týsdagur 6. mars 2018síða 40

16 FÓTBÓLTUR 2018 FÓTBÓLTSBLAÐIÐ HJÁ MIÐLAHÚSINUM TAÐ FLÝTUR YVIR Í RUNAVÍK NES SÓKNAR ÍTRÓTTARFELAG Kappingin er so stór um plássini, at spælarar, ið inntil fyri stuttum hava verið kring landsliðið, sita á beinkinum Í øllum feløgum er dreymurin at vinna gull við spælarum, sum eru uppvaksnir í felagn­ um. Soleiðis er tað eisini í Runavík, og í løt­uni kennist tað sum um, at teir í NSÍ hava góð kort á hondini. Eingin útlendskur spælari er í besta hóp­ inum – burtursæð frá Andras Gango sum hevur búð í Føroyum síðani 2006. Tølini siga, at 21 av teimum 25, sum eru í besta hópinum, eru uppaldir við Løkin, og tað legst støðugt aftrat. Undan hesum kappingarárinum eru fleiri lagstir aftrat, sum hava verið aðra staðni, men sum nú eru aftur í gulu troyggjuni. Her verður eitt nú hugsað um málverjan Tórð Thomsen, sum kappast við Símun Rógva Hansen, Andras Gango og Eli Joensen um plássið millum stólparnar. Ein annar gamal kenningur, sum nú er aftur við Løkin, er miðverjin Jóhan Troest Davidsen. Tað hevur verið roknað at vera strika í rokningini, at eingin upplagdur stýri­ maður hevur verið í miðverjuni. Nú eigur Jóhan Troest Davidsen ta uppgávuna. Aðrir miðverjar eru veteranarnir Jens Joensen og Per Langgaard. Í hvussu so er tríggir miðvallarar – Karl Løkin, Pól Jóhannus Justinussen og Fróði Benjaminsen - eiga nógvar royndir sum mið­verjar. Vongverjar eru Bárður J. Hansen, Einar Tróndargjógv og Pætur Hentze, sum ikki áður hevur verið á besta liðnum, men sum nú av álvara bankar á dyrnar. Á miðvøllinum er kappingin so stór, at tað ikki slepst undan, at spælarar, sum høvdu verið sjálvskrivaðir millum teir fyrstu ellivu á flestu liðunum, fara at sita á beink­ inum. Royndu menninir eru Karl Løkin, Pól Jóhannus Justinussen og Jann Martin Mort­ ensen. Í fjør vann Betuel Hansen fast pláss og aðrir ungir spælarar, ið nógv var at síggja til, eru Petur Knudsen og Jann Benjaminsen. Uppaftur aðrir, sum hava víst góð evni, eru Mórits Heini Mortensen, Andri Benjaminsen, Jannick M. Olsen og Aron Knudsen. Framrættað hava Árni Frederiksberg og Klæmint A. Olsen verið sjálvskrivaðir. Nú fáa teir kapping frá Øssuri Dalbúð, ið er aftur í barndómsfelagnum. Annar møgu­leiki er Hans Marius Davidsen. Sámal Erik Hentze er nýggjur venjari. Hann hevur áður vunnið FM við trimum feløg­um. Fróði Benjaminsen hevur verið stuðulsspælari hjá Bagga seinastu árini. Nú eru teir báðir við Løkin. Eingin ivi er um, at NSÍ telist millum favoritt­arnar. Í fjør endaðu teir gulu á fjórða plássi – fyri sættu ferð síðani fyrsta og higartil einasta FM heitið í 2007. NSÍ endaði á fjórða plássi í 2008, 2009, 2011, 2013, 2014 og aftur í 2017. Silvur í 2015 og bronsa í 2010 og 2016 vórðu vunnin av fleiri teirra, sum nú mynda liðið. Seks spælarar, sum nú aftur eru savn­ aðir við Løkin, áttu lut í FM heitinum í 2007: Jóhan Troest Davidsen og Einar Tróndargjógv vóru nítjan ára gamlir og áttu stóran leiklut á FM liðnum. Øssur Dalbúð og Jann Martin Mortensen vóru átjan ára gamlir tá, og báðir áttu sín lut saman við seytjan ára gamla Klæmint A. Olsen, sum var á vøllinum nakrar ferðir. Tórður Thom­ sen varð tvær ferðir skiftur inn í málið á FM liðnum. Nú eru tað royndir spælarar, sum sam­an við ungum og svongum monnum, ið fara at stríðast fyri at vinna FM. MEISTARI (1) 2007 STEYPAVINNARI (3) 1986, 2002, 2017 GREIPUVINNARI (0) Ongantíð Í BESTU DEILDINI (33 ÁR) 1976, 1979, 1984-1988, 1991-1992, 1994-1995, 1997- Í EUROPA (12) 2003, 2004, 2005, 2007, 2008, 2009, 2010, 2011, 2012, 2015, 2016, 2017 NSÍ STOVNAÐ 24. mars 1957 FORMAÐUR Dánial Hansen 1 V I T T I P P A HÓPURIN Mál 1 Símin Rógvi Hansen 25 Eli Joensen 31 Andras Gango 55 Tórður Thomsen Verja 2 Per Langgaard 4 Jens Joensen 5 Jóhan Troest Davidsen 12 Einar Tróndargjógv 15 Pætur Hentze 22 Bárður J. Hansen Miðja 6 Karl Løkin 7 Fróði Benjaminsen 11 Árni Frederiksberg 13 Pól Jóhannus Justinussen 14 Jann Martin Mortensen 16 Petur Knudsen 17 Jann Julin Benjaminsen 20 Mórits Heini Mortensen 21 Andri Julin Benjaminsen 23 Jannick Mathias Olsen 24 Betuel Hansen 27 Aron Knudsen Álop 9 Øssur Dalbúð 10 Klæmint A. Olsen 19 Hans Marius Davidsen Venjari Sámal Erik Hentze Hjálparvenjari Rúni Klein Joensen Tilgongd Jóhan Troest Davidsen, Øssur M. Dalbúð, Andras Gango, Fróði Benjaminsen, Tórður Thomsen Frágongd Haraldur R. Højgaard, Jan Ó. Ellingsgaard, Jonleif Højgaard