týsdagur 1. mai 2018síða 46

SOSIALURIN MAI 2018 14 k v i n n u b l a ð i ð BÍLIGASTU ÍSARNIR SMAKKA BEST - Eg meini tað, hann smakkar akkurár sum ísurin í Køkubúðini. Soleiðis plaga tey at taka til her í Havn, tá kramarhúsísurin er serliga góður. Men hvør kramarhúsísur í høvuðsstaðnum er tann besti? Úrvalið er stórt nokk. Tær fýra bensinstøðirnar og tær báðar Activ-kioskirnar selja ís mest sum allar sólarringin. Í miðbýnum er títtleikin á sølustøðunum stórur, Mylnan liggur ovast í gongugøtuni, Tórs cafe í Býarbókasavninum og Eta í Vágsbotni, og í SMS kanst tú keypa ís tvey støð, bæði í kioskini uttan fyri Miklagarð og í Burger King. Flaggdagin settu feðgarnir sær fyri, at vit skuldu finna út av, hvør ísur mundi vera tann besti í høvuðsstaðnum. Vit settu okkum tó skjótt fyri, at vit kundu ikki eta 11 ísar, so Magn á Frælsinum, Fast á Argjum og Kiosk Activ í Hornabø blivu soldaði frá. Harumframt var kioskin í SMS ikki opin, so hon fall eisini burtur. Nú eru sjálvandi nógv viðurskifti, sum spæla ein leiklut, tá ein slíkur kramarhúsísur verður gjørdur. Onkuntíð tykist tað mest sum tilvildarligt, hvussu stórur ísurin verður, hvussu flótandi hann er ella hvussu nógv drúss, tú fært. Tí verður ein slík kanning altíð eitt sindur tilvildarlig, men er tað ikki altíð soleiðis við slíkum kanningum? Alt í alt, so skal úrslitið sjálvandi takast við fyrivarni, sum ein løtumynd, og ikki sum ein ævigur sannleiki. Tað er sera ymiskt, hvussu nógv ymisku støðini leggja fyri í royndini at selja tær ís, umframt at tað er ein ávísur prísmunur. Í Mylnuni hava tey als ikki ísvaflur, í Fast eru bara trý sløg av drúss, meðan í Magn eru heili níggju sløg av drússi. Støddin á einum lítlum ísi er eisini ymisk. Í Mylnuni tekur tú ís sjálv, meðan í Eta hava tey bara eina stødd. Og hvør smakkar so júst sum tann í Køkubúðini? Eg veit satt at siga ikki, meg minnist meg ikki at hava etið ís úr køkubúðini nakrantíð – og ivist stórliga í, um nakar veruliga man minnast, júst hvussu hann smakkaði. Flaggdagin var tað so í øllum førum Kiosk Activ, sum hevði besta ísin. Framhald á síðu 16 MAGN Smakkur. Lítið av vaniljusmakki at hóma, men mjúkur og góður fastleiki. Stødd. Ein góð stødd. Ein kundi væl ímynda sær, at ein lítil ísur var minni enn hesin. Men tað bilar sjálvandi ikki. Tilhoyr. Framúr gott úrvæl av drússi til ísin, vel millum bleyta ella harða vaflu ella bikar. Prísur: 16 krónur + 5 krónur fyri drúss. Fyri 10 krónur eyka kanst tú keypa tær ein Magn ís, sum kanska er luksusútgávan. Fær rós fyri stórt úrval av drússi, men fimm krónur fyri drúss er ov nógv. EFFO Smakkur: Góður vaniljusmakkur. Fastur ísur, men kortini lættur at eta. Stødd. Sum á Magn, so var støddin góð. Eingin orsøk at føla seg snýttan. Tilhoyr. Lítið í at velja. Fýra sløg av drússi, men sjey sløg, um tú velur at fáa ísin í bikari. Annars kanst tú velja harða ella bleyta vaflu. Prísur. 15 krónur + 3 krónur fyri drúss. Góður ísur og góður prísur. ETA Smakkur: Góður vaniljusmakkur, men kanska ið so harður ísur. Stødd: Heilt nógvur ísur. Eta hevur bara eina stødd og er hetta kanska mest at líkna við stórar ísar aðrastaðni Tilhoyr: Her haltar Eta langt aftanfyri. Vel millum harða vaflu ella bikar og millum tvey sløg av drússi. Prísur: 17 krónur + 3 krónur fyri drúss. Nógvur ísur, men ov lítið úrval av tilhoyri. 6 STIG 8 STIG 6 STIG