hósdagur 22. mars 2018síða 2

Í blaðnum... Tórshavn Tórsgøta 1, 100 Tórshavn tel. 341800, post@sosialurin.fo Suðuroy tel. 375364, tel. 228814, aki@sosialurin.fo, dagfinn@sosialurin.fo Haldarar, sum ikki hava fingið blaðið, kunnu ringja tel. 341818 frá kl. 8.00 til 20.00 og boða frá. Útgevari: Sp/f Sosialurin Uppseting: Sosialurin Avgreiðsla: mán - frí kl. 08.00 - 16.00 Tel. 341800 www.sosialurin.fo Ábyrgdarblaðstjóri: Eirikur Lindenskov eirikur@sosialurin.fo Blaðstjóri: Barbara Holm barbara@sosialurin.fo Fyritaksstjóri Jonhard Hammer jonhard@sosialurin.fo Marknaðardeild lysing@sosialurin.fo Stovnaður: 1927 Prent: Prentmiðstøðin Tað er einki at ivast í, at veljarar, sum á sein­asta løg­tingsvali valdu Javnaðarflokkin, kenna seg nipnar. Teir skammast av, at teir fyri fyrstu ferð aft­ur í 25 ár gjørdu Javnaðarflokkin til størsta flokk í Før­oyum. Teir skammast, tí teir hildu, at tað fór at gagna, at flokkurin var størstur og aftur kundi standa á odda sum stjórnarberandi flokkurin. Men eingin keta er sterkari, enn veikasta liðið. Tað vita øll. Men fyri at hava eina sterka ketu, so mást tú eisini hava sterk lið í ketuni. Ikki bara nøkur. Øll liðini í ketuni mugu vera líka sterk. Annars støkkur ketan. Flokkurin hevur seinastu árini sæð størri virði í at fáa fólk á listan, sum á onkr­an hátt kunnu skava atkvøður saman, heldur enn fólk sum meina politikk floksins í álv­ara. Á Tvøroyri hevði flokkurin mist valdið av innan­hýsis klandri. Har vóru komnir tveir javn­að­ar­flokkar, sum høvdu sum fremsta mál at gera hvør øðrum fortreð. So­leið­is vóru nøkur av javn­að­ar­fólk­u­num støðugt sett uttan fyri ávirkan – av øðrum »floks­fel­ øg­um«. So fann onkur upp á ráð, at um tey tóku borg­ar­stjóran, sum gekk fyri at vera tjóð­ veld­ismaður, og sum var valdur á felags lista­num hjá millum annað Tjóveldi og Fólka­flokki, á listan hjá Javnaðarflokkinum, so fór flokk­urin at fáa nógvar atkvøður. At tað er stokkutur hiti at taka »populer« fólk úr øðrum flokkum, er nú sjón fyri søgn. Løgmaður, landsstýri, løgting og øll tann politiska skipanin er gyrd í brøkur av nøkr­um »javnaðarfólkum« á Tvøroyri, sum klandr­ast og sum hava tikið alla ta politisku skip­anina sum gísla. Tað var eisini hildið at síggja pent út at hava sam­kynd valevni á listanum seinast. Nógv­ar atkvøður vóru helst at heinta úr LGBT umhvørvinum. Men har er var sama skilið. Ein persónur fylti meira enn ein politiskur felagsskapur. Ein persónur hevði størri týdning enn ein pol­itisk hugsjón hjá eini heilari rørslu. Javnaðarflokkurin hevur spælt fallit. Javn­að­ar­flokkurin má rudda upp. Um nakar skal taka Javnaðarflokkin fyri fult, so má rudd­ast upp í persónsgallarínum hjá flokkinum. Út við øllum egoistunum. Tað merkir kanska at flokkurin tódnar. Men sama ger, tí ein flokkur við slíkum høvuðkambum nyttar einki. Tað var helst ein erlig roynd hjá Aksel V. Jo­hanne­sen. Men svika­fulla manningini ger løgmann til láturs. Starvsmannafelagið og Kommunala Ar­beiðs­ geva­r­a­felagið, KAF, hava í dag undirskrivað nýggj­an tvey ára sáttmála fyri tey, sum arbeiða hjá komm­ununum, SEV og IRF. Sáttmálin er á sama stigi sum seinasta semja við Fíggjar­mál­ar­ áðið. Karmurin er tann sami, sum í sáttmálanum við Fíggjarmálaráðið fyri sama tíðarskeið. Eins og hjá landinum er lønarhækkingin í krónum, heldur enn prosentum. Sáttmálin er galdandi frá 1. oktober 2017 til 1. oktober 2019. Fyrra árið hækkar mánaðarlønin hjá øllum 633 krónur og 1. oktober í ár hækkar mánaðarlønin aftur 754 krónur. Í prosentum hækkar mánaðarlønin 2,3 % fyrr árið og 2,5 % tað seinna. Valdsgyrnd ger løgmann til láturs So fingu tey hjá kommununum eisin sáttmála Starvsmannafelagið Les eisini blaðið á telefonini Blóðfátækt á botnlinjuni Høgni Djurhuus baksíðan Ungmannafelagið Merkið: Neistin sum hvarv Siðsøga síða Oddagrein Eirikur Lindenskov ábyrgdarblaðstjóri Henrik Old slepti eini lítlari bumbu í Løg­ting­inum hósdagin, tá ið hann greiddi frá, hvussu hann ætlar at bora tunlar. Samgongan hevur ætlanir um at gera fleiri tunlar, og í hesum sambandi hevur Hen­rik Old havt tað sum eitt hjartamál at stovna eitt tunlatoymi undir Landsverki, sum skal gera tunlarnar til ymsar smábygdir. Løgtingslimir í samgonguni hava havt tað fat­an, at fyrsti tunnilin, hetta tunlasjakkið skuldi gera, var tunnilin til Dals, og síðani skuldi borast til Tjørnuvíkar. Men í Løgtinginum í dag boðaði Henrik Old frá, at hann hevur givið Landsverki boð um, at bora til Fámjins fyrst. Hann sigur at nú á páskum fara umboð til Landsverk til Nor­egs eftir boriútgerð, og síðani er ætlanin at seta á at bora til Fámjins. Hann sigur at ætl­anin er at fara undir arbeiðið í summar, og tá ið árið í ár er farið, skuldi tunnilin til Fám­j­ins verið komin hálva leið. Henrik Old sigur, at í Øravík er longu bæði verkstað og fólk, og tað er tað ikki í Húsa­vík og tí er tað nógv skjótari at sleppa framat at bora til Fámjins, sigur Lands­stýr­is­ maðurin. Byrja vit nú, er koyrandi ígjøgnum Fám­jins­tunnilin um tvey ár, ella í 2019. Jónleif Johannesen, løgtingsmaður fyri Javn­aðarflokkin, er sjónliga misnøgdur við av­gerðina hjá landsstýrismanninum, tí hann sig­ur, at tað er ikki hetta, Løgtingið hevur sam­tykt. Hann sigur, at tá ið fíggarlógin varð sam­tykt, stóð í henni, at fyrsti tunnilin, sum tunla­sjakkið skuldi gera, var tunnilin til Dals, og síðani skuldi tunnilin til Tjørnuvíkar gerast. – Tað er hetta vit hava samtykt, sigur Jón­ leif Johannesen. Eisini Hanna Jensen og Ruth Vang, løg­tings­kvinnur fyri Framsókn, undrast á fram­ferðina hjá Henrik Old. Ruth Vang sigur, at fíggj­ar­lógin er samtykt við teirri fortreyt, at tunn­ilin til Dals skuldi gerast fyrst, og so skuldi tunnilin til Tjørnuvíkar gerast. Og hon sigur somuleiðis, at raðfylgjan kann ikki bara broytast úr leysum lofti og tí vil hon fegin hava greiði á málinum. Eg haldi bara ikki at síðsta orðið er sagt í hesum máli, sigur Ruth Vang. Henrik Old sigur, at í Dali skulu friðingarmyndugleikarnir upp í og hann sigur rætt og slætt, at hann hevur ikki tol at bíða, til alt tað er avgreitt, tí tað fer kanska at taka alt hetta árið. Men hann sigur, at hann vil sleppa ígongd sum skjótast, tí hann hevur tol til at sita og bíða til næsta ár. Sostatt hevur hann givið Landsverki boð um um at fara undir at bora til Fámjins fyrst, og tað verður farið undir tað sum skjótast. Fara nú at bora tunnil til Fámjins 23. mars 2018