týsdagur 20. februar 2018síða 6

Mikudagur 21. februar 2018 · Nr. 22 6 Sosialurin Hugskot og viðmerkingar – send sms til 225000 TÍÐINDI Vilmund Jacobsen Tað var í Dimmalætting hin 3. februar í 1923, at Andreas A. Arge við stuttorðaðari lýs­ ing boðaði frá, at hann nú fór at arbeiða sum ur-og instru­ ment­makari í Havn. Lýsing hansara í nevnda blaði var soljóðandi: “Jeg tillader mig her­ved at meddele, at jeg har nedsat mig som ur-og instru­ment­ mag­er i Thors­havn, og an­be­ faler jeg mig til ærede publik­ um med alt til faget hørende arbejde...” Heidi og Dagfinn Maðurin, vit umrøða og sum byrjaði sítt virksemi í Havn fyri 95 árum síðan, var pápi kenda Pussa Skilling - ella Jákup Andreas Arge av navni. Tað var Jákup Andreas Arge, sum í nógv ár var ímynd­in av Skilling Optik, og hann var eisini kendur frá vakra Myndakalendaranum, sum hann gav út á hvørjum ári í mong ár. Jákup Andreas gavst í fyri­tøkuni fyri nøkrum árum síðan og tey, sum í dag leiða handil­in, sum hevur húsast í SMS síðan 1983, eru dóttir Jákup Andreas Arge, Heidi Arge Poulsen og pápabeiggi henn­ara, Dagfinn Arge. Knýtt at fyritøkuni í dag, sum selur brillur og linsur og veitir allar optiktænastur í SMS, eru eini 5-6 fólk til­ samans. Samanlegging í 2010 Í nýggjari tíð var talan í fleiri ár um tveir handlar, har handilin, sum var í Bøkjara­brekku, í 1990 flutti úr brekkuni og oman í Niels Fin­sens­gøtu 23. Árini fram til saman­legg­ ing­ina millum handlarnar báð­ar, sum var hin 1. mars í 2010, var annar handilin í SMS og hin niðri í Niels Finsens­gøtu. Síðan 2010 hevur Skilling Optik bara havt snotiliga og inn­bjóðandi handilin í SMS, og sum árini eru gingin, hava tey slept søluni av urum, smúkk­um og øðrum, sum tey áður høvdu. - Tað vísti seg, at optikara­ upp­gávurnar gjørdust fleiri og fleiri, og skuldu vit kun­na veita eina holla tæn­astu á hes­um øki, máttu vit legg­ ja okk­um eftir optikara­ tænastu­n­um burtur av, siga Heidi Arge Poulsen og Dag­ finn Arge. Dagfinn Arge gjørdi annars sítt sveinastykkið sum urmakari í Danmark í 1967, men so hvørt, sum optikara­ uppgávurnar vuksu, hevur hann tikið nógv skeið í optikki og nýtslu av linsu, og hann er eisini góðkendur optikari. Heidi gjørdist útbúgvin optik­ari í 1984, og hon tók sína útbúgving í Danmark. Ein stórur dagur Nú henda familjufyritøka, sum Skilling Optik er, hevur heili 95 ár á baki, ætla tey bæði ikki, at dagur skal fara aftur við uttan eina móttøku. - Vit bjóða til móttøku í handlinum í SMS fríggja­ dag­in 23. februar, sum er fríggja­dagin komandi, har øll eru hjarta­liga vælkomin inn á gólv­ið til kaffi, kransakøku, sider og ballónir í tímunum frá klokkan 12 til 17. Heidi Arge Poulsen og Dag­finn Arge siga, at øll, sum koma inn á gólvið henda dagin og ta næstu vikuna, verða við í einum lutakasti um tríggjar vinningar. - Vit hava gjørt tað so­leið­ is, at fyrsti vinningur verður eitt gávukort á 5.000 krónur, og síðan verða tveir vinn­ ingar aftrat, sum eru gávu­ kort á 1500 krónur hvør. Drig­ið verður millum øll tey vitjandi í nevnda tíðarskeiði hin 2. mars, siga tey, Skilling-navnið Tað er ikki heilt greitt, hvør søgan er aftan fyri, at Andreas A. Arge varð róptur Skill­ing. Pápabeiggi hansara hevði í gamlari tíð ursmiðu í Bringsnagøtu, og tað var hesa smiðju, ið Skilling yvirtók í 1923, soleiðis sum vit nevndu í byrjanini, tá hann fór í holt við sítt virksemi. Í ursmiðjuni umvældi Skilling ur og klokkur, og hann hevði eftirlit við eitt nú kumpassum, kronometrum, sekstantum og øðrum navigatiónstólum til skip. Almenna navnið á fyritøkuni upp gjøgnum árini var Andreas A. Arge, men tá vanliga navnið, sum fólk róptu, tá tey nevndu fyritøkuna, var Skilling, fór hann eisini at brúka Skilling- navnið alment longu í 1950. Skilling Optik er eitt gott vørumerki og tey bæði, sum reka familjufyritøkuna í dag, Heidi Arge Poulsen og Dagfinn Arge, leggja stóran dent á at veita eina góða og holla tænastu. Skilling Optik hevur 95 ár á baki sum familjufyritøka - Vit bjóða til móttøku í handlinum í SMS fríggjadagin 23. februar, har øll eru hjartaliga vælkomin til kaffi, kransakøku, sider og ballónir, siga Heidi Arge Poulsen og Dagfinn Arge Heidi Arge Poulsen og Dagfinn Arge saman við nøkrum av sínum starvsfólkum í Skilling Optik í SMS Mynd: Álvur Haraldsen Gamlar myndir frá tíðini hjá Andreasi A. Arge (Skilling)