týsdagur 1. mai 2018síða 10

Mikudagur 2. mai 2018 · Nr. 49 10 Sosialurin Hugskot og viðmerkingar – send sms til 225000 Bróta tøgnina í Saltsiloini Stuðulsgrunnurin hjá KRIS fer at hava konsert í Salt­ siloini á Tvør­oyri leygar­ kvøldið 12. mai kl. 19.00. Átakið »Tøgnin er brotin« fer at snúgva seg um, at tvær kvinn­ur siga frá um kynsliga ágang­in, tær hava upplivað í barna­ár­un­um. Onnur kvinnan greiðir frá um, tá hon varð misbrúkt av pápa sínum, meðan hin greiðir frá hvussu dóttir hennara varð mis­brúkt innan samkomuna. Eisini greiðir ein triðja kvinna frá, tá hon, sum barn varð mis­ brúkt av kvinnu og manni. Durita Tausen heldur fram sum forkvinna Krabbameinsfelagið hevur havt aðalfund Á skránni á aðalfundinum hjá Krabbameinsvelagnum var eis­ini nevndarval. Fyri vali stóðu Magn­ us Magnussen, Katrin Kals­berg og Jóhan Poulsen. Tey vóru aft­ urvald fyri eitt 2 ára skeið. Eisini var val av tiltakslimum, fyri valið stóðu Martin Joensen og Elmar Ósa, sum vórðu afturvaldir. Nevndin hevur skipað seg við Duritu Tausen, sum for­kvinnu, Sonju Nielsen sum næst­for­ kvinnu og kassameistara. Hini í nevnd­ini eru Magnus Magnus­ sen, Johan Poulsen og Katrin Kalls­berg. Tiltakslimir eru Mart­ in Joensen og Elmar Ósá. Finnleif Mortensen við málningaframsýning á Strondum Leygardagin 5. mai kl. 14.00 letur forkunnug málningaframsýning upp í bygdahúsinum á Strond­ um. Tað er Finnleif Mort­en­sen sum sýnir fram. Málninga­fram­ sýn­ingin hevur fingið heitið ”Tanka­strok”. Málningaframsýningin verð­ ur opin leygardagin 5. mai og sunnu­dagin 6. mai. Finnleif Mortensen er upp­ vaksin á Argjum. Hansara fyrsta framsýning var ólav­søku­fram­ sýningini í 1985, og síðani tá hevur hann havt nógvar fram­ sýn­ingar bæði í Føroyum og Dan­mark. Málningaframsýningin ”Tanka­ strok” samarbeiðir eisini við Tjóðpall Føroya, sum spæla leik­ in ”Mín fantastiska skils­missa” á Strondum leygardagin 5. mai kl. 18.00. Tey ið keypa atgongumerki til leikin, fáa møguleika at vitja framsýningina bæði áðrenn leik­ in og í steðginum. Framsýningin er opin soleiðis: Leygardagin 5. mai kl. 14.00-18.00 + í steðginum hjá ”Mín fant­ast­ iska skilsmissa”. Sunnudagin 6. mai kl. 14.00-18.00 Møguligt verður at keypa kaffi/ te við onkrum góðum afturvið ímeðan framsýningin er, sam­ skipa av StÍF. Helgi Joensen í Gamla Seglhúsinum í Klaksvík Helgi Joensen, sum nú fer at sýna fram í Gamla Seglhúsinum í Klaks­ vík, er listhandverkari, víða gitin fyri sítt sermerkta tinsmíð. Gjøgnum árini hevur hann leitað fram ymsar møguleikar og gjørt alskyns royndir við hesum ser­staka metali, fingið tinið at tala og gandað fram tær vakrastu vondir Í alskyns íløtum, skálum, stak­um og øðrum brúkslutum, relieffum og skulpturum – stund­ um samansettum av fleiri stak­lut­ um. Helgi hevur sýnt list sína fram í týðandi listaskálum víða hvar um lond. Helgi Joensen er føddur í 1932. Hann er sonur Óla Joensen úr Klaks­vík og Oliviu Joensen úr Mið­ vági. Helgi hevur eina systur, Dagmar, sum er gift og býr í Norra. Óli og Olivia bygdu sær hús á Ziskatrøð. Tey ovastu húsini á Prestvegi.Óli var skiparalærdur og førdi Fossa­ nes, sum fórst undir Íslandi í 1938. Olivia var fotografur og hevði atelier við hús. Eftir at hava mist mannin flutti Olivia við børnunum til for­eldur síni, sum tá stóðu fyri sjó­mans­ heim­inum í Havn. Hon arbeiddi sum fotografur í Gamla Bókhandli og hjápti til á sjó­ mans­heiminum. Soleiðis kom Helgi at búgva í Havn mestu tíðina undir krígnum. Mamm­an giftist uppaftur við einum norskum sjómanni, Julius,og tey fluttu øll til Norra eftir kríggið. Helgi er útbúgvin verkfrøðingur og arbeiddi fyrstu árini hjá Stav­ ang­erflint, sum ger steintoy. Mitt í 70unum gjørdi hann saman við ein­ um øðrum jólaplattar úr tini. Í 80unum byrjaði hann fyri seg sjálv­an og hevur gjøgnum árini havt framsýningar í fleiri stórbýum í Evropa og USA. Helgi hevði í mong ár verkstað og antikvitetshandil  í Sta­vanger. Nú hevur hann verkstað í Norðjútlandi. Í fjør var gjørt av, at Helgi skuldi koma til Klaksvíkar og vísa nøkur av verkum sínum fram í Gamla Seglhúsinum. Men seint á heysti móti vetri, mátti Helgi undir skurviðgerð, sum ikki tók seg væl upp. Tað var so álvarsligt, at hann misti fleiri førleikar. Seinastu mán­ að­irnir eru farnir við at venja rødd og limir. Vit kunnu bert fegnast um, at Helgi ikki settist aftur; men valdi at at taka leiðina heim á klettarnar. Framsýniningin letur upp fríggja­dagin 4. mai 2018 og hongur uppi fram til Norðoyastevnu. Fernisering verður kl. 16:00 og kemur Bárður Jákupsson at røða. Umframt lættari ábit og tón­ leik verður eisini møguligt at hitta listamannin sjálvan, siga fyri­reik­ar­ ar­nir, sum leggja afturat, at øll eru hjarta­liga vælkomin. Á myndini frá vinstru: Sonja Nielsen, Johan Poulsen, Katrin Kalssberg, Durita Tausen og Magnus Magnussen.