týsdagur 30. januar 2018síða 8

Mikudagur 31. januar 2018 · Nr. 13 8 Sosialurin Hugskot og viðmerkingar – send sms til 225000 TÍÐINDI Vilmund Jacobsen Onkuntíð hevur verið sagt, at ein handil við fiskavørum í Føroyum hevur onga fram­ tíð, tí føroyingar vilja ikki keypa fisk og fiskavørur. Teir handlar, sum burtur av hava selt fiskavørur í Føroyum gjøgn­um tíðirnar, hava ikki havt lív lagð, tí keypsáhugin hevur verið ov lítil. Hugburðurin hevur kanska verið, at fiskur er nak­að, sum maðurin, sonurin ella onkur í familjuni taka í land við sær, tá teir koma aftur av skipi ella báti. Tað er tó ikki hetta, sum tey hjá føroyska fram­leiðara­ num, Norðfra í Leirvík, upp­ liva. - Eftirspurningurin eftir fiska­vørum veksur støðugt, og hjá okkum er tað serliga raspað hýsu-og toskaflak, fiska­frikadellur, ræstur fisk­ur og kalvi, sum fólk spyrja eftir. Jógvan Martin Hansen vísir á, at Norðfra eisini hevur nógvar aðrar fiska­vør­ ur í sínum útboði, sum før­ oyska húsmóðurin vil hava. - Tað eru ávísar vørur, sum selja alt árið, og síðan eru tað aðrar, ið líka sum eru meira knýttar at árstíðini. Her er eitt nú talan um kalva og laks, sum serliga verður keypt í samband við kon­ firma­tiónir, merkisdagar og høg­tíðir, sigur hann. Tað er kanska heldur ikki so vanligt at eta ræstan fisk í brennandi sól á hásumri, men kanska meira í tí kaldaru tíðini av árinum. 450.000 frikadellur Søluleiðarin hjá Norðfra vísir á, at virkið í fjør seldi um­leið 450.000 frikadellur og eini 150.000 knettir. - Men, taka vit okkara fiska­vørur undir einum og hyggja at samlaðu nøgdu­ n­um, er tað serliga raspað hýsu-og toskaflak, sum selur ógvu­liga væl. Jógvan Martin Hansen sig­ur, at nøgdin av raspaðum hýsu-og toskaflaki liggur um 1,5 til tvey tons um vikuna, og hetta fer alt út til før­oyskar handlar, matstøð og før­ oyskar brúkarar kring landið annars. - Tað eru eisini fleiri stovnar, sum keypa okkara fiska­vør­ur, og vit hava ókeyp­is útkoyring, tá keypt verður fyri ávíst krónutal. Søluleiðarin vísir á, at í løtuni hanga nakrar túsund fiska­greipur uppi í Leirvík, sum nú eru klárar at selja. - Vit hava altíð tær vanligu fiska­vørurnar á goymslu, og vit plaga eisini at hava ymiskar meira serstakar vørur í útboði, sigur Jógvan Martin Hansen. Lomvigi fyri 160 krónur Einaferð í fjør lýsti Norðfra við skrædlaðum lomviga fyri 160 krónur stykki, sum má sigast at vera rímiliga væl ”betalt” fyri ein skrædlaðan fugl. Hetta var lomvigi, sum virk­ið og mat­vøru­fram­ leiðarin í Leirvík hevði keypt úr Íslandi, og sagt var úr Íslandi, at hetta var fleyg­ aður fuglur. - Eg kann ikki leggja høvd­ ið á blokkin fyri, um fuglurin var fleygaður ella veiddur á annan hátt. Men, tað vóru fleiri, sum - hóast trivaliga prísin - vildu keypa sær ein smakk av lomviga aftur, og vit seldu allar fuglarnar, sum vit í hesum umfari keyptu heim. Jógvan Martin Hansen held­ur, at Norðfra keyptu einar 2000 skrædlaðar fuglar úr Íslandi, sum allir vórðu seld­ir. - Í løtuni hava vit ongan lom­viga á goymslu, men eg vænti, at vit fara at keypa nakrar fuglar heim aftur úr Íslandi, tá høvið býðst aftur, sigur hann. Veksandi í Danmark Norðfra hevur tvey fólk í starvi í Danmark, har virk­ið eftir bílegging um heimasíðuna - www.nord­fra. dk - selur og koyrur før­oysk­ ar fiskavørur kring um Dan­ mark, har landafast er. Haraftrat hevur Norðfra nú sínar fiskavørur í Kvickly handli í Roskilde. Jógvan Martin Hansen sigur, at goymslan hjá felag­ num í Danmark liggur í Få­ borg á Suðurfjóni, og tað er haðani, at bíløgd vøra verður koyrd út um landið. - Vit eru eitt nú hvønn miku­dag í Keypmannahavn, og vit eru hvørja viku í Norður­jút­landi og aðru hvørja viku í Suðurjútlandi. Vøra, sum verður bíløgd dagin fyri, at koyrt verður út á ávísu støðini, eru longu hjá keyparanum dagin eftir. Vit koyra vøruna til dyrnar, og keyp yvir 800 krónur gevur ókeypis útkoyring í Dan­ mark, sigur søluleiðarin hjá Norðfra. Seldu 450.000 frikadellur til føroyskar familjur í fjør - Tað er ikki rætt, at føroyingar ikki vilja keypa fisk og føroyskar fiskavørur. Hetta er ein veksandi marknaður, sigur søluleiðarin hjá Norðfra í Leirvík, Jógvan Martin Hansen Í fjør seldi Norðfra 450.000 frikadellur og umleið 150.000 knettir í Føroyum. Tað er tó raspað hýsu- og toskaflak, sum mest verður selt av Her hongur góður ræstur fiskur í Leirvík, sum er ein av høvuðsvørunum hjá Norðfra - Tað vóru fleiri, sum vildu sleppa at smakka lomviga aftur, tó at prísurin var 160 krónur fyri skrædlaðan fugl