týsdagur 13. mars 2018síða 8

Mikudagur 14. mars 2018 · Nr. 31 8 Sosialurin Hugskot og viðmerkingar – send sms til 225000 ØLL MUGU RINDA TIL VÆLFERÐINA Sjálvt um Hans Jákup Mikkelsen, stjóri mælir til, at øll skulu rinda skatt, so ber ikki til at broyta dupultskattaavtalurnar, sigur landsstýriskvinnan Árni Gregersen -Tað er so umráðandi, at vit liva í einum samfelag, har øll rinda skatt. Soleiðis segði Hans Jákup Mikk­ el­sen, stjóri í Marine Harvest, í Viku­skiftis Sosialinum. Hann segði hetta í sambandi við, at hann var raktur av heilbløðing í fjør, men júst tí vit búgva í einum væl­ferðarsamfelag, fekk hann skjóta og góða hjálp og er fysiskt við at vera komin fyri seg aftur. -Vit mugu øll vera við til at lyfta og gjalda, sigur hann og staðfestir, at ongin má sleppa at melda seg úr felagsskapinum. Í einari tíðargrein í sama blað vísir Hans Jákup Mikkelsen á, at fleiri føroyingar sigla úti undir ser­ligum skattaskipanum og tey gjalda ikki til vælferðarskipanina, sum vanligir føroyingar gera. Tað er eisini staðfest, at hesi ikki gjalda fullan skatt til føroyska felagskassan. Smábroytingar á veg Landsstýriskvinnan við fíggjar­ málum, Kristina Háfoss, Tjóðveldi, hevur lisið bæði tíðargreinina og samrøðuna við stjóran í Marine Harvest. Hon er sjálvandi vælvitandi um, hvussu skattaskipanin virkar og at tað eru nógvir føroyingar, sum virka undir serligum skipanum. -Hetta byggir í stóran mun á dupult­skattaavtalur, sum vit hava við onnur lond, sigur hon Ein skipan er millum norður­ lond, sum arbeitt verður við at broyta nú. Núgaldandi skipan hevur við sær, at tey sum arbeiða í øðrum norð­urlondum gjalda skattin har og tað er so tann skatturin, sum verð­ur goldin. Ætlanin er at skifta til eina aðra skipan – eina kredit-skipan. Hon ger, at tú skalt gjalda skatt í land­ inum tú arbeiðir í, men betalir tú minni har enn í Føroyum, so skalt tú gjalda restina í Føroyum. Tann mest vanliga skipanin er, at tey hava ein botnfrádrátt upp­ á 120.000 krónur og so gjalda tey 35 prosent av restini í skatti í Før­ oyum. Felagsskapurin Hans Jákup Mikkelsen greiðir í sam­røðuni við Sosialin og í tíðar­ greinini frá, at heilabløðingin lat eygu hanara upp fyri, hvussu tað er at vera ein av teimum veikastu í samfelagnum og onki kunna sjálv­ ur. Hetta ger sjálvandi, at tað er um­ráðandi, at øll gjalda skatt, tí pengarnir skulu brúkast til væl­ ferð­arsamfelagið. Eisini sigur hann, at tann løn, sum verður útgoldin og tann skatt­ urin, sum arbeiðsgevararnir gjalda, eru grundarlagið undir væl­ferð­ar­ skipanini. Tí er tað avgerandi, at so stór virðir sum møguligt verða skat. -Tað er hesum virðum, vit skulu liva av, skrivar Hans Jákup Mikk­ elsen. Hann ledggur afturat, at tað ikki bert er til sjúkrahús og heilsuverk vit gjalda, men vit gjalda eisini so onkur undirvísir børnum okkaraz og so onkur kann ansa teimum eldru. Hann nevnir, at tey, sum ikki gjalda fullan skatt í Føroyum, eisini eiga børn og ofta gomul foreldur. -Tey kunnu eisini enda í somu støðu, sum eg: sum ein av okkara veikastu, leggur hann afturat. Skipanin er galdandi, sum vit kenna hana, men ongi útlit eru fyri at hon verður broytt í bræði. -Nei, norðurlendska skipanin verður helst broytt, men restin verð­ur neyvan broytt nú, sig­ur lands­stýriskvinnan við fíggj­ar­mál­ um. Kristin Háfoss leggur afturat, at viðhvørt er tað gott fyri føroyska samfelagið, at føroyingar fara út í heim at arbeiða og tá eggja vit teimum til. Aðrar tíðir hava vit brúk fyri øllum í Føroyum, og tá vilja vit hava tey heim. -Men at broyta skattalógina í tíð og úrtíð, er neyvan skilagott, sigur Kristina Háfoss.0 POLITIKKUR