týsdagur 1. mai 2018síða 4

Mikudagur 2. mai 2018 · Nr. 49 4 Sosialurin Hugskot og viðmerkingar – send sms til 225000 Fara eisini at framleiða surimi Tað er ikki soleiðis, at surimiverkætlanin á Tvøroyri fór upp í royk saman við herviliga eldinum í fjør summar Vilmund Jacobsen Jákup Jacobsen, stjóri í Varðanum, sigur, at tá Varðin Pelagic á Tvøroyri hevur fingið høvuðsframleiðsluna, sum er makrelur, upp at koyra aft­ ur, verður farið at hyggja upp á surimi­verkætlanina. - Tað er ikki soleiðis, at surimi­ verk­ætlanin fór í eldinum á Tvør­ oyri. Nú vit byggja virkið upp aftur, verður pláss gjørt til surimivirkið innan karmarnar av nýggja virk­ in­um. Jákup Jacobsen vísir á, at áður varð virkið ætlað at verða í bygn­ ing­inum, har landing­ar­mið­støð­in á Tvøroyri var áður, men tann bygn­ ingurin varð rivin niður eftir elds­ brun­an. - Eg havi vónir um, at surimi­ virk­semið hjá Varðanum Pelagic so smátt kann byrja seint í heyst, tá skipini fara aftur á svartkjaftaveiði, helst í november ella desember. - Surimiverkætlanin er fram­veg­ is aktuell á Tvøroyri, leggur Jákup Jacob­sen aftrat. Varðin Pelagic fær nú ein betri virkisbygning - Vit hava valt ein byggihátt, sum er munandi tryggari enn tann, sum var áður. Hetta hevur verið eitt meira kompliserað arbeiði, men vit fáa eisini ein nógv betri bygning, sigur Bogi Jacobsen, stjóri í Varðanum Pelagic Vilmund Jacobsen Arbeiðið at byggja Varðan Pelagic á Tvøroyri gongur sína gongd, og fyrst í juni mánaði verður verk­ smiðj­an ætlandi royndarkoyrd - í fyrstu syfti við smáum nøgdum av fiski, helst svartkjafti. Tá so makrelvertíðin byrjar síðst í august, verður klárt at fara undir framleiðslu. Stór avbjóðing Tað verður eitt ár hin 9. juni í ár, síðan framleiðsluvirkið hjá Varð­ an­um Pelagic á Tvøroyri brendi í grund. Eftir herviliga eld­in, stóðu frysti­goymslan og skriv­stovu­bygn­ in­urin eftir. Bogi Jacobsen, stjóri í Varðanum Pelagic, heldur, at arbeiðið at byggja virkið upp aftur eftir umstøðunum hevur gingið væl, tí tað er ein stór avbjóðing at byggja eitt so stórt virki upp aftur á vetrardegi. Í fyrsta lagi er tað byggivirkið hjá feðgunum báðum, Thormanni og Mortan Thormanni Vang, Sp/f MTV-Byggivirki, sum hevur bygt 7.500 fermetra stóra virkið á Tvør­ oyri uppaftur. Men, í samlaðu verkætlanini eru nógvir ymiskir veitarar, bæði stórir og smáir. Bogi Jacobsen vísir á, at tá teir sóu, at virkið ikki fór at klára at taka ímóti fiski aftur longu fyrst í hesum árinum, valdi felagið nakrar øðr­vísi loysnir, sum hann eisini segði við KvF um vikuskiftið. - Hetta eru loysnir sum gera, at virkið er vorðið betri, men tær taka longri tíð at fremja. So, vit fáa eitt nógv betri virki nú, sum eisini kemur at framleiða ymiskar aðrar vør­ur, ið vit ikki hava framleitt áður. Stjórin vísir á, at ein byggiháttur er valdur, sum er munandi tryggari enn tann, sum var áður. - Vit hava brúkt ógvuliga nógv betong, og ein partur av bygning­ in­um er í trimum hæddum. Hetta hevur verið eitt meira kompliserað ar­beiði, sigur Bogi Jacobsen. Laga seg til lóggávu Nú nógvur svartkjaftur er landaður í Føroyum, samstundis sum kravið hjá Fiskimálaráðnum hevur verið, at allur fiskurin skal landast í Før­ oy­um, hava skip stundum eisini bíðað eftir landingartørni hjá Havs­ brún í Fuglafirði. Um dagarnar kom so Fiski­mála­ ráðið við einari fráboðan um, at landsstýrismaðurin, Høgni Hoy­ dal, tekur kravið aftur um, at all­ur svart­kjaftur skal landast um før­ oysk­an bryggjukant. Sambært uppskoti, sum er sent til hoyringar, verður kravið um land­ing í Føroyum tikið av fram til 14. juni í ár at rokna. - Fiskiskapurin eftir svartkjafti er nú í føroyskum sjógvi, so vænt­ ast kann, at túrarnir hjá skipunum verða stytri samanborið við túrar á longri farleið. Við góðum fiskiskapi fer hetta at leggja enn størri trýst á móttøkuna á landi, sigur lands­ stýris­maðurin. Tíð til tillaging Bogi Jacobsen vísir á, at tað fer at taka tíð hjá vinnuni at tillaga seg nýggju lóggávuna. - Tað fer helst at taka nøkur ár, áðrenn vinnan hevur tillagað seg til broyttu umstøðurnar, sigur hann. Stjórin á Varðanum Pelagic sig­ ur, at tað nyttar einki at biðja fiskin bíða, tí fiskast má, meðan fiskur er, og so er heldur neyðugt at finna loysnir, so tingini bera til. - Tað vil altíð vera soleiðis, at longri tú bíðar, verri verður góðsk­ an, og í síðsta enda gongur tað út yvir útflutningsvirði. Tað er altíð ein fyrimunur at royna at framleiða so skjótt og fekst sum til ber, leggur Bogi Jacobsen aftrat. Ætlanin hjá Varðanum Pelagic er at virka surimi úr svartkjafti - Ein byggiháttur er valdur, sum er munandi tryggari enn tann, sum var áður, sigur stjórin í Varðanum Pelagic Stjórin, Bogi Jacobsen, heldur, at arbeiðið at byggja nýggja virkið upp aftur eftir umstøðunum hevur gingið væl