mánadagur 29. januar 2018síða 20

Mánadagur 29. januar 2018 · Nr. 12 20 Sosialurin Hugskot og viðmerkingar – send sms til 225000 FÓTBÓLTUR Eg arbeiði í løtuni við einari umsókn, har eg kann frysta mítt visum, soleiðis at eg ikki missi øll míni ár í Føroyum. Tað sigur ársins ungi leikari í føroyskum fótbólti í 2017, Michal D. Przybylski, sum hósdagin skrivaði tvey og eitt hálvt ára sáttmála við felag í Póllandi DREYMURIN UM AT SPÆLA FYRI FØROYAR ER IKKI SLEPTUR ENN André Olsen Hósdagin gjørdi ársins ungi leikari í føroyskum fótbólti í 2017, 20 ára gamli Michal Przybylski, sáttmála við pólska felagið, Widzew Lodz, har hann komandi hálvt triðja árið fer at spæla. Widzew Lodz spæl­ir dagliga í fjórðbestu pólsku deild­ ina, men er søguliga eitt stórt felag í pólskum fótbólti, sum fýra ferðir hevur vunnið bestu deildina í heimligu. Seinast afturi í 1997. Ynski framvegis at umboða Føroyar Tá sáttmáli millum Widzew Lodz og Michal Przybylski hósdagin var gjørdur, vóru tað fleiri í Føroyum, ið útihýstu møguleikanum fyri, at Michal Przbylski, sum hevur búð í Før­oy­um síðani hann var tvey ára gamal, nakrantíð kann koma at um­boða tað føroyska landsliðið. Men tað er als ikki sikkurt. Michal Przbylski hevur framvegis eitt ynski um at umboða Føroyar, um møgu­leikin stingur seg upp. Í løtuni arbeiði eg við einari um­ sókn, har eg kann frysta mítt visum, soleiðis at eg ikki missi øll míni ár í Føroyum. Síðani eg var úttikin til U17 landsliðið fyri nøkr­um árum síðani, havi eg havt eitt ynski um at umboða Føroyar, men havi ikki kunna tað, av tí at eg ikki havi havt føroyskt pass. Eg havi gjørt sera nógv fyri at fingið tað ígjøgn­um, men eg eri bert eitt tal í donsku skipanini, og har eru fleiri túsund fólk frammanfyri meg, so hetta er ein long prosess. Eg havi held­ur ikki fingið serliga góða hjálp úr Føroyum, sum uppá onkran máta kundi fingið hetta at gingið ígjøgn­ um, so tí er tað ikki serliga lætt, sigur Michal Przbylski, sum tó leggur dent á, at hann framvegis ynskir at umboða Føroyar. Widzew Lodz hevði vunnið Betri-deildina Eftir at hava verið valdur til ársins unga leikara í føroyskum fótbólti í 2017, fekk Michal Przbylski seint sein­asta heyst landsliðsboð úr Pól­landi, har hann var boðsendur til venjingardyst hjá pólska U20 lands­liðnum móti Portugal. Michal Przy­bylski fekk debut á pólska U20 landsliðnum í november, tá hann var innskiftur í øðrum hálv­ leiki í landsdystinum móti Portu­ gal. Michal Przybylski hevur síða­ni tá fingið nøkur tilboð úr pólsk­um fótbólti, og pólskt føddi før­oy­ing­ ur­in, kennir at hetta er rætta tíðs­ punkt­ið at fara avstað. Eg havi havt ein dreym um at royna meg sum fulltíðar­fót­bólts­ spælara, tí eg havi følt, at tað er tað sum eg havi brúk fyri, um eg skal mennast meira sum fótbólts­ spælari. Tá eg fekk tilboð frá Wid­ zew Lodz, sum søguliga er stórt felag í Póllandi, ivaðist eg ikki. Veit at nógv halda, at fjórðbesta deildin í Póllandi kann ljóða láturligt, men eg kann siga við fullari vissu siga, at hetta liðið hevði vunnið Betri- deild­ina. Fyrst og fremst er hetta eitt fulltíðar professionelt felag, har alt frá leikarum, venjarum, hjálpar­fólki og miðlafólki eru full­tíð­ar professionell, og felagið hevur 18.000 áskoðarar til hvønn heima­dyst, so tað er eitt sindur øðrvísi enn alt heima í Føroyum. Eisini sleppi eg nú at royna meg sum fulltíðarfótbóltsspælara, og royna eitt heilt annað lív bæði á og uttan­fyri vøllin. Tað havi eg altíð droymt um at roynt, sigur Michal Przy­bylski. Skulu klára tríggjar uppflytingar uppá trý ár At talan er um stórt felag í pólskum sama­nhangi, sæst, á venjarasíðuni hjá felagnum. Venjarin hjá Widzew Lodz, Franciszek Smuda, var nevni­liga landsliðsvenjari hjá Pól­ landi fyri fáum árum síðani. Tað var hann frá 2009 til 2012, har hann millum annað stóð á odda fyri Póllandi til EM endaspælið í Pól­landi og Ukreina. Eisini hevur felag­ið nýggjar sponsorar, ið ætla, at Widzew Lodz, skjótt aftur skal vera partur av bestu pólsku deild­ ini. Venjarin hjá felagnum, Smuda, var venjari hjá Póllandi til EM í 2012, og hevur havt eina ávirkan, at eg valdi felagið. Eisini er nýggjur sponsorur í felagnum, sum er í ferð við at keypa eitt heilt nýtt lið. Hjá bæði leiðsluni og sponsorunum er krav­ið hjá felagnum, at felagið skal klára tríggjar uppflytingar uppá trý ár, og aftur gerast partur av bestu pólsku fótbóltsdeildini. Í løtuni ligg­ur liðið nummar tvey í deildini, men tað er leiðslan ikki nøgd við. Tí eru fýra leikarar sendir heim í vetrarsteðginum eftir bert fýra mán­aðir í felagnum, hóast onkrir av teimum hava spælt í bestu pólsku deildini. Tað sigur eitt sindur um trýstið í hesum felagnum, og hetta er eisini nakað sum ger tað spenn­ andi at royna fyri meg. Eitt tilboð frá hesum venjaranum, felagnum, nógvu áskoðarunum og stóru mál­ setn­ingarnar hjá felagnum, kundi eg ikki siga nei til, hóast eg hevði okkurt tilboð úr hægru deildunum úr Póllandi eisini, sigur Michal Przy­bylski. Tríggir føroyskir venjarar eiga serliga stóra tøkk Michal Przbylski, ið hevur búð í Føroy­um síðani hann var tvey ára gamal, hevur í føroyskum fótbólti um­boða trý feløg. Tey eru B68, NSÍ og Skála. Hjá honum, er tað serliga ein úr hvørjum felagið, ið eigur tøkk fyri, at hann sleppur at royna seg sum fulltíðaryrkisspælara. Eg havi havt nógvar venjarar sum hava hjálpt mær, síðani eg byrjaði at spæla fótbólt sum seks ára gamal. Havi lært frá teimum øllum, og allir eiga part í, at eg nú sleppi at royna meg í pólskum fót­ bólti. Havi tó verið í trimum før­ oysk­um feløgum, har tað serliga er ein úr hvørjum felag, ið eigur serliga stóra æru. Í B68 er tað Jóhan Petur Poul­sen, sum við fleiri hundrað eyka­venjingum, lærdi meg at spæla og at hugsa fótbólt, og veruliga gav mær hugin til fótbólt. Í NSÍ er tað Egil Olsen, sum var tann, ið fekk meg uppí vaksnamannafótbólt. Hann trúði uppá meg, hóast eg var yngst og minst, og skifti meg runt á øllum plássunum, soleiðis at eg altíð spældi, tí hann trúði uppá, at eg kundi gera tað líka so gott á øllum plássunum. Eisini Pauli Poul­sen á Skála eigur serliga stóra tøkk. Hann hevur fingið meg at hugsa meira frameftir, og at vera meira bein­ leiðis, og gav mær ein leiklut, sum var høvuðsorsøkin til, at eg eftir kappingarárið í 2017 var valdur til ársins unga leikara í føroyskum fót­ bólti, sigur Michal Przbylski. Michal Przybylski byrjar longu í komandi viku í pólska felagnum, Wid­zew Lodz, har hann altso hevur ein tvey og eitt hálvt ára sáttmála. andre@sosialurin.fo Michal Przybylski: