týsdagur 6. mars 2018síða 34

10 FÓTBÓLTUR 2018 FÓTBÓLTSBLAÐIÐ HJÁ MIÐLAHÚSINUM LYKLASPÆLARIN Semir Hadzibulic 31 ára gamli serbiski miðvallarin hevur nógv at siga fyri KÍ-liðið, har hann nú eisini hevur fingið ein lyklaleikut uttanfyri vøllin við teimum nógvu útlendingunum. Á vøllinum fyllir hann nógv, er rótin til uppspølini og er ikki bangin fyri at ganga á odda. GJØGNUMBROTIÐ Jákup B. Andreasen Fekk longu sum 17 ára gamal sítt fyrsta gjøgnumbrot á liðnum, men tann nú 19 ára gamli miðvallarin, sum er úr góðum bergi brotin, fekk í fjør enn størri leiklut og spældi metnógvar minuttir í Effodeildini (2076). Er frammarliga í mun til aldurin, er í rívandi menning og spælir fast. VENJARIN Mikkjal Thomassen Fer nú undir fjórða kappingarárið saman við KÍ, og langtíðarætlanin við at gera KÍ til eitt topplið sær út til at eydnast. Hann er kontantur, hevur greiðar tilgongdir og ætlanir, og hetta streymar eisini væl ígjøgnum liðið, har leikarar kenna sínar uppgávur og eru væl skúlaðir til lagda taktikkin. MÁLIÐ FM Málið siga teir vera at bíta seg fast sum eitt topplið, men flest øll onnur munnu halda, at við liðnum, sum teir hava, má tað vera minstakrav. Liðið er nevniliga framvegis gott, og eftir silvur í tvey ár á rað man málið innast inni vera at loksins aftur vinna føroyameistaraheitið. Tað er ikki órealistiskt. Um tað verður til meiri í ár, tað dugi eg ikki at svara, men eg ætli mær í hvussu so er at arbeiða hart fyri at fáa so nógv mál sum eg kann PÁLL A. KLETTSKARÐ VILJA VERÐA VERANDI TOPPLIÐ - Vit hava eina ætlan um at KÍ aftur skal gerast eitt topplið í føroyskum fótbólti, og tað er tað sum vit arbeiða fram ímóti, sigur KÍ-áleyparin, Páll A. Klettskarð, sum í fjør ikki var heilt uppi á máltindinum, men nú aftur ætlar sær at skjóta nógv mál. PÆTUR ALBINUS Stigatalvan lýgur ikki, verður sagt, og í fjør endaði KÍ á einum jøvnum fyrsta plássi við Víkingi, sum tó fór avstað við meistaraheitinum vegna betri málmun. Eftir eina oyðimarkargongd uttan evropeiskan fótbólt, so hevur KÍ seinastu tvey árini vunnið silvur í landskappingini og hevur ment seg til at vera eitt, at síggja til, støðugt topplið. Keypiorkan hjá KÍ sigst vera stór, og verður hugt at leikaralistanum, so er tað helst einki at siga til, at KÍ spælir við har, ið tað er stuttligt at vera. Hetta er eisini ein av høvuðsmálsetningunum hjá felagnum – tað, at verða eitt støðugt topplið. Nakað av frágongd hevur verið í ár. Verjuskansin og liðskiparin, Jonas Flindt Rasmussen, er óivað størsti missurin, men nevndin í felagnum hevur ikki ligið á latu síðuni, tí ikki færri enn fýra útlendingar eru komnir inn ígjøgnum dyrnar. Av teimum eru tveir verjuleikarar. KÍ hevur áður við hepnari hond verið í útlondum eftir leikarum, og onkur av teimum, sum nú eru komnir til, hava verið í sama felagi sum ein av avgjørdu profilunum á KÍ-liðnum í løtuni, Semir Hadzibulic. UPPSTARTURIN Burtursæð frá at liðskiparin, Jonas Flindt Rasmussen, og 10-málsskjúttin frá í fjør, Albert Adu, eru farnir úr felagnum, so er bulurin á KÍ-liðnum í stóran mun hin sami. KÍ er somuleiðis einans eitt av trimum liðum í deildini, sum hevur sama venjara sum í fjør, og við Mikkjali Thomassen, sum nú hevur staðið á odda fyri liðnum í trý ár, er KÍ í holt við eina longri ætlan, ið sær út til at heysta fruktirnar frá hesum samstarvinum, ið varð sáað í 2015. Nýggi KÍ-liðformaðurin, málrevurin Páll A. Klettskarð, váttar eisini, at samanhaldið er eitt, ið sermerkir og styrkir KÍ-liðið. 27 ára gamli áleyparin er væl nøgdur við fyrireikingarnar til hetta kappingarárið. - Fyrireikingarnar hava gingið væl. Veðrið hevur verið so gott sum mann kann ynskja sær í uppstartinum, so tað hevur verið gjørligt at spælt bólt so at siga til hvørja venjing, sigur hann. Hann sigur víðari, at teir undan kapp­ ing­arárinum hava lagt serligan dent á tann fysiska og taktiska partin, og tað letur eisini til, at nýggju útlendingarnir eru falnir væl til á liðnum. - Útlendingarnir hava víst gott spæl og góðan hugburð, og teir trívast eisini væl, so tað er sera positivt, heldur Páll A. Klett­ skarð. Nýggju útlendingarnir í hópinum eru Ronni Møller-Iversen (Danmark), Deni Pavlovic (Serbia), Marko Dusak (Kroatia) og Boris Dosljak (Montenegro). TOPPLIÐ Fyrraárið skeyt KÍ greitt flest mál í táver­ andi Effodeildini (64) og hevði Páll A. Klett­ skarð sum toppskjútta við heili 21 málum, men í fjør gekk ikki eins væl við mál­skjút­ing­ ini hjá KÍ, sum skeyt 50 mál. Páll A. Klett­ skarð skeyt 11 av málunum, meðan Albert Adu, sum nú er farin av landinum, skeyt 10. Í mun til hvat Páll A. Klettskarð áður hevur framleitt av málum, so vóru tey 11 í fjør avgjørt í lægra endanum, men áleyparin vissar um, at hann fer at gera alt fyri at skjóta so nógv mál sum møguligt. - Eg royni altíð at forbetra meg. Um tað verður til meiri í ár, tað dugi eg ikki at svara, men eg ætli mær í hvussu so er at arbeiða hart fyri at fáa so nógv mál sum eg kann, sigur hann. Síðan 2013, tá ið KÍ endaði á einum 8. plássi, hevur liðið støðugt betrað um endastøðurnar í deildini, og er liðið altso seinastu tvey árini endað á næstfremsta plássi. Úr øllum ættum verður spátt, at KÍ verður við heilt frammi í oddinum aftur í ár, men álopsprofilurin fæst ikki til at siga, at FM er málið. - Tað, sum er týdningarmiklast, er, at vit áhaldandi stríðast fyri at gerast betri. Vit hava eina ætlan um at KÍ aftur skal gerast eitt topplið í føroyskum fótbólti, og tað er tað sum vit arbeiða fram ímóti, sigur Páll A. Klettskarð.