mikudagur 3. januar 2018síða 12

Mikudagur 3. januar 2018 · Nr. 1 12 Sosialurin Hugskot og viðmerkingar – send sms til 225000 NØVN Benny var fjølmiðlamaður í næstan 70 ár Benny Samuelsen, fyrrverandi blaðstjóri á Dimmalætting, andaðist 30. desember, 89 ára gamal. Sigast kann um Benny, at hann er av góð­ um sambandsbergi brotin. Abbi hansara var tann »legendariski« sam­bands­høvd­ing­ur­in Andr­ass Samuelsen, sum endaði sína polit­ isku karrieru sum fyrsti løgmaður í Føroyum 1948-50. Andrass var ættaður úr Haldarsvík, men gjørdist sýslumaður í Fuglafirði. Tí er Benny fuglfirðingur, hóast pápi hansara varð føddur í Havn, tey búðu í húsunum, sum seinni vórðu Kondittaríið – áðrenn Andras Samuel­sen við familju síni flutti til Fugla­ firðar í 1910. Benny Samuelsen var sonur Lenu og Steingrim Samuelsen, sum gjørdist sýslu­ mað­ur eftir pápan. Benny var elstur av 12 systkj­um, 10 brøður og tvær systrar vóru í systk­inaflokkinum. Sum heilt ungur kom Benny til Havnar í prentaralæru á Dimmalætting, sum far­bróð­ irin Georg Lindenskov Samuelsen stjórn­aði frá 1935 til 1981. Hetta var undir krígn­um, og Dimmalætting helt tá til í gomlu prent­smiðj­ uni í Erling Jalsgøtu – og áðrenn stóra eldin í 1944, tá húsini hjá Dimmalætting brunnu í grund. Prentarafakið er nógv broytt – og at kalla øll broytingin fór fram í tíðini, Benny virkaði sum fjølmiðlamaður. Tá ið Benny byrjaði var bert talan um at seta við hond. Bókstavirnir lógu leysir í einum kassa, og setingin var at taka bókstav fyri bókstav úr kassanum og seta teir saman til tekst. Tá liðugt var at prenta skuldu bók­ stavirnir leggjast aftur í hvør sítt rúm í kass­ an­um. Hetta ljóðar tungt, men gekk tó skjótt fyri seg. Tað var eitt stórt framstig, tá ið Dimma­ lætt­ing í 1947 fekk setimaskinu, har tað bert skuldi trýtast á ein knøtt fyri hvønn bók­stav eins og á eini teldu. Hvør einstøk regla varð stoypt í blýggi. Benny gjørdist so maskinsetari. Tað var í síni tíð tikið til, hvussu skjótt hann klárari at seta. At seta við maskinu lætti nógv um. Men korrekturur skuldi lesast, og var feilur í einum orði, skuldi reglan setast av nýggjum og fáast upp á rætt pláss í satsinum. Nú er einki, sum eitur setari longur. Tey, sum skriva greinirnar, gera tær samstundis klárar til at seta upp til prentingina –  og harvið heldur eingin rættlestur. Í 1970 kom Benny at skriva fyri Dimma­ lætting saman við Georg. Hann hevði ein serligan førleika til hetta arbeiði sum setari. Setarar dugdu ofta væl at at skriva føroyskt, tí ofta máttu teir rætta í tekstinum, so hvørt teir settu, og tí gjørdist málið so gott. Tað var tí eisini náttúrligt, at Benny gjørd­ ist blaðstjóri á Dimmalætting í 1981, tá ið pápa­beiggin Georg legði frá sær. Hetta starv hevði hann fram til 1995, tá ið hann fór frá fyri aldur. Benny giftist við Sofíu, vanliga kallað Dúddan, f. Petersen, úr Kollafirði. Hetta var ikki minni fjølment ætt. Tey vóru ikki færri enn 13 systkin. Hon doyði í 1992. Tey fingu børnini Lindu, Andrass og Steingrím. Tey búsettust í teirra hugnaliga heimi í Magnus Heinasonargøtu í Havn í húsunum hjá langabbanum Georg Lindenskov. Georg í Skriv­arastovu var pápi Beatu Lindensekov, sum gifist við Andras Samuelsen. Eftir Benny komu fimm brøður hans­ara eisini til Havnar í prentaralæru á Dimma­lætt­ ing, sum gjørdist arbeiðspláss teirra at kalla æv­ina alla. Eftir at Benny legði frá sær sum blað­ stjóri í 1995 var hann nevndarformaður í P/F Dimmalætting, og hann sat eisini í nevnd­ini á samanløgdu prentsmiðjunum hjá Dimma­ lætt­ing og Sosialinum, P/F Prent­mið­støðini, sum varð stovnað í 2000. Benny sat í nevnd­ ini á Prentmiðstøðini so leingi Dimma­lætt­ ing átti í Prentmiðstøðini frá 2000 til 2010. Tá hevði Benny Samuelsen verið virkin í før­ oyska fjølmiðlaheiminum í 68 ár. Benny Samuelsen var eisini virkin á ment­ an­arøkinum, í Sjónleikarhúsinum, hann var við í fleiri útvarpsleikum og læs eisini fleiri skald­søgur í útvarpinum. Benny Samuelsen hevur verið heilsu­veik­ ur seinastu tíðina, og hann búði á Boða­nes­ heim­inum, nú hann andaðist. Benny Samuelsen, høgrumegin, og yngri bróðirin Flemming Samuelsen, sum andaðist í 2012 81 ára gamal. Flemming var prentari á Dimmalætting alt arbeiðslívið. Hann gavst í juni í 2000, tá prentsmiðjurnar hjá Dimmalætting og Sosialurin vórðu lagdar saman í P/F Prentmiðstøðina Odny Thomsen farin Fødd 31. desember 1948 Deyð 29. desember 2017 Fríggjadagin bórust deyðsboðini av Odny Thomsen í Havn, ættað av Eiði. Odny var gift við Tummas Paula Thom­ sen, prentara, í Havn. Nógv havnarbørn kenna Odnu úr for­ skúl­anum í Sankta Frans skúla, har hon starvaðist í mong ár. Vit prenta her brot úr gravtaluni, sum Theodor E. D. Olsen, prestur, helt við jarð­ar­ ferðina í Vestukirkjuni týsdagin: »Hon varð doypt í Eiðis kirkju Odnu Jógv­ansdóttir Johansen, og foreldrini vóru fiskimaður Joen Johansen og Jonny Alex­ andra Olivia Ellingsgaard, sum tey stóðu skrivað í kirkjubókini. Odny giftist Tummasi Paula Thomsen hin 4. januar 1969 í Havnar kirkju. Tey búðu í nøkur ár í Hornabø, áðrenn tey bygdu á Landavegnum. Tað var rættiliga uttarlaga í býnum tá. Oddný arbeiddi m.a. við at gera ís hjá Frants Restorff, men tað er helst serliga frá fyrst barnagarðinum og ikki minst for­ skúl­anum hjá Nonnunum í Sankta Frans skúla, at tey flestu munnu minnast hana. Odny var fitt í hondunum, og ikki minst við bindiklubbum, men eisini við øðrum virk­ semi var hon ein miðdepil, ið dró fólk at sær. Tað gava at bíta, tá hon fylti 65, at hon segði, at hon ikki hevi bjóðað so nógvum fólk­um, men hvussu var og ikki, har var fult hús, og døturnar fingu nokk at gera, við at varta upp. Odny var altíð hjartagóð, og fekk tað skots­mál, at hon hugsaði altíð um onnur. At skipa fyri, lá eisini væl fyri, og hon og Tommy vóru við til at stovna Nýra­fel­agið, har tey so at siga skiftust um at vera for­ mað­ur og vera nevndarlimir – ofta bæði í senn – tey fyrstu mongu ár­ini. Í Nýra­felagn­ um vóru eisini sosialir aktiv­it­etir sum t.d. jóla­hugni, og kravdi tað sítt av nevndini. Odny kom at stríðast við sjúku tíðliga, og longu í 1987 fekk hon nýtt nýra. Tá var tað ikki so líkatil at sleppa í dia­ lysu. Antin kundi tú fara í dialysu heima við hús, og tað kravdi, at onkur av teimum nærm­astu fekk sær somu førleikar sum ein sjúkra­systir. Alternativið var at flyta niður til Danmarkar. Hetta hildu fólk ikki kundu vera rætt, og við Odny og Tummas Paula í Nýrafelagnum var farið at tosa við politikarar um málið, og við tíðini sluppu fólk í dialysu á Lands­ sjúkra­húsinum. Ikki kann sigast annað enn, at Tummas Pauli hevur verið konu síni hollur hesi árini, sjúka hevur verið uppií. Ja, tað er helst ikki ov nógv sagt, at hom helst hevði verið farin á røktarheim, um hann ikki var har. Hendan seinasta góða mánaðin vikn­ aði Oddný nógv, og lá hon á Lands­sjúkra­ hún­inum einar 25 dagar. Hon var tó heima jólaaftan. Hon gleddist um børnini og vildi sleppa at síggja tey smáu pakka upp, men sjálv orkaði hon ikki at pakka upp. Hon fór aftur á sjúkrahúsið, og 29. des­ ember svav hon stillisliga inn – hjá henni vóru maður og døtur, tey nærmastu. Hóast Odny var sjúk í nógv ár, ber til at siga, at hon var frísk, hóast sína sjúku. Positiv var hon, og segði, at sjúkan var hennara. Odny og Tummas Pauli áttu trígjar døtur, Mariann, Jonna og Eyðvør, sjey ommu- og abbabørn og og eitt langommu- og abbabarn – og eitt er á veg.«