týsdagur 20. mars 2018síða 12

Mikudagur 21. mars 2018 · Nr. 34 12 Sosialurin Hugskot og viðmerkingar – send sms til 225000 NØVN Óli Kristian Jacobsen 50 ár á Føroya Tele 1. februar var hátíðarhald í sam­ bandi við, at Óla K. Jacobsen hevði 50 ára starvsdag á Føroya Tele, ella Telefonverk Føroya Løgtings, sum tað æt, tá hann byrjaði í starvi. Óli K. Jacobsen fekk handaða konga­ ligt heiðursmerki fyri trúgva tæn­ astu. Óli byrjaði 18. januar 1968, og stjórin leit aftur á tíðina við heilsan til Óla. Tann fyrsta uppgávan var at fyrireika og installera stóra veksl­ ara­skipan á Landssjúkrahúsið. Ein av teimum uppgávum, sum Óli nú í seinastuni hevur havt hevur verið er at taka gamla útgerð niður á Lands­sjúkrahúsinum. Og hettar lýsir í stóran mun tær uppgávur, sum hava gingið aftur øll árini. At seta útgerð upp sum klárar nýggj krøv, og taka gomlu útgerðina nið­ ur aftur. Í 1968 vóru tað bert automat­ støð­ir í Havn, Klaksvík og Runavík. Arbeiðið tey fyrstu nógvu árini hjá Óla varð at seta automatstøðir upp, so sjálvval fekst at virka kring alt landið. Tær fyrstu automatstøðinar vóru stórar mekaniskar maskinur, sum við tannhjulum og armum fingu telefonsamrøðurnar í lag, og støðin í Tórshavn varð av hesum slag heilt fram til 1980. Tað nýggja ættarliðið av auto­ matstøðum virkaði við rele. Tann fyrsta av hesum slag varð sett upp í Klaks­vík í 1972. Automatiseringin varð gjørd lið­ug í 1979, og uppgávurnar sum eftir hetta fyltu nógv varð at víðka kapasitetin á støðunum, tí tá bleiv meira vanligt at hava telefon, og talið av abbonentum vaks skjótt. Í 1986 verður aftur farið í gongd við eitt nýtt stig í útbyggingini av telefontænastuni við sokallaðu digital­iseringini. Tá bleiv aftur sett nýggj útgerð upp kring alt landið, og gamla útgerðin varð tik­ in niður. Hetta arbeiðið vardi heilt fram til 1998, tá nakrar av norð­astu bygdunum í Føroyum blivu digit­al­ is­eraðar. Síðst í nítiárunum vóru stórar broyt­ingar á fjarskiftisøkinum. Við liberalisering og nýggjari fjar­ skiftis­lóg bleiv tað møguligt hjá øðr­um feløgum at bjóða seg fram á øk­inum. Í 1998 broytti Telefon­ verkið navn til Føroya Tele, og tá var eisini farið undir at bjóða GSM fartelefoni. Tá sást eisini ein stór­ur tørvur í at fáa sambandið til Inter­ netið at koyra skjótari. Tá var inter­ net sambandið vanliga yvir telefon- mod­em. Í 1998 hevði Óli arbeitt í 30 ár á Telefonverkinum, og tað ber til at siga, at í hesum tíðarbilinum snúði arbeiði seg í størsta mun um út­ bygg­ing og dagføring av tele­fon­ tæn­astuni. Í ár 2000 varð fyrsta ADSL út­ gerðin sett upp, og árini eftir vaks upp­gávan at seta útgerð upp til breið­band kring alt landið. Arbeitt var áhaldandi við at fáa tænastuna út til øll pláss í land­in­ um, og í 2010 høvdu øll í Føroyum møgu­leika fyri at útvega sær breið­ band. Tey seinastu 20 árini hava so­ statt mest snúð seg um at byggja breið­bandið út, víðka um kapasitet og seta nýggj ættarlið av tøkni upp. Nú í ár hendir aftur eitt nýtt skifti í tøknini, har breiðbandið kem­ur at koyra á ljósleiðara. Tá fyrsta útgerðin av hesum slag varð sett upp í fjør, var tað Óli sum aftur var við. Óli hevur starvast á Støðar­ deild­ini mesta av sínum arbeiðslívi og hevur verið til arbeiðis í styttri og longri tíðarskeið á øllum oyggj­ unum í Føroyum, uttan lítlu Dímun. Av øðrum uppgávum sum hava verið gjøgnum árini kunnu nevnast upp­setan av útgerð í Hetlandi og Orkney i 2007 í sambandi við Shefa sjókaðalin. Eisini setti hann út­gerð upp á Cantat kaðalstøðini í Tjørnu­ vík í 1993 og í Farice kaðal­støð­ini í Funningsbotni í 2003. Vit vilja takka Óla fyri árini her á Telefonverkinum, Føroya Tele og FT Net. Vit kenna hann sum ver­andi ágrýtnan, motiveraðan og dugna­ligan í sínum arbeiði.