týsdagur 1. mai 2018síða 36

SOSIALURIN MAI 2018 4 k v i n n u b l a ð i ð ØÐRVÍSI MATUR Á GRILLINA TAÐ STENDUR IKKI Á HJÁ TEIMUM FLESTU AT GRILLA EITT NÚ BÚFFAR, PYLSUR OG FISK. MEN OFTA VERÐUR TAÐ SAMA GRILLAÐ Á HVØRJUM ÁRI, OG TAÐ KANN VERA TORFØRT AT FÁA HUGSKOT UM ØÐRVÍSI MAT, TÁ KYNT VERÐUR UPP Í GRILLINI. HER ERU NAKRAR UPPSKRIFTIR, SUM KUNNU GEVA NÝGGJAN ÍBLÁSTUR GRILLAÐAR NEYTALUNDIR Á SPJÓTI TILFAR: Seks grillspjót 700-800 gramm av neytalundum 2 hvítleyksfet 1 lítið basilikumtyssi 1 lítið estragontyssi 1 lítið tyssi av persillu við breiðum blaði 1 súpuskeið av dijonsinopi 1 súpuskeið av sherryediki 6 súpuskeiðir av olivinolju Neytalundir: Sker neytalundirnar í stórar bitar og set teir á eitt spjót. Kryddurtarlaki: Sker hvítleyksfetini og kryddurtirnar smátt. Rør hvítleyk og kryddurtir saman við dijonsinopi, ediki og olivinolju. Koyr kjøtspjótini í ein plastposa saman við kryddlakanum. Legg posan kalt, helst í eitt samdøgur. Vend posanum nakrar ferðir, so kryddlakin fer inn í kjøtið. Grilla spjótini á einari heitari í grill í tríggjar til fýra minuttir á hvørjari síðu. GRILLAÐ GRØNMETISSPJÓT TILFAR: Seks træspjót 100 gramm av soppum 3 stórar tomatir 1 skvassj 1 reyðleyk 2 piparfruktir Saft av einari hálvari lime 2 hvítleyksfet 4 súpuskeiðir av olivinolju 2 kvistar av rosmarinbløðum Salt Pipar Olivinolja Legg træspjótini í kalt vatn í ein hálvan tíma. Vaska og sker grønmetið í stórar bitar. Set grønmetisbitarnar á spjótið, til tað er fult. LAKI: Rør limesaft, hvítleyk, olivinolju, salt, pipar og rosmarin saman. Smyr lakan á grønmetisspjótini. Spjótini verða grillað í átta til tíggju minuttir. Ansa eftir, at grillin ikki er ov heit, og at grønmetið ikki verður svart ella brennist. GRILLAÐ MAIS TILFAR: 3-4 heilar mais 3 súpuskeiðir av olivinolju 1 dl av róma 1 tsk av rivnum ingeferi Fínmalið koriander Chiliflakar Oregano Paprika Fínmalið spísskumman Salt og pipar Smyr olivinolju á maisina. Maisin verður grillað í 10-12 minuttir, og hon skal vendast ofta. KRYDDSÓS: Rør róma saman við ingiferi, limasaft og koriander. Lat standa í 10 minuttir. Koyr rómablandingina oman á maisina og krydda við kili, oregano, paprika, spísskumman, salti og pipari. GRILLAÐ ANANAS OG MANGO VIÐ VANILJUÍSI OG VAFLUM TILFAR: 100 gramm av sukri 3 lime 1 lítið ananas 2 mangofruktir Vaniljuís VAFLUR: 250 gramm av hveitimjøli 3 súpuskeiðir av sukri 2 teskeiðir av bakipulvuri 1 knívsodd av salti 2 egg 3 ½ dl av mjólk 120 gramm av smeltaðum smøri FRUKT: Rív eina lime og pressa saftina úr henni. Blanda saft, limeskal og sukur. Flys ananasið og sker tað í tjúkkar flísar. Flys mangofruktirnar og sker tær í fýra stór stykki. Legg fruktirnar í limeblandingina í ein hálvan tíma. VAFLUR: Rør mjøl, sukur, bakipulvur og salt saman í einari skál. Píska eggini saman við mjólkini og koyr eitt sindur í mjølið ísenn, til deiggið er bleytt. Rør síðani smørið í. Baka vaflurnar í einum heitum vaflujarni. Sker tvær lime í helvt og grilla tær saman við mangofruktini og ananasstykkjunum. Grillaðu fruktirnar verða borðreiddar við heitum vaflum og vanlijuísi. Pressa saftina úr teimum grillaðu limefruktunum og koyr saftina á ananasstykkini og mangofruktina. HUGSKOT: GRILLAÐ GRØN ASPARGUS TILFAR: Aspargus Olivinolja Salt Pipar Sker aspargusendan av. Vend aspargusunum í olivinolju og grilla tey á einari heitari grill. Ansa eftir, at tey ikki verða grillað so leingi, at tey verða bleyt.