mikudagur 3. januar 2018síða 4

Mikudagur 3. januar 2018 · Nr. 1 4 Sosialurin Hugskot og viðmerkingar – send sms til 225000 SÍÐST Í JANUAR STENDUR NÝGGJA VIRKIÐ INNILOKAÐ - Málið er at royndarkoyra virkið við svartkjafti í vár, soleiðis at alt verður klárt, tá makrelvertíðin byrjar aftur, sigur Bogi Jacobsen, stjóri í Varðanum Pelagic Vilmund Jacobsen Tey seinastu betongelementini til Varðan Pelagic á Tvøroyri komu til landið stutt fyri jól. Tvey farmaskip vóru á Tvøroyri við 14 døgum ímillum, harav seinna skipið var beint fyri jól. Reisigildi var á Seglloftinum á Tvøroyri hin 14. desember, tá sein­ astu stáldragararnir vóru komnir upp, og Merkið varð vundið á stong. Tá reisigildið var, segði virkis­ leið­arin á Varðanum Pelagic, Ólav­ ur Bjarkhamar, at tað kendist ómeta­liga væl, nú bygningurin til nýggja virkið er reistur. - Tað eru í dag 188 dagar, síðan virkið fór upp í royk, og ætlanin er at royndarkoyra nýggja virkið aft­ ur til várs. Virkisleiðarin vísti á, at Varðin Pelagic hevur verið leiðandi á sín­ um øki heilt síðan byrjanina í 2012 og fram til 9. juni, tá eldurin herj­ aði, bæði í nøgd og innan víð­ari­ menning, og hann legði dent á, at málið hjá Varðanum Pelagic fram­ hald­andi er at verða fremsta upp­ sjóv­arvirkið í Føroyum. - Øll tey, sum starvaðust á virk­ in­um, tá eldur kom í, kunnu heilt av­gjørt vænta sær at sleppa til ar­beiðis aftur. Í dag vilja vit geva teim­um fólkum, sum hava starv­ ast á virkinum og teimum, sum nú byggja virkið upp aftur, eitt herða­ klapp. Ólavur Bjarkhamar vísti á, at tað hevur gingið væl við byggingini á Tvøroyri. Skjótt innilokað Thormann Vang hjá Sp/f MTV- Byggi­virki, sum bygdi virkið í 2012 og sum nú stendur fyri at byggja virkis­bygningin upp aftur, sigur, at einir 25-30 mans í løtuni arbeiða úti á havnalagnum á Tvøroyri. - Tey størstu betongelementini eru tey til gólvini í tí partinum av bygninginum, sum verður í trimum hæddum. Hesi elementini eru upp í 13 metrar long og 1,20 metrar breið. Onnur elementir eru fýra metrar breið. Talan er bæði um gólv-og síðu­elementir, sum vit fara at seta upp í hesum mánaðinum. Thormann Vang sigur, at um alt gongur væl, kann roknast við, at bygn­ingurin stendur innilokaður um mánaðarskiftið, januar/ febr­ uar. - Takið er ikki lagt á enn, tí ele­ ment­ini skulu lyftast og lorast nið­ ur tann vegin. Tískil verður takið lagt á samstundis, sum elementini koma upp á pláss, og eg vænti, at ele­mentir og tak verða komin upp á pláss samstundis, sigur Thormann Vang. Royndarkoyra til várs Bogi Jacobsen, stjóri í Varðanum Pelagic væntar, at tað fer at ganga skjótt at seta maskinurnar upp, tá tað arbeiðið fer í gongd. - Sjálv byggingin er nokso kom­ plis­erað við tað, at partur av bygn­ ing­inum er í trimum hæddum, men eg vænti, at tað fer at ganga skjótt at fáa maskinur og linjurnar upp. Tal­an verður um modul, sum verða sett upp. Stjórin í Varðanum Pelagic vísir á, at málið er at royndarkoyra virkið við svartkjafti í vár, soleiðis at alt verð­ur klárt, tá makrelvertíðin byrj­ar aftur. Sáttmálin, sum Varðin Pelagic hev­ur gjørt við íslendsku fyri­tøk­ una Skaginn í Íslandi um maskinur og útgerð, er hin størsti, sum fyri­ tøk­an á Akranesi nakrantíð hevur gjørt. Tað sigur stjórin í íslendska felagn­um, Ingólfur Árnason, við Fiski­fréttir. Millum aðrar íslendskar fyri­tøk­ ur, sum skulu lata útgerð til virkið á Tvøroyri, eru eitt nú Frost og Raf­ eyri á Akureyri. 7.500 fermetrar Tað, sum stóð eftir av Varðanum Pel­agic, tá herviligi eldurin varð sløkt­ur á Tvøroyri, var frystihúsið og skrivstovubygningurin. Surimi­ virkið brendi ikki, men bygningurin hevði fingið skaða og varð rivin nið­ ur. Tá uppsjóvarvirkið upprunaliga varð bygt og kundi fara undir fram­ leiðslu hin 2. juli í 2012, varð sagt, at sjálv byggitíðin hevði tikið 14 vikur. Thormann Vang sigur, at virkið, sum nú verður bygt upp aftur, er umleið 150 metrar langt, og breidd­ in liggur um 50 metrar. - Hetta gevur umleið 7.500 fermetrar tilsamans. Megin­part­ur­ in verður bygt í einari hædd, men í miðjuni, har eitt nú matstova, skifti­rúm, wc’ir og annað skal verða, verður bygningurin í trimum hædd­um við betongdekki millum hædd­irnar, sigur hann. Nýggja virkið hjá Varðanum Pelagic er 150 metrar lagt og umleið 50 metrar breitt. Tað gevur 7.500 fermetrar tilsamans. Mynd: Reidar Simonsen VARÐIN PELAGIC