týsdagur 6. februar 2018síða 6

Mikudagur 7. februar 2018 · Nr. 16 6 Sosialurin Hugskot og viðmerkingar – send sms til 225000 FISKIVINNA Snellubátar hava borið við fisk á Norðhavinum - Higartil hava einir fýra bátar verið við snellu í einar tveir og tríggjar dagar og fiskurin, teir hava fingið, hevur verið stórur og góður, sigur Jóhan K. Joensen á Eiði Vilmund Jacobsen Tað eru helst nøkur ár síðan, at menn, sum hava fiskað við snellu á Norðhavinum í vártíðini, hava havt so frægan fiskiskap, sum teir høvdu í fjørvár. Jóhan K. Joensen hjá Hans Egili Joensen & Synum, sum í fleiri ár hava tikið sær av at fáa útróðr­ar­ fisk­in upp úr bátunum á Eiði, sigur, at tá bátatalið var størst í fjør, vóru teir umleið 40. - Tað mesta, sum vit annars hava landað á Eiði í ein dag, er 98 bát­ar, og minnist eg rætt, var tað á vári í 2003. Bæði í 2002 og í 2003 var nógvur snellufiskur at fáa á Norð­ hav­inum. Tað var serliga, tá tað viðraði ein leygardag, at bátatalið kundi gerast so stórt. Aðrar dagar mitt í viku lá talið av bátum vanliga millum 40 og 60. Jóhan K. Joensen ásannar, at áhug­in hjá snellumonnum fyri Norð­havinum ikki hevur verið ser­ liga stórur seinnu árini, og hetta kemst í fyrsta lagi av, at so lítil fisk­ ur hevur verið at fingið. - Men, í fjør royndist várið væl betri enn fleiri undanfarin ár. Bátar høvdu javnan millum 2000 og 3000 pund, og tað var eisini onkur bát­ur, sum fekk yvir 5000 pund ein snellu­ dag. Hann sigur, at veiðan hjá snellu­ bát­unum á Norðhavinum í fjør vár royndist nógv betri enn fleiri und­ an­farin ár. Hava borið við fisk Á Eiði plaga tey at siga, at norð­ havstíðin vanliga byrjar um hálvan februar og varar til umleið hálvan apríl. Fyrri partur av vertíðini er há­ veturstíð, og tá talan vanliga er um lut­falsliga smáar bátar, sum fiska við snellu, eru veður og vindur ógvu­liga avgerandi fyri, hvussu henda tíðin roynist. Men, mest avgerandi fyri áhug­ an hjá monnunum, sum vilja royna eydn­una í vártíðini, er sjálvur fiski­ skapurin. Og her eru vónirnar í ár kanska betri enn fleiri undanfarin ár. Herfyri fingu trolbátar nógvan fisk norðan fyri, og teir sigldu onkr­ ar túrar fulllastaðir aftur til lands eftir lutfalsliga stuttari roynd. Hóast gýtingarfriðingar norðan fyri í vártíðini, serliga fyri trol-og línu­veiði, hava bátar, sum fiska við snellu, munandi víðari ræsir. Jóhan K. Joensen veit at siga, at higartil eru bara tveir bátar komn­ ir norður til Eiðis at bíða eftir vár­ fiskinum. - Ein bátur er komin úr Vest­ manna, og ein er komin úr Suðuroy. Hóast vit ikki eru komin inni í veru­ ligu vártíðina enn, hava einir fýra snellubátar higartil gjørt tveir og tríggjar túrar hvør. Bátarnir hava ligið millum 500 og 1000 pund á dagin. Sum eg havi skilt, hava teir roynt nakað úr landi, kanska mill­ um 12 og 15 fjórðingar. Fiskurin, teir hava fingið, hevur verið bæði stór­ ur og góður toskur, sigur hann. Snellumenn eldast Spurdur, hvørjar vónirnar eru um bátatal á Eiði í vár, heldur Jóhan K. Joen­sen fyri, at eins og øll onnur eldast snellumenn eisini. - Tíðin stendur ikki í stað, og til­ gongdin til útróðrarvinnuna er ikki stór, soleiðis sum verið hevur við fiskiskapi seinnu árini. Jóhan K. Joensen væntar tó, at fiskiskapurin í vár verður avger­ andi fyri, hvussu áhugin hjá monn­ um fyri várróðrinum verður. - Verður fiskur at fáa, vænti eg, at vit eisini fara at síggja grammar snellu­menn her norðuri. At kalla allur snellufiskurin, sum kemur upp á land á Eiði, endar inni á gólvinum hjá P/F Bátafiski á Eiði, ið hevur góðkenda landingarmiðstøð. Tað er Fiskamarknaður Føroya, sum selir fiskin, ið verður koyrdur út til keypararnar. - Vit plaga at hava tveir mans niðri á bryggjuni at taka ímóti bát­ un­um. Teir hiva fiskin upp, ísa og merkja kørini, soleiðis at greitt er, hvør eigur hvat, tá fiskurin verður vigaður. Onkuntíð, tá mest hevur verið at gera, hava vit havt tveir kranabilar á bryggjuni, sigur Jóhan K. Joensen hjá Hans Egili Joensen & Synum at enda. Ávirkar fiskaprísin Tað er ikki sørt, at útróðrarmenn, sum fiska við línu alt árið, stúra fyri várróðrinum í ár. - Sjálvandi vóna vit, at bæði bát­ ar við línu og snellu fara at fáa fisk í vár, men tað skerst ikki burtur, at snellu­fiskiskapurin saktans kann fara at trýsta fiskaprísin. Línumaður, sum Sosialurin hevur skift orð við, vísir á, at sjálv­ andi kann tað hava sína ávirkan, um einir 100 bátar fara at fiska við snellu í vár, og fiskur verður at fáa. Hetta eru í fleiri førum menn, sum hava annað arbeiði, men sum hava keypt sær bát til eitt nú vár­róð­ urin og hava fingið sær frí. Hetta er eisini teirra fulli rættur, men tað kann skjótt fara at ávirka fiska­prís­ in, um nógvur snellufiskur verður at fáa, sigur línumaðurin. Tað kann vera lív í á Eiði, tá várróðurin er í hæddini Eingin ivi er um, at menn eru spentir til várróðurin, nú útlitini tekna seg væl Mynd: Vilmund Jacobsen