týsdagur 6. mars 2018síða 8

Mikudagur 7. mars 2018 · Nr. 28 8 Sosialurin Hugskot og viðmerkingar – send sms til 225000 Vilmund Jacobsen Hotel Hafnia hevur fingið nýggjan stjóra, og maðurin er 32 ára gamli, Pætur Trónd Thomsen. Hann kem­ur úr einum starvi hjá Smyril Line sum sølu-og tænastuleiðari umborð á Norrönu, har hann hevur starvast síðan 2011. Nýggi maðurin, sum setti seg í stjórastólin á miðbýarhotellinum mánadagin í hesi vikuni, er út­búgv­ in tænastuøkonomur á Hotel- og Resturatiónsskúlanum í Keyp­ manna­havn. Tá hann hevði fingið hesa út­ búgv­ing í 2008, fór hann víðari til Ox­ford í Onglandi, har hann tók eina bachelor innan International Hospitality Manegement, sum eitt nú fevnir um leiðslu av hotelli, ráð­ stevn­um og tiltøkum. Liðugur í Oxford í 2009, fór Pætur Trónd Thomsen aftur til Keyp­mannahavnar at arbeiða við markn­aðarføring av tiltøkum og við barr-catering. - Tað eru nú seks ár síðan, at Svein­ur í Heiðunum, sum eitt nú er góðskuleiðari hjá Smyril Line, ringdi til mín og bjóðaði mær starv umborð á Norrönu, og her havi eg verið, síðan avbjóðingin sum hotel­ stjóri nú stóð mær í boði, sigur nýggi og fryntligi stjórin. Rívandi menning Pætur Trónd Thomsen er ógvuliga spentur upp á avbjóðingina at standa á odda fyri Hotel Hafnia, sum hann nú ynskir at vera við til at flyta enn longur fram á leið. - Síðan eg byrjaði her fyrst í vikuni, havi eg verið runt og havi heilsað upp á okkara dugnaligu og pro­fessionellu starvsfólk og mínar nýggju starvsfelagar. Hotel Hafnia hevur við sínum starvsfólkum og fyrr­verandi eigarum longu verið fyri einari rívandi menning. Her er fantastiska nógv gjørt seinnu árini, og framvegis eru ymiskar dag­før­ ingar í gongd, sum fara at gera um­ støð­urnar og upplivingina hjá okk­ ara vitjandi enn betri. Nýggi stjórin vísir á, at upp­gáv­ an hjá honum verður at gera Hotel Hafnia, sum liggur í hjartanum í høv­uðsstaðnum, til fyrsta val, bæði hjá føroyingum og útlendingum, sum vitja Føroyar. - Tað er uppgávan hjá mær sum stjóri og mínum starvsfeløgum at seta miðbýarhotellið á heimskortið sum fyrsta val í høvuðsstaðnum. Málið er at veita eina fram úr góða tæn­astu til øll vitjandi - antin tað er til ráðstevnur, fyrilestrar ella til at eta, drekka ella sova, sum hann tekur til. Nógvir møguleikar Pætur Trónd Thomsen vísir á, at Hotel Hafnia nú hevur út við 84 kømur, bæði tvímanskømur og einkultkømur, og haraftrat hev­ur hotellið tríggjar hugnaligar smátt­ ur í umhvørvinum á Reyni, sum eru til­knýtt­ar virkseminum. - Her eru tvey smá hús - ella smátt­ur - og síðan eini hús við fýra kømrum. Smátturnar kunnu leig­ ast út til fólk at búgva í fyri seg sjálvi mitt í gomlu Havnini, og tær kunnu eisini leigast út til smærri fund­ar­virksemi, tá tey, ið ynskja at samlast, veruliga vilja verða fyri seg sjálvi. Hann vísir á, at á Parnassinum og Panorama er pláss fyri nógvum fólkum, og har­aftrat eru onnur fundar­høli við plássi fyri umleið 12-30 fólkum. - Her verður nógv leigað út til ym­iskt fundarvirksemi og til tiltøk ann­ars, og hetta er ein partur, vit ætla at leggja enn størri dent á, bæði tá ræður um føroyingar og út­lend­ingar, ið vilja koma higar at halda fundir og ráðstevnur, sigur hann. Alt skal dagførast Nýggi stjórin á Hotel Hafnia sigur, at tey nýggju Nordic-kømrini, sum øll eru tvímanskømur, eru fleiri í tali. Hetta eru alt nýbygd og nútímans kømur við øllum hentleikum. - Men, Hotel Hafnia er eisini eitt søguligt hotel, og hetta vilja vit ikki goyma burtur, nú restin av kømr­ un­um fáa eitt andlitslyft og verða dagførd. Pætur Trónd Thomsen vísir á, at í løtuni stendur stillads uppi móti Áarvegnum. - Her fær matstovan nýggj og størri vindeygu, soleiðis at meira ljós sleppur inn, og samstundis verða eisini vindeygu í fleiri kømr­ um, sum venda út móti Áarvegnum, skift. Ætlanin er, at arbeiðið, sum nú verður gjørt, skal verða liðugt seinni í vár, tá summarvertíðin so smátt byrjar. Stjórin tekur aftur í aftur teir mongu møguleikar, sum Hotel Hafnia hevur at bjóða, og her nevn­ir hann eisini Kafé Kaspar og gomlu og hugnaligu hølini hjá Kathrinu Christiansen á Reyni, her nógv fólk leita sær, bæði til etandi og drekkandi. Spennandi avbjóðing Pætur Trónd Thomsen er ógvuliga spentur upp á nýggju avbjóðingina sum fremsti maður á Hotel Hafnia. - Hetta er ein fantastiskur møgu­ leiki og ein stór avbjóðing, sum eg havi fingið, og eg gleði meg til fram­ haldandi at vera partur av tí fyri­ tøku, eg havi arbeitt fyri síðan 2011. Nýggi stjórin sær nógvar møgu­ leikar við Hotel Hafnia, nú Smyril Line stendur sum eigari av hotell­ in­um. - Smyril Line ger eitt stórt markn­aðarføringsarbeiði, og eg iv­ ist onga løtu í, at hetta eisini fer at kasta av sær til hotellið og tað virk­ semi, sum eg nú komi at standa fyri her í miðbýnum. Hotel Skálavík er FERÐAVINNA HETTA ER EIN FAN SPENNANDI AVBJÓ - Eg gleði meg til framhaldandi at vera partur av tí fyritøku, eg havi arbeitt fyri síðan 2011. Smyril Line ger eitt stórt marknaðarføringsarbeiði, og eg ivist onga løtu í, at hetta eisini fer at kasta av sær til hotellið og tað virksemi, sum eg nú komi at standa fyri her í miðbýnum í Havn, sigur nýggi stjórin á Hotel Hafnia - Vit vilja stíla eftir at gerast mest eftirspurda hotellið í Føroyum, sigur ungi stjórin, sum hevur verið í starvi hjá Smyril Line síðan 2011 Mynd: Álvur Haraldsen Hotel Hafnia er eisini eitt søguligt hotel, og hetta vilja vit ikki goyma burtur, nú restin av kømrunum fáa eitt andlitslyft og verða dagførd Stóra avbjóðingin verður at fylla hotellið um veturin, tí um summarið stendur longu á at taka ímóti øllum, sum vilja gista