hósdagur 24. mai 2018síða 46

VINNUBLAÐIÐ HJÁ MIÐLAHÚSINUM 22 mai 2018 24 Árni Gregersen Har hevur verið lív í á Heygsstøð á Strondum, men hesi seinastu árini hevur ongin fram­ leiðsla verið á kryvjivirkinum. Bakkafrost hevur átt virkið, men framleiðsla hevur ikki verið har seinastu árini. Í vikuni boðaði Marine Harvest frá, at felagið hevur keypt virkið og eftir ætlan fer at kryvja laks har. Hans Jákup Mikkelsen sigur, at framleiðslan byrjar á Strondum einaferð eftir summar­frí­ tíðina. Marine Harvest hevur stórt alivirksemi í Før­ oyum, men í nógv ár hevur Bakkafrost tikið sær av at kryvja fiskin, sum Marine Harvest hevur tikið. Seinnu árini er hetta í stóran mun gjørt á virki­num hjá Bakkafrost í Kollavirði, men nú er av­tala gjørd millum feløgini um, at Bakkafrost selir kryvjivirkið á Strondum til Marine Harvest. 30 fólk fáa arbeiði Hans Jákup Mikkelsen, stjóri í Marine Harvest, sigur, at tey hava keypt virkið fyri betur at kunna avgera sjálvi, nær tey taka fisk, soleiðis at tað passar betur til marknaðin. -Tá ið vit eru tvær fyritøkur, sum arbeiða við tí sama, so er ofta neyðugt at vísa atlit móti hvørjum øðrum. Nú vit hava keypt virkið, eru tað vit sjálvi, sum avgera nær vit taka fiskin – alt eftir nær marknaðurin spyr eftir honum, sigur hann. Stjórin á Marine Harvest sigur, at hann rokn­ar við, at hetta fer at geva millum 30 og 35 fólkum arbeiði, tá ið farið verður undir fram­ leiðslu. -Framleiðslan byrjar einaferð eftir summarfrítíðina. Vit skulu gera onkrar broyt­ ing­ar á sjálvum virkinum áðrenn vit kunnu byrja og júst nú stendur summarfrítíðin fyri framm­an, sigur Hans Jákup Mikkelsen. Feløgini bæði hava gjørt avtalu um, at til virkið á Strondum er klárt at framleiða, fer Bakka­frost at kryvja fyri Marine Harvest sum higar­til. Stóran umsetning Marine Harvest hevur alt laks í Føroyum í rættu­liga nógv ár. Alingin gongur fyri seg í norðara enda í Sundalagnum umframt á Oyndar­firði. Fyritøkan hevur smoltstøð og høvuðs­sæti á Hellunum. Eins og hinar báðar alifyritøkurnar í Før­ oyum setir Marine Harvest eisini størri smolt út og tað seinasta tey settu út var á Sandvág, har nakrar royndir verða gjørdar í løtuni. Fiskurin sum er settur út er helst størsta smolt, sum er sett út. Hvørt smolt vigar meira enn eitt kilo. Herfyri var roknsakapurin fyri 2017 hjá felag­num almannakunngjørdur. Samlaða avlop­ið var um 140 milljónir krónur. Besta árið hjá felagnum higartil var annars í 2016, tá ið avlopið var meira enn 250 milljónir krónur. 40 fólk starvast sambært roknskapinum hjá fyritøkuni. Eginpeningurin hjá felagnum er eisini vaks­ in nógv hesi seinastu árini og er nú farin yvir 600 milljónir krónur. Lív aftur í kryvjivirkið á Heygsstøð á Strondum NÚ VERÐUR AFTUR ARBEIÐI Á KRYVJIVIRKINUM Á STRONDUM – MARINE HARVEST HEVUR KEYPT VIRKIÐ OG FER UNDIR FRAMLEIÐSLU Í HEYST Hans Jákup Mikkelsen er stjóri í Marine Harvest Smoltstøðin hjá Marine Harvest á Hellunum Ringarnir á Sandsvág eru ein roynd at vita um til ber at ala har