hósdagur 24. mai 2018síða 42

VINNUBLAÐIÐ HJÁ MIÐLAHÚSINUM 18 mai 2018 24 Vilmund Jacobsen Tað var ein serligur dagur hjá Fuglafjarðar havn í desember mánaði í fjør, tá uppsjóvarskipið hjá Framherja - Høgaberg - kom á Fuglafjørð sum skip nummar 1000. So mong skip hava ongantíð áður verið í Fuglafirði í eitt ár. Tí var 1000-talið eisini rópt “magiska” talið, sum Fuglafjarðar havn nú hevði rokkið. Tá árið 2017 var liðugt, kundi havnarmeistarin, Rólant Højsted, fegnast um, at skipatalið á Fuglafirði hetta árið tilsamans gjørdist 1051. Talið heldur stand Hyggja vit eftir, hvussu gingist hevur við skipatalinum fyrstu fýra mánaðirnar í ár í mun til somu mánaðir í fjør, sæst, at í ár hevur eitt skip meira verið á Fuglafirði. Rólant Højsted sigur, at skipatalið við endan av apríl í ár var 327 ímóti 326 somu tíð í fjør. - Men, vit síggja, at inntøkurnar higartil í ár eru størri enn í fjør, og vit siggja eisini, at skipini higartil í ár samanlagt hava verið 172.624 bruttotons størri enn somu tíð í fjør. Havnarmeistarin vísir á, at fram til endan av apríl í fjør høvdu 85 útlendsk skip verið á Fuglafirði, og somu tíð í ár var talið 112 - ella 27 útlendsk skip fleiri í ár. - Vit hava havt nøkur útlendsk skip, sum hava landað í Fuglafirði í ár, og vit hava ivaleyst eisini havt fleiri útlendskar bunkringar, sigur Rólant Højsted. Størri innflutningur Fyrstu fýra mánaðirnar í ár hevur innflutningurin um Fuglafjarðar havn verið tilsamans 248.400 tons, meðan útflutningurin hevur verið 142.400 tons. - Tølini fyri fyrstu fýra mánaðirnar í fjør vóru ávikavist ein innflutningur á 201.000 tons og útflutningur á 107.800 tons. Havnarmeistarin vísir á, at her er allur inn-og útflutningur, sum er farin um bryggjukantin í Fuglafirði í nevnda tíðarskeiði, íroknaður. Spurdur, hvørjar vórirnar eru fyri restina av hesum árinum, sigur Rólant Højsted, at tað altíð er trupult at meta um tað, sum framman fyri liggur. - Kvoturnar av makreli og sild eru minkaðar í ár, og haraftrat mugu vit rokna við, at nýggja virkið hjá Varðanum Pelagic verður við aftur, tá makrel-og sildavertíðin byrjar aftur í heyst, leggur hann aftrat. 20.000 tons til Pelagos Havnarmeistarin vísir á, at nógvur svartkjaftur er komin upp á land í ár, og haraftrat kom væl av makreli, sild og lodnu fyrr í ár. - Umframt tær nøgdir, sum Havsbrún hevur tikið imóti í ár, kunnu vit eisini fegnast um, at Pelagos hevur arbeitt væl av uppsjóvarfiski. Rólant Højsted sigur, at nøgdirnar, sum Pelagos hevur tikið ímóti higartil í ár, munnu liggja oman fyri 20.000 tons, og tá er serliga talan um makrel, sild og lodnu og eitt sløð av svartkjafti. Fuglafjarðar havn hevur havt størri inntøkur í ár - TAÐ ER ALTÍÐ TRUPULT AT META UM FRAMTÍÐINA, MEN EG HALDI, AT ÚTLITINI ERU GÓÐ, TÓ AT KVOTURNAR AV MAKRELI OG SILD ERU MINKAÐAR, OG VIT MUGU ROKNA VIÐ, AT NÝGGJA VIRKIÐ HJÁ VARÐANUM PELAGIC VERÐUR VIÐ AFTUR, TÁ MAKREL-OG SILDAVERTÍÐIN BYRJAR AFTUR Í HEYST, SIGUR RÓLANT HØJSTED, HAVNARMEISTARI Rólant Højsted, havnarmeistari, sigur, at inntøkurnar hjá Fuglafjarðar havn higartil í ár hava verið størri enn somu tíð í fjør Hóast Fuglafjarðar havn í fjør setti egið met við tilsamans 1051 skipum, so bendir alt á, at gongdin higartil í ár líkist gongdini í fjør