týsdagur 30. januar 2018síða 22

Mikudagur 31. januar 2018 · Nr. 13 22 Sosialurin Hugskot og viðmerkingar – send sms til 225000 Tróndur Arge Tað er slutt. Har er einki “go” eftir í knænum. Hetta eru fyrstu orðini Gert Hansen sigur, tá hann verður spurdur um tað passar, at hann gevst sum fótbóltsspælari. Hann er partur av tiltiknum ár­ gangi, sum var við til at gera EB/ Streym til topplið í føroyskum fótbólti. Hartil hevur hann verið partur av Víkingaliðnum, sum fekk fyrstu FM heitini til høldar. Hann iðrar seg um, at hann ikki náddi at spæla nakran landsdyst, men seinasti luturin hjá honum sum spælari, var at vinna FM og koma á ársins lið. Hann verður nú partur av venjaratoyminum hjá Víkingi. Knæið argar Fyrr í ár segði Gert Hansen við In.fo, at hann visti ikki hvussu stóran lut hann fór at eiga í kom­ andi kappingarári. Hann sleit kross­bandið í 2008 og tað hevur nú inn­heintað hann. Høgri bakkurin hevur roynt at vant við í ár, men tað gongur ikki rætta vegin. -Eg havi hugsað tankan um at gevast í eina tíð. Læknin segði, at eg kundi spæla, men at tað var upp á lánta tíð, tí tú kanst ikki gera nakað við slit í einum knæi. Tá tú ert komin upp í árini, so tímur tú illa at sita á eini súkklu í fleiri mánaðir, tá tað ongan mun ger, sigur Gert Han­sen og leggur afturat: -Tað hevur verið pínufult í løt­ um í eini tvey ella trý ár, men tað hevur ikki verið so ringt sum nú. Sein­astu tríggjar mánaðirnar und­ an kappingarenda visti eg, at her var okkurt galið. Krossbandið fór í 2008 og tá fekk at vita, at tað kundi verða trupulleikar gigt og slit, fortelur Gert Hansen, sum sleit kross­bandið, tá ein spælari lendi á knæn­um. 33 ára gamli verjuspælarin hev­ ur gjørt eina roynd, at blíva klárur til hetta kappingarárið, men tað gong­ur ikki. -Eg havi vant í ár, men tað riggar ikki. Eg havi trýst meg til markið, men tað gongur ikki. Eg fari at hjálpa til í venjaratroyminum. Hans Jørgen Djurhuus verður hjálpar­venjari, men tá hann skal spæla, so traðki eg til, sigur Gert Han­sen. Hann hevur hjálpt til hjá teim­ um yngru og heldur fyri, at hann hevur áhuga fyri venjarayrkinum. Fyri­bils verður hann partur av venjara­troyminum hjá Víkingi, har hann skal hjálpa til kring hópin. Gevst sum meistari Gert Hansen hevur seinastu tvey árini vunnið FM við Víkingi. Tað hev­ur gjørt tað lættari at gevast, men saknurin eftir at spæla fótbólt kem­ur kanska seinni. - Tað er súrt, men eg havi havt tíð at vant meg við tankan. Tað verður heilt sikkurt ringt, tá kappingin byrjar. Eg vil siga, at tað er ikki líka ringt at gevast, tá tú ert tvífaldur meistari, sigur Gert Hansen, sum í fjør bleiv valdur til ársins høgra bakk í føroysku kappingini. Hann hevur fyri tað mesta spælt á høgra bakki, men hevur eisini spælt í miðverjuni og á verjukenda mið­vøllinum. Tað eru eisini ting, sum Gert Han­sen iðrar seg um. Hann náddi mill­um annað aldrin at spæla á lands­liðnum. - Eg kann iðra meg um, at eg ikki var meiri seriøsur tá eg var yngri, so hevði eg kanska kunna røkki eitt sindur longri og kanska fing­ ið onkran landsdyst, sigur Gert Hansen. Tiltikni árgangurin Gert Hansen er partur av tiltiknum árgangi, sum setti EB/Streym á før­ oyska fótbóltskortið. Saman við spælarum sum beiggjanum, Arn­ bjørni Hansen og Marna Djurhuus, Leif Niclasen, Brian Olsen, Hans Paula Samuelsen og Bárði Olsen vinna teir sær allir pláss á besta lið­ num, sum vinnur seg fram í oddin. Farna summar bleiv nógv tosað um U21 landsliðið í hondbólti, sum vann seg til HM endaspælið í Algeria. Søgan handan liðið eru ágrýt­in foreldur, sum hava lagt nógv fyri og eitt gott samanhald mill­um spælararnar. Gert Hansen kenn­ir seg aftur í søguni. - Eg kenni okkum eitt sindur aftur í søguni um U21 landslsiðið í hond­bólti. Vit spældu saman frá vit vóru tíggu ára gamlir. Vit høvdu góð evnir, men eisini eitt gott saman­hald. Tað hava eisini verið nøkur foreldur, sum hava givið okk­ um nógv, fortelur Gert Hansen. Trý serlig gullheiðursmerki Gert Hansen spælir sín fyrsta dyst í bestu deildini á sumri í 2003. Nú fimtan ár seinni er tíðin komin at hyggja afturá stóru sigarnar. Fyri Gert Hansen eru tað trý gull- heiðurs­merki, sum standa sterkast í minninum. -Tað eru trý gull-heiðursmerki, sum eg minnist serliga væl og eri glaður fyri. Tað fyrsta er steypa­ finalan í 2007, tá vit vinna móti HB í Gundadali. Tað er fyrsta gull- heiðurs­merki hjá EB/Streymi, for­ telur Gert Hansen. Hann slítur síðani krossbandið og er ikki á vøllinum í 2008. Tí kenn­ur hann heldur ikki nakran lut í tí meistaraheitinum, hóast hann er stórur partur av EB/ Streymi árini undan. Av tí saman er meistara­heitið í 2012 nakað serligt fyri høgra bakkin. -FM í 2012 fyri EB/Streym og FM í 2016 fyri Víking eru eisini heilt serlig. Tað er fyrsta FM við EB/ Streymi fyri meg, meðan FM í 2016 er tað fyrsta hjá Víkingi, sigur Gert Han­sen. Tú fær tó einki gull-heiðurs­ merki, fyri at gita hvat ringasta løtan hjá Gert Hansen er. Hann byrjar inni lagnudagin á Mølini á Eiði, tá Paul Clapson sáli, skorar einasta málið í meistaradystinum móti KÍ. Gullið endar í Havn hjá HB. -Ringasta løtan sigur seg sjálvt, hóast hon er dottin nakað úr heildar­myndini hjá mær, sigur Gert Hansen. Hann gevst nú við fótbóltinum og hevur nógvum at takka. Hann vil illa nevna nakran serligan, tí hann vil heldur ikki gloyma nakran. - Eg vil gjana takka familjuni og øllum rundaum meg, fyri at tey hava havt so gott tol. Vónandi stend­ur tað tolið við, sjálvt um eg nú standi undanfyri vøllin, sigur Gert Hansen. Hann hevur spælt 375 dystir fyri bestu liðini hjá EB/Streymi og Víkingi. trondur@sosialurin.fo Gert Hansen hevur boðað Víkingi frá, at hann ikki fær spælt fótbólt meir. Ein knæskaði ger, at verjuspælarin eftir 15 ár í bestu deildini gevur skarvin yvir. Hann er fleirfaldur FM vinnari og steypavinnari, men iðrar seg um at hann ikki fekk nakran landsdyst FÁI IKKI SPÆLT MEIR Gert Åge Hansen: