týsdagur 27. februar 2018síða 14

Mikudagur 28. februar 2018 · Nr. 25 14 Sosialurin Hugskot og viðmerkingar – send sms til 225000 SlipGrip ringurin vinnari av íverksetarakapping Tær tríggjar av Skúlatrøð í Klaksvík vístu á trupulleikan, tá skeiðin ella sleivin dettur niður í grýtuna ella fatið. Fyri at loysa henda trupulleika hava tær framleitt ein lítlan ring úr bleytum tilfari, sum tær kalla SlipGrip. Ringurin kann setast á allar skeiðir og kann lættliga takast av aftur Vilmund Jacobsen Tað gjørdist ein bólkur av Skúlatrøð í Klaksvík, sum seinasta fríggjadag vann ársins íverksetarakapping mill­um fólkaskúlanæmingar. Tey vunnu kappingina við einari nýggj­ ari og slóðbrótandi vøru til køkin. Kappingin millum fólkaskúla­ næm­ingarnar fór fram í fultsettum sali í Salt á Drelnesi, og tað vóru virkisfúsir næmingar, sum løgdu fram sínar virkisætlanir. Hetta var sjálv finalan og enda­ bresturin millum skúlarnar, sum hava arbeitt við íverksetan síðan skúlaárið 2017/ 2018 byrjaði. Tilsamans sjey bólkar vóru í fin­aluni hesaferð. Øll hugskotini vóru á høgum støði, eins og dóms­ nevndin metti, at møguleiki var at fara víðari við fleiri av hug­skot­un­ um. Eftir at framløgurnar vóru lidn­ar, valdi dómsnevndin verk­ ætl­an­ina SlipGrip sum ta bestu og næmingarnir, sum stóðu aft­ an fyri hesa verkætlan, vóru 15 ára gomlu genturnar, Rakul Ró Steins­tórsdóttir, Natalia Joensen og Maria Biskopstø, umboðandi Skúla­trøð í Klaksvík. Tær tríggjar vístu á trupul­leik­ an, tá skeiðin ella sleivin dett­ur niður í grýtuna - ella, tá skeið­in eitt nú dettur niður í fatið á køku­ borð­inum. Tískil fara tær tríggjar undir at framleiða ein lítlan ring úr bleytum tilfari, sum tær kalla SlipGrip. Ringurin kann setast á allar skeiðir og kann lættliga takast av aftur. Dómsnevndin legði dent á, at hetta er ein vøra, sum lættliga kann framleiðast uttan stóran kostna, og at tær tríggjar gjølla hava kannað málbólkin og hava ment vøruna saman við kundunum. Tær tríggjar av Skúlatrøð høvdu eisini brúkt sítt netverk væl og høvdu eitt nú samstarvað við stjóran í Look North, Árna Skaale og stovnaran í Defined Energy, Hera Schwartz Jacobsen, í menn­ ing­ini av prototypuni. Vinningurin til vinnandi bólkin var umframt “gullfræið”, sum Ed­ ward Fuglø hevur sniðgivið, ein kekkur á 5.000 krónur, sum Betri hevur givið. Harumframt læt Føroya Tele eitt gávukort á 1000 krónur til hvønn næming í vinnara­ bólk­inum. Nummar tvey í kappingini gjørd­ist ein bólkur úr Vestmanna skúla við einari verkætlan um at fram­leiða føroyskt havsalt, serliga ætlað ferðafólkum. Á triðja plássi gjørdist ein verk­ ætlan, sum næmingar úr Tvøroyrar skúla hava gjørt og sum snýr seg um at endurnýta plast og framleiða vørur úr enduvunna tilfarinum. Tað var Varðin Pelagic, sum læt gávukekk á ávikavist 1500 og 1000 krónur til nummar tvey og trý. Í dómsnevndini sótu Jenny Lyd­ ersen úr Mentamálaráðnum, John Syderbø úr Føroya Tele, Dánial Hoydal úr Betri og Rannvá Troest, forkvinna í Íverksetarahúsinum. Sjey bólkar vóru í finaluni hesaferð. Dómsnevndin sigur, at øll hugskotini vóru á so høgum støði, at møguleiki er at fara víðari við fleiri av teimum Vinnandi bólkurin av Skúlatrøð í Klaksvík saman við landsstýriskvinnuni í mentamálum, Rigmor Dam ÍVERKSETARAKAPPING