týsdagur 27. mars 2018síða 4

Mikudagur 28. mars 2018 · Nr. 37 4 Sosialurin Hugskot og viðmerkingar – send sms til 225000 TÍÐINDI Árni Gregersen At nøkur almenn arbeiðs­ pláss verða flutt í Eystur­ oynna. Tað var ein partur av tí av­ talu, sum Kári P. Højgaard og Sjálvstýrisflokkurin gjørdu við samgonguna í sam­bandi við fíggjar­lóg­ina og nýggju pensjóns­skipan­ina. -Tað er klárt, at talan er um eina avtalu, sum vendir báð­ar vegir, sigur Kári P. Høj­ gaard. Men hann heldur ikki, at samgongan heldur ta av­ taluna, sum gjørd er. Tað sum fær tingmannin at reagera er, at stovnurin Gloym meg ei, sum hevur hidið til á Gøtu­brá í Norðagøtu, nú verður fluttur til ein bygning í Klaks­vík. 10 starvspláss flyta tí úr Eysturoynni til Klaksvíkar. -Hetta gongur beint ímóti tí, sum vit annars hava avtalað, sigur Kári P. Højgaard. Skrivar til løgmann Kári P. Højgaard hevur tikið málið í egnar hendur og hevur sent løgmanni skriv, har hann vil hava at vita, hvat løgmaður ætlar at gera við, at arbeiðspláss hvørva úr Eysturoynni, heldur enn at tey flyta til Eysturoynna. -Eg havi sagt við løgmann, at tann avtalan vit hava gjørt má ganga báðar vegir. Annars má eg av álvara um­ hugsa mína støðu í mun til av­talurnar, sum vit hava gjørt sigur Kári P. Højgaard. Aksel V. Johannesen, løg­ maður, váttar, at hann hevur fingið eitt skriv frá Kára P. Højgaard um málið. Hann ger tó greitt, at her er als ikki talan um nakra politiska avgerð. Talan er um eitt tilboð frá Almannaverkinum til fólk í Eysturoynni og Norð­oyggj­ um, so sjálv staðsetingin er ikki heilt avgerandi. Jóhan Christiansen, borgar­stjóri í Eystur kommu­ nu, sigur, at hetta tilboðið hevur verið í Gøtubrá, men at Eysturkommunan segði teim­um upp har fyri umleið tveim­um árum síðani. -Freistin er longd eina­ ferð, men tað er ikki eydnast teimum at finna hølir í Eystur­oynni, sum stovnurin kundi góðtaka, sigur Jóhan Christian­sen. Nú hevur stovnurin so funnið ein bygning í Klaks­vík, sum tey halda er hósk­andi og Klaksvíkar kom­mu­na hevur tikið væl ímóti at tey flyta til Klaks­vík­ar við virk­seminum. -Sjálvur havi eg ikki verið uppí málinum, men tá ið tað vísti seg, at vit hava ein bygn­ing til endamálið, so at­ kvøði eg sjalvandi fyri, sigur Jógvan Skorheim, borgar­ stjóri í Klaksvík. Tað sær út sum, at Sjálvstýri ikki heilt er samt í hesum málinum og Kári P. Højgaard dylur ikki fyri, at hetta er eitt mál, sum hann sjálvur hevur reist. -Eg má fyrihalda meg til ta avtalu sum eg havi gjørt og um hon verður hildin av hinum partinum, sigur hann. Jógvan Skorheim vil onki siga um málið, fyrr enn hann hevur tosað við Kára P. Høj­ gaard um málið. Løgmaður hevur heldur ikki gjørt nakað við málið enn. -Eg havi fingið stuttu boðini frá Kára P. Højgaard, men eg fái ikki gjørt nakað við málið fyrr enn eg havi tosað við tingmannin. Eg kann bara staðfesta, at vit hava hildið allar avtalur, sum vit hava gjørt við Sjálv­ stýri -flytingin úr Gøtu til Klaksvíkar er gjørd av teim­ um, sum dagliga arbeiða við stovni­num, sigur Aksel V. Johanne­sen. Kári P. Højgaard leggur aftu­r­at, at hann eisini bíðar eftir at fáa eina afturmelding frá løgmanni um málið, áðr­ enn hann tekur støðu til hvørjar avleiðingar hetta fer at fáa fyri samstarvið millum hann og samgonguna. KÁRI P. KREVUR AT FLEIRI ALMENN ARBEIÐSPLÁSS KOMA Í EYSTUROY Tingmaðurin fyri Sjálvstýri sigur, at talan er um eina avtalu við samgonguna, sum gongur báðar vegir Kári P. Højgard, Sjálvstýri, vil hava, at nøkur almenn arbeiðspláss verða flutt í Eysturoynna Løgmaður váttar, at hann hevur fingið eitt skriv frá Kára P. Højgaard, men hevur onki gjørt við tað enn Jóhan Christiansen, borgarstjóri í Eystur kommunu, sigur, at kommunan hevur sagt Gloym meg ei upp fyri tveimum árum síðani