mánadagur 2. juli 2018síða 4

Mánadagur 2. juli 2018 · Nr. 74 4 Sosialurin Hugskot og viðmerkingar – send sms til 225000 - At man nú er farin at krevja gjald fyri at ganga í náttúruni, er tí man merkir, at fleiri fólk ganga úti í nátturuni og at tað er komið eitt ávíst slit upp á hagan. Men eg haldi tað eru fleiri føroyingar enn útlendingar, ið slíta hagarnar. Føroyingar eru farnir at ferðast øgiliga nógv í egnum landi, sigur Theresa Turidardóttir Kreutzmann, ið hevur drúgvar royndir úr ferðavinnuni. Hallur av Rana hallur@sosialurin.fo Aftaná at hava staðið á odda fyri Visit Tórshavn sjey tey seinastu árini takkar Theresa Turidardóttir Kreutzmann 1. august fyri seg sum oddakvinna fyri ferðavinnuna í høvuðsstaðnum. Tað er ikki at taka ov rívan til, um sagt verður, at hesi sjey árini hevur føroyskan ferðavinnan upplivað ein sterkan vøkstur á flest øllum økjum og tykist møguleikarnir innan vinnuna í hesum døgum ein­ ans at verða avmarkaðir av eins egna hugflogi. Men samstundis sum møguleikarnir veksa í tali, veks­ur eisini kjakið um, hvørji mørk eiga at setast. Javnan hoyr­ ast tíðindi ymsastaðni úr Evropa um býir og økir, ið eru um at drukna við ferðafólkum og av tí sama ynskja tey har piparið grør. Barce­lona, Venedig, Isle of Skye, Dubrov­nik, Lofoten, Mallorka og San Sebastian eru millum støð­ini, har tosað verður nú um, at trýstið av ferðafólkum er ov stórt. Eis­ini í grannalandi okkara fyri vest­an, Íslandi, verður tosað um, at ferða­ fólk eru blivin ov nógv av tí góða. Í kjakinum um føroysku ferða­ vinn­una verður eisini javnan víst til Íslands sum eina ávaring um hvat kann henda, um vit ikki á onkran hátt seta avmarkingar fyri ferðavinnuna. Theresa Turid­ar­dótt­ ir Kreutzmann telist tó ikki millum teirra, men metir tvørturímóti, at samanberingin við Ísland ikki heldur. - Vit eru ikki nær námind tí, ið vit megna at taka móti. Vit kunna taka móti nógv fleiri ferðafólkum. Tað er skeivt at tosa um íslendskar tilstandir í Føroyum. Vit eru bara ikki har enn. Tað eru nústani nú komið so mikið nógv ferðafólk, at man byrjar at merkja eina øk­ ing. Tað er fyrst nú, at fyritøkur og handlar byrja at merkja, at man kann fáa vinning burturúr ferðavinnuni, greiðir Theresa Turid­- ar­dóttir Kreutzmann frá. Theresa Turidardóttir Kreutz­ mann avvísir ikki, at tað eru nøkur støð í Føroyum, har tað eru nógv ferðafólk, men vísir samstundis á, at eitt ella tvey økir í landinum ikki eru umboðandi fyri alt landið. - Tað at man í onkrum økjum í landinum merkir, at tey hava rakt eina mark, merkir absolutt ikki, at tað er galdandi fyri alt landið, sigur Theresa Turidardóttir Kreutzmann. Mangla hagtøl Seinasta árið eru fleiri støð í Før­ oyum farin at krevja gjald frá út­ lend­ingum ella ferðabólkum. Í Lítlu Dímun hevur gjald verður tikið fyri at fara á oynna í fleiri ár, men kort­ini vakti tað ans, tá íbúgvar í Mykines í fjør settu líknandi skip­an í verk. Tað seinasta er, at hagastýrið í Nípuhaga boðaði frá, at eisini tey ætla at taka gjald frá fólki, sum ganga í haganum út til Bøss­dalafoss og Trælanípuna. Tað er ein gongd, ið Theresa Turidardóttir Kreutzmann skil­ir væl, men heldur at tað er sera um­ ráð­andi at vit finna ein góð­an leist fyri gjøld. Eitt nú er tað umráðandi at fáa hagtøl fyri hvussu nógv fólk ganga í haganum, sum kunnu vísa á hvussu stórt trýstið er á føroysku náttúruna. - At man nú er farin at krevja gjald fyri at ganga í náttúruni, er tí man merkir, at fleiri fólk ganga úti í nátturuni og at tað er komið eitt ávíst slit upp á hagan. Men eg haldi tað eru fleiri føroyingar enn útlendingar, ið slíta hagarnar. Før­ oy­ingar eru farnir at ferðast øgiliga nógv í egnum landi, sigur Theresa Turid­ardóttir Kreutzmann og legg­ ur afturat. - Føroyingar eru um alt landið. Tað er vorðið móti at ferðast á bygd ella ganga á fjøllunum. Men í veruleikanum vita vit ikki hvussu nógv, tí vit mangla hagtølini. Í prinsippinum kann man bara ganga á bygdagøtum, men latið okk­um fáa hagtøl fyri hvussu nógv ganga úti í haganum. Óansæð gjald ella ikki tørvar okkum tøl á borðið, so vit vita hvat vit tosa um. Les størri grein við Theresu Turid­ardóttir Kreutzman í Sosial­ inum seinni í vikuni. Theresa Turidardóttir Kreutzman: - VIT SLÍTA SJÁLVI HAGAN FERÐAVINNA