týsdagur 6. mars 2018síða 46

22 FÓTBÓLTUR 2018 FÓTBÓLTSBLAÐIÐ HJÁ MIÐLAHÚSINUM ALEKSANDAR STANKOV: SPÆLDI Á GØTUNI TIL EG VAR 11 ÁR Tað var ikki fyrr enn nábúgvin tók hann og tvíburan við til venjing, at Aleksandar Stankov fór at spæla skipaðan fótbólt. Hann droymir um at spæla yrkisfótbólt og ætlaði sær ongantíð til Føroya, fyrr enn HB vísti áhuga TRÓNDUR ARGE Aleksandar og tvíburin, Antonio Stankov, eru føddir í Makedonia í 1991. Fótbólturin verður spældur á gøtuni, har tvíburarnir hava nokk í sær sjálvum. Sum níggju ára gamlir flyta teir Hollands, tí pápin hevur arbeiði har. Eg hugsaði ongantíð um at blíva fót­ bólts­spælari, men nábúgvin, ið var javn­ gamal, helt fyri at vit skuldu koma við til fót­bólt. Babba gav okkum 10 evrur fyri hvørt málið vit skoraðu. Tað bleiv skjótt nógv, sigur Aleksandar Stankov og flennur. Hann er smart ílætin og tekur sær av sær sjálvum. Hann er eyðkendur við sínum nærmast skínandi gráa hári, ið hevur givið honum eyknevni “silvurrevurin”. Hann for­telur fegin um sína tíð sum ungur, og hvussu hann hevur møtt mótgangi í Viborg, áðrenn hann kom til HB – eitt felag hann ikki ætlaði sær til. YRKISSPÆLARI Í HOLLANDI Sum 16 ára gamal byrjar Aleksandar Stan­ kov at spæla á hægri stigi. Hann spælir millum annað U21 landsdyst móti Føroyum í 2012. - Eg hevði aldrin hoyrt um Føroyar áðrenn. Eg minnist at vit spældu 1-1 og tað var kalt, men flott, sigur Aleksandar Stankov. Tað endar við sáttmála við Roda JC. Í 2012, eftir ein drúgvan skaða, gongur leiðin til Danmarkar. Fyrst til Hobro og síðani til Viborg, har eitt skifti í leiðsluni kostar dýrt. -Eg spældi allar dystirnar áðrenn nýggj­ ur ítróttarstjóri og venjari komu til felagið, men tá slapp eg ikki upp í part, fortelur Aleksandar Stankov. Hann verður í fleiri førum útleigaður til AC Horsens, árðenn hann tíðliga í fjør verður avsettur í Viborg. -Eg fekk ein fyrispurning um at koma til Føroya, men tað ætlaði eg mær ikki, tí føroyskur fótbóltur er ikki yrkisfótbóltur. Tað er mítt mál at spæla fótbólt burturav, sigur makedonin á enskum. HB YVIRTALAR STANKOV Støðan hjá Aleksandar Stankov er ikki góð í Viborg, og tí hevur hann alíkavæl hug at spæla nakrar mánaðir við HB. -Eg hevði onkur tilboð úr eitt nú Íslandi, men HB gjørdi skjótt av og fólkini vístu, at tey veruliga vildu hava meg. Tað gjørdi tað eisini lættari, tí eg havi spælt móti Martin Bergvold og veit um Daniel “Elly” Pedersen, sum tá koma til HB, sigur Aleksandar Stan­ kov. -Eg roknaði ikki við, at tað vóru so nógv fólk til dystir í Føroyum, men eg sakni eisini at spæla frammanfyri fleiri túsund áskoðarum, sum tá landsliðið hjá tykkum spælir. Onkuntíð er torført at seta seg upp til ein dyst, tá tað bara eru nakrar fáir áskoðarar, sigur Aleksandar Stankov, ið nevnir ólavsøkudystin móti KÍ sum eitt gott dømi um, hvussu nógv fólk kann møta upp. - Tá sat eg uttanfyri, tí pappírini vóru ikki upp á pláss. Tað var ringt, tí tað var móti KÍ á ólavsøku, sigur 27 ára gamli makedonin. FYRST OG FREMST TIL Í SUMMAR Hann velur orðini við umhugsni, men stendur við, at hann hevur eitt mál um at spæla yrkisfótbólt. Tað ætlaði hann eisini í vetur, men tilgongdin av Heimir Guðjónsson sum venjara, hevur gjørt mun. -Eg havi eitt mál um at spæla yrkis­fót­ bólt. Tað eru dystir, har eg hugsi at hetta er ikki tað. Har motivatiónin ikki er tann besta, men við nýggja venjaranum merkir tú, at felagið flytur seg rættan veg. Tað eru eisini dystir, har kvaliteturin er góður, sum móti KÍ, Víkingi, B36 og NSÍ, sigur Aleksandar Stankov. Hann heldur fyri, at hann fyribils hugsar fram til í summar, men vil gjarna hjálpa liðnum at røkka topp fýra. -Eftir venjingardystunum at døma, so haldi eg at vit hava ein kjans at bjóða av. Heimir Guðjónsson kann geva liðnum nakað av strukturi og vit kunnu blíva betri, sigur Aleksandar Stankov. Hann heldur eisini fyri, at stríðsandin í føroyskum fótbólti er góður, umframt at tað má verða sermerkt at spæla á lands­ liðnum, tá so nógvir áskoðarar møta upp – og tú kennir ein stóran part av teimum. -Føroyar er eitt fantastiskt stað og her eru nógv støð at vitja, men tá tú ikki ert herfrá ella hevur familju her, so verður ringt at velja Føroyar í longdini, tá málið er yrkisfótbóltur. Tað sigi eg við allari virðing fyri føroyskum fótbólti, tí her eru eisini spælarar, sum lættliga kundu spælt uttanlands, sigur Aleksandar Stankov at enda. Alexander Stankov verður mettur sum ein av bestu spælarunum í landinum, men higartil hava skaðar og vantandi pappírarbeiði verið ein avbjóðing. LYKLASPÆLARIN Aleksandar Stankov Aleksandar Stankov skoraði 0,63 mál per dyst í fjør. Tað er áleið tað sama, sum toppskjúttarnir í landinum klára. Trupulleikin hjá honum var bara talið av dystum. Hann hevði ein skaða at dragast við, men serliga pappírarbeiðið kom i vegin. Spælir hann allar dystirnar í ár, so er hann ein spælari, sum kann blíva ársins spælari. GJØGNUMBROTIÐ Adrian Justinussen Spældi nógv í fjør, men tú situr við kensluni at tað er ein spurningur um tíð, áðrenn framrættaði miðvallarin slær til. Hann er í løtuni góður til nøkur ting, men so hvørt sum hann mennist, so er líkt til at hann kann blíva ein lyklaspælari hjá HB. VENJARIN Heimir Guðjónsson Eftir 10 ár sum venjari hjá FH, sum ongantíð endaði uttanfyri topp 3 í tí tíðini, er hann at rokna sum ein fongur fyri HB. Hann er væl skipaður og krevur nógv av sínum spælarum. HB hevur leingi haft brúk fyri einum sterkum venjara – nú er hann er, men spurningurin er um úrslitini koma longu í ár. MÁLIÐ Evropa Tað er ongin ivi um, at HB hevur eitt mál um at røkka einum av teimum plássunum, sum geva pláss í Evropa komandi kappingarár. Topp fýra plagar at verða nokk, um ikki steypavinnarin er eitt sindur óvæntaður. -Føroyar er eitt fantastiskt stað og her eru nógv støð at vitja, men tá tú ikki ert herfrá ella hevur familju her, so verður ringt at velja Føroyar í longdini, tá málið er yrkisfótbóltur.