týsdagur 20. mars 2018síða 4

Mikudagur 21. mars 2018 · Nr. 34 4 Sosialurin Hugskot og viðmerkingar – send sms til 225000 Avtala um býarsavnið í Havn undirskrivað í næstum Mildrið Jacobsen mildrid@sosialurin.fo Tórshavnar kommuna hevur nú skrásett allar lutirnar í býar­savn­ in­um hjá Birgari Johannesen, og vænt­andi verður avtala um at kommunan yvirtekur býarsavnið undirskrivað í næstum. Sigurð Ó. Vang, sum er leiðari á mentamáladeildini hjá Tórshavnar kommunu, sigur, at talan er um fleiri enn túsund lutir, og at nú er komið á mál við skrásetingini. Hann sigur seg vænta, at ein avtala verð­ur gjørd beint eftir páskir við Birgar Johannesen, sum tók stig til savnið og hevur rikið tað. Síðani í fjør hevur Tórshavnar komm­una latið býarsavninum hjá Birgari Johannesen eitt ískoyti til leiguútreiðslurnar hjá býar­savn­ in­um. Tað leigumálið fer úr gildi í summar. Og nú avtala verður gjørd um at yvirtaka allar lutirnar í savninum, verður býarsavnið part­ ur av samlaða virkseminum hjá Tórs­havnar Býarsavni. Tórshavnar Býarsavn hevur ikki fast framvísingarhøli, sum er, men hes­um verður arbeitt við, sigur leiðarin á mentamáladeildini hjá Tórs­havnar kommunu. Hann vísir eitt nú á, at nógv høli hjá kommununi verða tøk um eitt ella tvey ár, tá Musikkskúlin og Skúl­in á Fløtum verða lidnir. – Okkurt av hesum hølum kann møguliga koma upp á tal til Tórs­ havnar Býarsavn, ella tøku høl­ini kunnu loysa upp fyri øðrum møgu­ leik­um, sigur Sigurð Ó. Vang. Tórshavnar Býarsavn hevur eitt goymsluhøli, og til eitt fast høli verður útvegað savninum, er ætlanin at hava eitt slag av flyti­ savni, har skipað verður fyri evnis­ fram­vísingum í ymiskum hølum hjá kommununi. Eitt møguligt høli til slíkar framvísingar er Aulan í Fin­sen og eisini Müllers Pakkhús. Sigurð Ó. Vang sigur, at okk­urt er í umbúna, og at ein slík evnis­ fram­vísing væntandi verður seinni í ár. Tórshavnar kommuna søkti í farnu viku eftir leiðara til Tórs­ havn­ar Býarsavn, sum form­liga hevur virkað síðani 1987. Býar­ savnið hevur eitt nú útgivið fimm bind av Havnar søgu, og tað sætta bindið verður klárt í vár. Tórs­ havnar býaratlas er eisini gjørt og er partur av arbeiðnum, sum kommunan hevur lagt í at varð­ veita jarðføst fornminni. Nú verður so farið til eitt meira út­ vent býarsavn, sigur leiðarin á menta­mála­deild­ini hjá Tórshavnar komm­unu. Orð og tónar: Tey ógáaðu skeiklini í gerandis­ degnum Í annaðkvøld, hóskvøldið, fara vit at fagna Sólrún Michelsen á Reinsarínum. Sólrún fór um tey 70 um dagarnar og hevur ongantíð verið virknari sum høvundur. Hon leggur nýtt stuttsøgusavn fram   tað kvøldið. Gerandisdagurin er á tremur við søgum, bara vit gáa um tær. Ofta er tað í tí vanliga, javna og stundum gráa, at fræið til eina góða søgu liggur. Sólrún er meistari í at leita fram hesi smáu skeikl og hesi ørsmáu avbrigdi, sum snara ta stóru søguna um sín ás. Søgurnar lýsa kvinnur í hesum ymsu gerandisligu sambondum við onkrum løgnum smámuni, ið elvir spenningar í sambondum millum menniskju. Kvøldið byrjar kl. 20 hóskvøldið. Á skránni verður prát, upplestur og framløga. Til hetta heilt serliga høvið fer kórið Glymur at syngja. Vit hittast í Reinsarínum hóskvøldið 22. mars kl. 20. Nevndin í Felagnum fyri kirkjuráðslimir skipað seg leygardagin hin 3. mars var árligi aðalafundurin í Felagnum fyri kirkjuráðslimir. Í ár varð aðalfundurin hildin í Gøtu kirkju, og sum vant fjórða hvørt ár var nevndarval á skránni.  Nývalda nevndin skipaði seg á fundi mánakvøldið 19. mars í Hoyv­ íkar kirkju: Dagbjørt Ólavsdóttir Hansen, forkv. í Gøtu kirkju – forkvinna Elsebeth V. Simonsen, forkvinna í Viðareiðis kirkju – varaforkvinna Katrin Højsted, forkvinna í Eiðis kirkju – skrivari Ingibjørn I. Eldevig, næstformaður í Fuglafjarðar kirkju Signheðin Davidsen, formaður í Hósvíkar kirkju Kathrina Lindenskov Holm, kirkjuráðslimur í Vesturkirkjuni Theodor Eli Dam Olsen, prestur Kassameistari er Marna Reyná, Jóhan Elkjær Hansen er bókhaldari og kassameistari fyri Kirkjutíðindi, og grannskoðari felagsins er Hanus Heinesen.  Endamál felagsins er m.a. at  savna føroyskar kirkju­ráðs­limir fyri at tala um felags mál í kirkju­ ar­beiðnum vera sam­ bind­ingarlið mill­um kirkju­ráðini og myndug­ leik­arnar. Eisini kann nevnast, at  felagið gev­ur út Kirkju­tíð­ indi, og fyrsta blaðið í ár er júst prentað og komið út. Í blaðnevndini sita Hansina Brekk­stein, Berg­tórur Hjelm Bjark­ ham­ar, Maria Jørðdal Nicl­asen, Tummas Laurid­sen og Theodor Eli Dam Olsen, blaðstjóri. Hava bryggjað í øl í 130 ár – Várið er í nánd og vit ganga ímóti ljósari tíðum. Páskabryggið 2018 er bryggjað og smakkað. Á Føroya Bjór siga tey seg hav gjørt nógv fyri at fáa tann besta smakkin og góðsku. – Páskabryggj 2018 er sett sam­an við bestu rávøru og hósk­ ar tað sera væl til føroyskan mat og til páskaborðið, siga tey. Í ár eru 130 ár síðani Símun í Vági av fyrsta sinni bryggjaði á Før­oya Bjór.