mánadagur 7. mai 2018síða 20

Mánadagur 7. mai 2018 · Nr. 51 20 Sosialurin Hugskot og viðmerkingar – send sms til 225000 FÓTBÓLTUR FÓTBÓLTUR FÆR STÓRT ÁLIT Ein av B36-málskjúttunum hjá B36 var 19 ára gamli Hugin Samuelsen. Hann er eitt óskrivað blað í føroysku kappingini, og hetta var fyrsta mál hansara í Betrideildini. - Vónirnar at fáa eitt pláss á liðnum vóru kanska ikki so øgiliga høgar áðrenn kappingarárið, men nú havi eg so fingið møguleikan. Eg visti, at eg nokk einaferð skuldu fáa møguleikan einaferð í ár, og tað er bara at royna at taka av, sigur Hugin. B36 vann fimta sigurin á rað, tá ið teir í gjár vunnu 2-0 á útivølli ímóti einum NSÍ-liði, sum var uttan hugflog og stríðsanda. NSÍ-venjarin viðgongur, at teir eru í einari tungari løtu. - Vit mugu allir hyggja inneftir, sigur hann Pætur Albinus, Runavík Tveir av FM-biðlunum vóru bjóð­ aðir upp til dans, tá ið vøllurin við Løkin í Runavík í gjár legði graslíki undir dystin ímillum NSÍ og B36. Talan var um sera týðandi dyst. Bæði liðini lógu undan dystinum upp á lúr beint undir oddaliðunum, men fyri tapandi liðið kundi tað fáa tær fylgjur, at tað fyribils bleiv sett av í avgjørda oddastríðnum, meðan vinnarin fór at ota seg heilt upp at tindinum. B36, sum hevur týðandi leikarar so sum Jónas Tór Næs og Róald Jakob­sen á skaðalistanum, hevði ikki vunnið ein dyst við Løkin síðani 2014. NSÍ, sum enn ikki reiði­ liga hevur borðreitt við tí eyðkenda góða NSÍ-spælinum, hevur mangan víst seg at fella tá ið á stendur ímóti felags toppliðnum, so sigast má, at tað var stórt trýst á í báðum legunum. B36 omaná Tað var eitt fitt lot eftir vøllinum við Løkin, og í fyrra hálvleiki var tað NSÍ, sum spældi ímóti lotinum. Tað var ómetaliga lítið av glið á spæli­num hjá heimamonnunum, har kropsligu stríðsmenninir, Fróði Benja­minsen, Pól Jóhannus Justinus­sen og Karl Løkin, vóru stin­nir í luftspælinum, men tó ikki til nógva nyttu av tí at ungu B36-mið­vallararnir, Magnus Holm Jacob­sen og Erlendur Magnusson, vóru knappir og vunnu flestu av øðrum bóltunum, soleiðis at tað títtari var B36, ið kundi seta álop í gongd, og ikki NSÍ. Tað kom eisini dátt við hjá NSÍ, at liðformaðurin og toppskjúttin, Klæmint A. Olsen, mátti av vølli­ num eftir bara einum korteri, tí hann týðiliga hevði ógvuliga ilt í arminum eftir ein nærdyst við Bjarna Petersen og Magnus Holm Jacob­sen. Hetta tók luftina úr dystinum eina løtu, og tað er ikki óhugsandi, at tað ávirkaði NSÍ-ararnar at sígg­ ja liðformannin fara av vølli­num í slíkum standi. B36 var vandameira liðið. Eina­ ferð stóð stongin í vegin fyri havna­ monnunum, men beint fyri hálv­ leiks­bríkslið eydnaðist tað. Tað var Hugin Samuelsen, sum var fyrstur á einum bólti, sum NSÍ- mál­verjin, Tórður Thomsen, fór púra skeivur av. - Málverjin feilmetti bóltin og tað bleiv til eitt trunkaspæl. Eg fekk eina tá á bóltin, og umvegis ein verjuleikara fór bólturin í mál­ið, greiðir 19 ára gamli Hugin Samuelsen frá, sum tryggjaði B36 eina 1-0-hálvleiksleiðslu. Hugin er tvíburðabróður Gilla Samuel­sen, sum er leigaður út frá B36 til 07 Vestur, har hann hevur gjørt nógv um seg og eisini kom á máltalvuna í 2-1-tapinum hjá 07 Vesturi á Skála í gjár. - Ikki klárir Tað vóru einans fýra minuttir farnir av seinna hálvleiki, tá ið B36 aftur vann ein annanbólt á miðvøllinum og setti ferð á frameftir vøllinum. NSÍ-verjan var ikki í javnvág, og tann aftur væl upplagdi Meinhard E. Olsen sendi ein frálíkan bólt inn um til ein púra blankan Kaimar Saag – estlendingurin sveik ikki, og so var 2-0 til B36. Ein vildi hildið, at NSÍ nú fór at leggja trýst á B36-málið tann síðsta góða hálva tíman, men soleiðis var als ikki. Okkurt hendinga inn­ legg kom innfyri B36-málið, men NSÍ-trýstið var púra óskipað og til­vildarligt, og var B36 neyvari, so bleiv úrslitið meira enn 2-0 til gest­ ir­nar. - Vit royndu at broyta nøkur ting og at fáa tað eina málið, so vit kundu fáa lív í dystin aftur, men eg veit ikki, um vit vóru í nánd, segði ein týðiliga argur NSÍ-venjari, Sámal Erik Hentze, eftir dystin. - Tað er ov lætt at skora ímóti okk­um. Hetta er ein tung løta vit eru í, staðfesti hann. S á m a l Erik heldur, at NSÍ verða revsaðir hart fyri tíðina. Spurdur, um hann metir tað vera óhepni, ella um teir hava nakað at arbeiða við í verjupartinum, svarar hann: - Vit eru so ikki óhepnir. Vit eru bara ikki klárir. Tað er ikki nakað, sum eitur at vera óheppin í fótbólti. Tað man vera okkurt, sum onkur hevur uppfunnið. Annaðhvørt ert tú dugnaligur, ella ert tú ikki dugna­ligur, og í løtuni eru vit ikki dugna­ligir, sigur Sámal Erik, ið nú vil hava allar í leguni at taka sær um reiggj. - Tað er umráðandi, at vit allir hy g g j a inneftir. Tað er har tað er. Vit mugu avrika. Vit kunnu ikki bara snakka. Vit mugu vísa í verki hvat vit eru verdir, sigur Sámal Erik Hent­ze. Í B36-leguni er lagið øðrvísi gott, og ungi málskjúttin, Hugin Samuel­ sen, fegnast um, at sigrarnir eru fingnir í hús við eyðkendum stíli. Tað er tað góða samanspælið, sum B36 stendur fyri, ið hevur riggað ótrúliga væl í seinastuni, sigur hann og nevnir eisini hug­ burð­in sum eina orsøk til góðu gongd­ina. - Vit vilja vinna og koma 100% inn til hvønn dyst. Tað ætla vit at halda fast við og koyra á so leingi vit kunnu, sigur hann. albinus@sosialurin.fo Fótbóltur Dysturin hesa vikuna... B36 trumlar víðari: NSÍ DRAGNAR EFTIR LINLIGT AVRIK