týsdagur 6. mars 2018síða 54

30 FÓTBÓLTUR 2018 FÓTBÓLTSBLAÐIÐ HJÁ MIÐLAHÚSINUM EB/STREYMUR 8 V I T T I P P A Veteranar eru aftur í EB/Streymi, sum í ár fer at spæla heimadystirnar í Hólmanum á Eiði har nýggur flottur leikvøllur er gjørdur Málið var síðsta kappingarár at varðveita plássið í bestu deildini. Tað eydnaðist væl og virðiliga. EB/Streymur endaði á sjeynda plássi, og liðið var ongantíð av álvara í vanda fyri at flyta niður, hóast tað í fleiri førum ikki gekk eftir vild. Eitt nú eydnaðist tað bara at vinna fulla úrtøku í fimm heimadystum. Í ár fer EB/Streymur at eiga heimavøll á Eiði. Síðani 2007 hevur heimavøllurin verið við Margáir, men nú verður roynt á nýggja vøllinum í Hólmanum á Eiði, har felagshús er bygt, og har kringumstøðurnar eru heilt serligar. Síðsta ferðin, at liðið hjá sundalags­monn­ um átti heimavøll á Eiði, er tiltikin. Tað var leygardagin 21. oktober í 2006. Talan var um síðsta umfar, og heimaliðið var á FM kós. Treytin fyri at fyrsta FM heitið skuldi koma til høldar var, at tað ikki endaði við tapi ímóti KÍ. Fyri tey í heimaleguni var talan um øgiligt vónbrot, tí tað endaði við 1-0 tapi, og so streyk HB avstað við FM heitinum. Síðstu árini hevur verið langt millum spæl­ararnar, sum vóru við í 2006, og sum vóru við gullárini, tá ið tað eydn­að­ist at vinna FM í 2008 og 2012 og steypa­kapp­ing­ ina í 2007, 2008, 2010 og 2011. Nú eru fleiri av veteranunum aftur í EB/ Streymi. Framrættaði Leif Niclasen hevur verið við alla tíðina. Nú fær hann Hans Paula Samuelsen og Arnbjørn Hansen, sum í fjør var nógv skaðadarvaður, aftrat sær. Teir hava báðir roynt seg í øðrum feløgum. Aðrir framrættaðir spælarar eru Tóki H. Johannesen og Høgni Hummeland, sum ikki enn hava roynt seg á besta liðnum, Ari Ó. Ellingsgaard, sum er komin úr Fuglafirði, og Pætur Petersen, sum eftir summarsteðgin í fjør flutti úr B36 og til EB/Streym, og vísti seg at vera góður fongur í Sundalagnum. Veteranurin Marni Djurhuus hevur eftir steðg funnið skógvarnar fram aftur. Hann er sentralur miðvallari saman við lið­for­ mann­inum Rógva Egilstoft Nielsen og Arnari Dam. Aðrir sentralir miðvallarar eru Rói H. Olsen, sum í fjør vann sær alt størri leiklut, Fríði Kruse Johansen, Óli E. Magnussen og Jón­stein Magnussen. Gestur Bogason Dam er, eftir at hava verið í B36 síðani 2014, aftur í barndóms­ felagn­um. Við sínum royndum er hann kærkomin styrkur, sum kann gera góða nyttu bæði í verju og á miðvøllinum - verju­ kenda og framrættaða. Miðverjar eru Andras Olsen, Petur Zachariasen og Oddur Højgaard, sum er komin úr B68. Aðrir verjuspælarar eru Ári Kruse, Ragnar B. Danielsen og Jóhannes Hansen, sum er skaðadarvaður og neyvan verður við undan summarsteðginum. Trygvi Askham var í fjør drúgvur mál­ verji. Hann er farin úr felagnum, og nú eru tað Rói Zachariasen og Jákup Højgaard, ið kappast um plássið millum stólparnar. Heðin Askham er framvegis venjari, og nú er Sjúrður Jacobsen, sum í fjør var á liðnum, hjálparvenjari. Setningurin er at vinna seg longri fram á støðutalvuna enn í fjør og at leggja aftrat spælskipanini. Hon var, at EB/Streymur ofta var framrættað og hevði gott tak á bóltinum, og í øðrum førum varð meiri dentur lagdur á verjupartin og møgu­leikan fyri skjótum mótálopum. MEISTARI (2) 2008, 2012 STEYPAVINNARI (4) 2007, 2008, 2010, 2011 GREIPUVINNARI (1) 2008 Í BESTU DEILDINI (16 ÁR) 1994, 2001- Í EUROPA (7) 2007, 2008, 2009, 2010, 2011, 2012, 2013 EB/STREYMUR STOVNAÐ 23. januar 1993 FORMAÐUR Brian Hansen 10 V I T T I P P A HÓPURIN Mál 1 Rói Zachariasen 25 Jákup Højgaard Verja 4 Oddur Á Højgaard 12 Marni Djurhuus 13 Ragnar B. Danielsen 17 Petur Zachariasen 20 Jóhannes Hansen 26 Andras Olsen 29 Ári Kruse Miðja 6 Gestur Bogason Dam 7 Pætur Petersen 8 Rói Heðinsson Olsen 10 Ari Ó. Ellingsgaard 11 Hans Pauli Samuelsen 14 Rógvi Egilstoft Nielsen 19 Arnar Dam 21 Fríði Kruse Johansen 30 Óli E. Magnussen 23 Leif Niclasen 24 Jónstein Magnussen Álop 9 Tóki H. Johannesen 22 Arnbjørn T. Hansen 31 Høgni Hummeland Venjari Heðin Askham Hjálparvenjari Sjúrður Jacobsen Tilgongd Ari Ó. Ellingsgaard, Hans Pauli Samuelsen, Gestur Bogason Dam, Marni Djurhuus, Jákup Højgaard, Oddur Højgaard Frágongd Poul G. Olsen, Árni G. Olsen, Brian Olsen, Trygvi Askham, Tóki á Lofti, Sjúrður Jacobsen, Niklas T. Kruse NÓGV NÝTT OG GOTT GAMALT Í SUNDALAGNUM