dem­o­krat­iska Javnaðarflokkinum! Har kundi ikki slakast! Og tað var sanniliga eisini stavnhaldið hjá odda­monnum floksins sum Petur Mohr Dam, Maur­entius við Stein, Palla Henriksen, Atla Dam, Jákup Lindenskov og fleiri. Men hvat ger flokkurin í dag? Hann hevur forlovað seg við nøkrum aka­dem­isk­um fantastum, sum av berari øv­ und­sjúku og talentloysi vilja knasa og sorla eitt væl­fung­erandi vinnulív. Hartil er flokkurin farin at fonglast við eina fulkomuliga óneyðuga grundlóg, sum bara er til pynt fyri teir turrgeldu nat­i­on­ al­ist­ar­nar, sum framvegis halda seg kunna spáka á sjónum, hóast alt sjúkrahúsverkið er í skelja­sori, og penganeyðin herjar bæði pen­ sio­n­ist­ar, brekaði og fólk, uttan sømuligt býli. Tað, sum speidara-projektið við tí komisku "grundlógin" kostar, hevði kunnað metta tey allarlestu treingjandi á jólum og nýggj­ár­inum við! Petur Mohr Dam hevði vamlast og rodn­ að av skomm, hevði hann vitað um Javn­að­ ar­flokk­in í dag! Men hevði nøkur social samvitska verið eft­i­r í Javnaðarflokkinum, so var hann langt síðani farin í hernað móti tí socialu ar­móðini, og tí ósømiligu bústaðarneyðini í høv­uðs­ stað­num, og teir høvdu langt síðani havt kvett við teir ábyrgdarleysu og sekterisku nat­ion­al­ist­ar­nar! Petur Mohr Dam, Palli Henriksen, Jákup Lin­d­en­skov og Jóhan Petur Davidsen vóru ikki bara hjálparfúsir og socialir stríðsmenn í dec­ember mánaði, men teir bardust alt árið MÓTI tí destruktivu nationalismuni og FYRI teim­um ringast støddu í okkara samfelagi - tað var tí, at afturhaldsflokkarnir ræddust Javn­að­ar­flokkin. Nú er hann ein fjálturskotin pappírs-tik­ ari, sum eingin ræðist og sum ongantíð fýsir ella brølar móti órætti og socialari neyð. Tvørturímóti! Hann amast og kínist uppi á teim­um heglandi nationalu tjóðleggunum, sum annars systematiskt hava saboterað all­an javn­að­ar­politikk! Tað verður ein dýrur dagur, tá ið teir ektaðu javn­að­ar­velj­ararnir fara at revsa flokkin á næsta valgi. Ynkiligt! Men man liggur jú, sum man sjávur hevur reitt! Hvar er Javnaðarflokkurin?