týsdagur 6. mars 2018síða 30

6 FÓTBÓLTUR 2018 FÓTBÓLTSBLAÐIÐ HJÁ MIÐLAHÚSINUM HANS JØRGEN DJURHUUS HETTA ER NAKAÐ HEILT ANNAÐ Veteranurin á Víkinga liðnum, Hans Jørgen Djurhuus, roynir seg í ár á fyrsta sinni sum leikandi hjálparvenjari hjá Víkingi. ANDRÉ OLSEN Stór útskifting hevur verið í Víkingi síðani seinasta kappingarár. Fleiri royndir leikarar eru farnir úr hópinum, og ístaðin fyri teir, eru tveir nýggir útlendingar komnir inn í hópin, umframt at nógvir ungir leikarar nú eru partur av besta liðnum hjá Víkingi. Harafturat hevur eisini útskifting verið á venjarasíðuni, tí Maurice Ross skal í ár venja Víking ístaðinfyri Sámal Erik Hentze, meðan Hans Jørgen Djurhuus, ið fyrr bert hevur verið spælari, verður nýggjur hjálparvenjari hjá Maurice Ross. FÆR ÁBYRGD SUM HJÁLPARVENJARI Hans Jørgen Djurhuus sigur, at tað er øðr­ vísi at møta upp til venjingar í ár saman­ borið við undanfarin ár, men at hann trívist væl í nýggja leiklutinum. -Higartil hevur mær dámt væl sum hjálparvenjari, men tað er nógv øðrvísi enn bert at spæla. Fyrr kundi eg møta upp til venjing, uttan at hava nakað at hugsa um. Tá ráddi tað bert um at gera sum venjarin segði, men soleiðis er ikki í ár. Nú brúki eg meira tíð uppá tað enn nakrantíð, har eg skal vera við til at fyrireika venjingar og vera tann sum gevur venjaranum ráð. Tí er tað eitt sindur øðrvísi, men mær hevur dámt tað ógvuliga væl. Eisini fái eg ábyrgd frá Maurice Ross í minsta lagi einaferð um vikuna, har eg sjálvur sleppi at avgera, hvat tað er, ið vit skulu venja. Og tað ábyrgdina dámar mær, sigur Hans Jørgen Djurhuus. TEIR UNGU BANKA UPPÁ Nógvir ungir leikarar hava í ár fingið møgu­ leikan á liðnum hjá Víkingi í venjing­ar­dyst­ unum, meðan ein einkultur nýggjur spansk­ ur leikari, eisini hevur spælt nógv. Afturat tí fer eisini nigerianski verjuleikarin, Rasheed Alabi, sum enn ikki hevur fingið loyvini uppá pláss, at vera við tá kappingarárið fer at byrja. Leikandi hjálparvenjarin, Hans Jørgen Djurhuus, heldur, at talan er um spennandi hóp hjá Víkingi. -Vit hava havt stóra útskifting í hópinum, tí vit hava mist 5 royndar spælarar og fingið tveir nýggjar útlendingar inn ístaðin. Umframt tað, royna vit at leggja stóran dent á, at spæla yngri leikarar inná liðið hjá okkum, so hópurin í ár er ikki líka rutin­er­ að­ur sum hann hevur verið, men eg haldi sjálvur at hann er meira spennandi og meira lokalur. Vit eru ógvuliga væl nøgdir við hópin inntil víðari, tí teir ungu hava gjørt tað væl allan uppstartin, og vísa, at teir av álvara banka uppá dyrnar til at fáa pláss á liðnum, sigur Hans Jørgen Djurhuus. MIST YVIR 1000 DYSTIR ÚR HÓPINUM Tó er leikandi hjálparvenjarin á Víkinga-liðn­ um varin, tá tosað verður um mál­setn­ing hjá Víkingi til kappingarárið. Hans Jørgen Djur­huus sigur, at um tað eydnast Víkinga liðnum at spæla seg til pláss sum gevur altjóða luttøku næsta ár, hevur talan verið um góðkent kappingarár hjá Víkingi. -Eg haldi at tað skal takast við, at har kanska eru farnir yvir 1000 dystir úr hóp­ in­um hjá okkum, og fáir eru komnir inn ístaðin. Í uppstartinum hevur helvtin av leikarunum hjá okkum verið leikarar undir 21 ár, so vit arbeiða fyrst og fremst við at byggja upp ein nýggjan hóp, sum um nøkur ár skal vera okkara nýggi bulur. Men tann hópurin verður fyrstu árini bygdur rundanum bulin á liðnum, ið hevur spælt saman í nógv ár við nøkrum eldri leikarum. Málsetningurin er at enda millum tey fýra ovastu liðini, og at tryggja okkum altjóða luttøku næsta kappingarár. Eydnast tað, hevur talan verið um gott kappingarár hjá okkum, sigur Hans Jørgen Djurhuus. ÆTLAR AT VERA VENJARI Hans Jørgen sum í vetur er vorðin 39 ára gamal, veit ikki hvussu leingi hann fer at spæla fótbólt afturat. Tó veit hann, at hann ætlar at brúka royndirnar hjá sær sum hjálparvenjari til einaferð at kunna vera høvuðsvenjari í bestu deildini. -So leingi eg eri skaðafríur, og so leingi hugurin er góður, ætli eg mær at spæla. Tá man er so gamal, kann man ikki hugsa langsiktað í fótbólti, tí tað kann vera so skjótt, at tað ikki ber til longur. Tó hugsi eg eitt sindur um framtíðina, og tað er tí at eg eri hjálparvenjari afturat at spæla í ár. Tað eri eg, tí at eg ætli mær at kunna vera høvuðsvenjari einaferð í framtíðini, sigur Hans Jørgen Djurhuus. LYKLASPÆLARIN Sølvi Vatnhamar Ársins leikari seinastu tvey árini er avgjørdi lyklaspælarin á liðnum hjá Víkingi, sum hevur mist fleiri royndar leikarar frá í fjør. Landsliðsleikarin er krumtappur í øllum tí offensiva hjá Víkingi, har hann bæði skorar nógv mál og leggur upp til mál. GJØGNUMBROTIÐ Elias Lervig Ungi leikarin, sum í fjør var millum lyklaleikararnar á næstbesta liðnum hjá Víkingi, sær í ár út til at fáa sítt gjøgnumbrot á besta liðnum. Higartil hevur kviki vongspælarin spælt fast allar venjingardystirnar í ár, har hann eisini hevur gjørt tað væl. VENJARIN Maurice Ross Karismatiski skotski venjarin er í ár venjari hjá FM vinnarunum í Víkingi, og hann ætlar at seta sítt fingramerki á í felagnum. Millum annað hevur Víkingur broytt spælistíl í mun til seinastu árini, har teir nú spæla við trimum í verjuni. Eisini er ætlanin hjá Maurice Ross at spæla yngri leikarar inn á liðið. MÁLIÐ Altjóða luttøka Víkingur fer í ár at teljast ímillum oddaliðini av føroysku kappingini. Men tað tykist vera óhugsandi, at felagið fer at endurvinna FM- heitið triðja árið á rað, av tí at nakað av frágongd hevur verið í hópinum hjá Víkingi. Tí verður stóra málið hjá Víkingi at tryggja sær altjóða luttøku. Tá man er so gamal, kann man ikki hugsa langsiktað í fótbólti, tí tað kann vera so skjótt, at tað ikki ber til longur