týsdagur 22. mai 2018síða 20

Mikudagur 23. mai 2018 · Nr. 57 20 Sosialurin Hugskot og viðmerkingar – send sms til 225000 FÓTBÓLTUR Fyri fyrstu ferð síðani 2015, vann B36 mánadagin uppgerð í landskappingini móti Víkingi. Sigurin hjá B36 var sjeyndi sigurin á rað í Betri-deildini, meðan tvífaldu føroyameistararnir úr Víkingi fyribils tykjast avskrivaðir í FM-stríðnum hetta kappingarárið André Olsen Eftir seks kappingarár á rað við steypið í einum av stóru kapp­ ingunum – landskappingini og steypa­kappingini – er nú nógv, ið bendir á, at samanlagda felagið úr Gøtu og Leirvík, Víkingur, í ár skal venja seg til eitt kappingarár uttan steyp. Víkingur spældi mánadagin lykla­uppgerð móti B36 í Havn fyri at gera seg galdandi í oddastríðnum hetta kappingarárið, sum Víkingur tapti 2-1. Tí er Víkingur fyribils varpað fullkomiliga út úr FM-stríð­ num, og tá steypakappingin longu frammanundan er rokin, er stóra avbjóðingin hjá Víkingi í løtuni at enda millum fýra tey ovastu og at tryggja sær altjóða luttøku kom­ andi ár. B36 vann ferðmiklu og undir­ haldandi uppgerðina móti Víkingi 2-1, og tað var eisini í tráð við leikgongdina. Í fyrra hálvleiki var talan sum heild um eina javna upp­ gerð, men frá byrjan av í seinna hálv­leiki, setti B36 seg tungt á dyst­ in, og tá samanumkom var 2-1 sigur­ in hjá B36 helst tættari uppá at enda við einari størri leiðslu heldur enn at Víkingur kundi farið avstað við einum stigi úr Gundadali. Mínir leikarar hava keypt sær nossur Sermerkt við báðum málunum hjá B36 mánadagin var, at tey komu eftir støður aftaná hornaspørk. B36 venjarin, Jákup á Borg, viðurkendi eisini eftir dystin, at tað ikki er gerandis­kostur fyri hansara menn, at skora aftaná hornaspørk. Vit fáa í dag tvey mál uppá deyð­bóltar og tað er ikki vanligt. Leikar­arnir hjá okkum eru vaksnir ekstremt nógv sálarliga, og tað sæst, at fleiri av okkara monnum hava verið niðri í Miklagarði og keypt sær nossir. Leikararnir leggja alt fyri at vinna sínar nær­ dystir tá deyðbóltarnir koma, og tað lønar seg í dag. Felags fyri báðar málskjúttarnir er eisi­ni, at teir koma fram til fleiri aðr­ar vanda­miklar støður eftir deyð­bólt­ ar, segði B36 venjarin, Jákup á Borg, eftir dystin. Fyrsti B36 sigurin síðani 2015 Ímillum B36 og Víkingur er tað annars Víkingur, sum seinastu árini hevur havt takið í uppgerðunum millum feløgini, og undan dystinum mána­dagin, skuldu vit heilt aftur til august 2015 fyri at finna seinasta B36 sigurin móti Víkingi. Men mána­dagin bragdaði aftur hjá B36 móti Víkingi. Jákup á Borg fegnaðist eftir dystin um, at tað nú bar til at bróta óndu ringrásina hjá B36 móti Víkingi. Vit hava havt øgiliga stórar trupul­leikar av at spæla móti Vík­ ingi seinnu árini, og eg eri ekstremt glaður at vit í dag megna at vinna ímóti teimum. Víkingur er eitt klassa­lið, og allir leikararnir hjá teim­um hava øgiligar royndir. Tí kennist tað eyka gott í dag. Víking­ ur eigur tó rós fyri dystin í dag – teir stressa okkum nógv í fyrra hálv­leiki, og brúka øgiliga orku tá. Eg haldi kanska at teir brúktu so mikið nógvar kreftir í fyrra hálv­ leiki, at teir ikki megnaðu ordu­liga at liva upp til at stressa uppá sama máta í seinna hálvleiki, segði Jákup á Borg. Ross var ørkymlaður um deyðbóltarnar Skotski venjarin hjá Víkingi, Maurice Ross, var sum vera man eftir dystin skuffaður um tapið móti B36 í Havn. Serliga ilskaðist Maurice Ross um at hansara menn lótu tvey mál ígjøgnum uppá deyð­ bólts­støður. B36 hevði uppiborið at vinna. Tað er hart at hyggja eftir, men í dag vóru teir betri enn vit. Tó ørkymlar tað meg, at vit lata tvey mál inn uppá deyðbóltar við teimum roynd­ unum sum vit hava. Í báðum førun­ um sleppa B36 leikararnir lætt at skalla og í báðum førunum er talan um leikarar sum viga um 75 kilo. Tað er veikt av okkum, og gevur okkum nakað at arbeiða við, segði Maurice Ross eftir dystin. B36 hevði sigurin uppibornan Maurice Ross var sum heild reystur um tapið móti B36 mánadagin, og helt ikki at tapið var nakað at skammast av hjá Víkingi. Tó var Maurice Ross serstakliga ørkyml­ aður um, at Víkingur hevði tapt stig so nógvar aðrar dystir. Í dag vinnur B36 og eru betri enn vit – t a ð er fair. Men vit hava havt fleiri líkn­andi dystir, har vit hava verið betri enn mótstøðuliðini og ikki vunnið. Tað sum irriterar meg í dag er ikki at vit í dag tapa móti B36. Tað sum irriterar meg, er at vit ikki fáa stig móti HB seinast, at vit ikki vinna móti Suðringum á heimavølli og ikki vinna móti EB/Streymi á útivølli. Tað kundi givið okkum 9 stig afturat, og tað ør­kymlar meg, segði Maurice Ross eftir dystin. Sjeyndi sigurin á rað hjá B36 2-1 sigurin hjá B36 móti Víkingi ger, at góða gongdin hjá B36 heldur fram. Hóast B36 hevur verið hart rakt av skaðum í seinastuni, har lyklaleikarar sum Róaldur Jakob­ sen, Jónas Tór Næs og Eli Falkvard N i e l s e n allir hava sitið uttanfyri, var sigurin móti Víkingi mánadagin sjeyndi sigurin á rað hjá B36 í Betri-deildini. Skaðar til royndu leikararar hevur givið fleiri ungum leikarum størri ábyrgd á B36 liðnum, og ein av teimum sum av álvara er vaksin við ábyrgdini hetta kappingarárið er Erlendur Magnusson, sum mána­dagin endaði dystin sum match­vinnari móti Víkingi. Í løtuni er ilt at fáa eyga á, hvussu góða gongdin hjá B36 kann steðga, og tí er í løtuni nógv sum bendir á, at B36 fara at vera drúgvir í FM-stríðnum hetta kappingarárið, meðan tvífaldu føroya­meistararnir úr Víkingi fyri­ bils eru avskrivaðir í FM-stríðnum. andre@sosialurin.fo Fótbóltur Dysturin hesa vikuna... B36 VARPAÐI VÍKING ÚR FM STRÍÐNUM FILIP FEKK REYTT AFTANÁ DYSTIN Ein umstrídd støða hendi eftir dystarlok í Gundadali mánadagin. Tað var rundanum Víkinga leikaran, Filip Djordjevic, sum ikki var heilt nøgdur við dómaraavrikið. Støðan endaði við at Eiler Rasmussen vísti serbiska leikaranum gula kortið tvær ferðir og tí eisini reytt kort.