mánadagur 2. juli 2018síða 18

Mánadagur 2. juli 2018 · Nr. 74 18 Sosialurin Hugskot og viðmerkingar – send sms til 225000 Jóannes Hansen Hóast tað er summarfrí frá heimligu kappingini, so er fótbóltspulsurin høgur í Klaksvík. Orsøkin er tann, at tað er møgu­ leiki fyri, at KÍ í hesi vikuni fyri fyrstu ferð nakrantíð kann spæla seg víðari úr fyrsta innleiðandi um­ fari í europeiskari kapping. Tað eru 26 ár síðani, at KÍ sum fyrsta føroyska felag yvirhøvur spældi í europeiskari kapping á heima­vølli. Tað var 19. august 1992, tá ið meistaraliðið frá 1991 á Svanga­ skarði hevði vitjan av Skonto Riga, sum vann 3-1. Eysturi í Riga vann heimaliðið 3-0, og so var fyrsta altjóða luttøkan hjá KÍ av. Úrslitini í heimligu kapp­ing­ unum – landskappingini og steypa­ kapp­ingini – hava verið soleiðis, at tað hevur ikki verið so ofta sum hjá fleiri øðrum feløgum, at KÍ hevur lut­tikið í Europa. Tá ið Intertoto kappingin, sum teir vóru partur av í 2007, verður tald við, so er hetta tíggjunda ferð­ in, at klaksvíkingar kenna rákan av euro­peiskum fótbólti. Tvær ferðir – í 1992 og 2000 – hava teir luttikið í meistarakappingin, einaferð – í 1995 – lut­tóku teir í steypakappingini, í 1997, 1999, 2002 og 2003, og í fjør og aftur í ár eru teir við í Europa liguni, sum í 2009 avloysti UEFA kapp­ingina og kappingina fyri steypa­vinnarar. Samlaða úttøkan – íroknað dyst­ in á Malta hóskvøldið – er ein sigur, tríggir javnleikir og fimtan tap. Mál­mun­urin er 10-53. Møguleikin Hóskvøldið var KÍ á Ta´Qali leik­ vølli­num á Malta. Ímóti sama liði og á sama vølli vann B36 í 2006 3-0. Tað var eisini á hesum vølli­num, at landsliðið í 1997 vann HM undan­ kapp­ingardyst 2-1, og Todi Jóns­son við rimmar skoti av brots­teigar­ marki­num og eitt sindur til vinstru skoraði sigursmálið í næstsíðsta minutti. Harvið kundi roknast við, at mótstøðuliðið hjá KÍ var av so­ vornum slagi, at tað var møgu­leiki fyri, at úrslitið fór at verða soleiðis, at vánir vóru fyri, at tað hósdagin í hesum vikuni skal eydnast KÍ fyri fyrstu ferð nakrantíð at spæla seg víðari í kappingini. Inntil tað restaðu tveir minutt­ ir síðsta hóskvøld, var heima­lið­ ið frammanfyri 1-0. Tá var tað, at miðverjin Deni Pavlovic drøn­ stútaði til 1-1, eftir at lagt varð inn­fyri við horna úr høgru. Málið var søguligt, tí hetta var fyrsta ferð­in yvirhøvur, at klaksvíkingar skoraðu í europeiskari kapping á útivølli. Frammanundan høvdu teir spælt níggju dystir og tapt allar við saman­talda málmuninum 0-28. Tá ið KÍ javnaði tveir minuttir undan dystarloki, høvdu fleiri ættarlið av teimum bláu og hvítu verið á útivølli í Europa í 898 minuttir, uttan at tað var eydnast at skjóta mál. Útjavnandi málið er harvið søguligt, og tað kann verða upp­aft­ ur meiri søguligt, um tað eydnast hós­kvøldið at halda tætt í verjuni. Hjá gestunum av Malta verður setningurin at leypa á og skjóta mál. Hjá Birkirkara ræður um at vinna ella at vinna javnleik við í minsta lagi 2-2, um tað ikki skal vera KÍ, sum heldur fram í kappingini. Lutakastið til bæði fyrsta og annað innleiðandi umfar var miku­ dagin 20. juni. Tá varð greitt, at vinnarin av uppgerðini millum KÍ og Birkirkara skal spæla aftur 26. juli og 2. august. Sambært leikskránni skal KÍ spæla landskappingardyst á heima­vølli ímóti Skála 27. juli. Um tað eydnast KÍ hóskvøldið at vinna seg víðari í europeisku kappingini, so verður neyðugt at flyta bæði lands­kappingardystin ímóti Skála kvøldið fyri ólavsøkuaftan, og eisini dystin á heimavølli ímóti 07 Vestur, sum er ásettur at vera fimta august. Men fyrst snýr tað seg um søgu­ ligu avbjóðingina á heimavølli ímóti maltesiska liðnum hóskvøldið. Útlitini Talan verður hóskvøldið um tjúgunda Europa dystin hjá KÍ, og hetta verður tíggjunda royndin á heima­vølli. Einaferð er tað eydnast at vinna, tvær ferðir hevur tað verið javnt, og seks ferðir eru gestirnir farnir avstað við øllum. Samlaði málmunurin á heima­ vølli í níggju dystum er 9-24. Einasti sigurin var á Svanga­ skarði í steypakappingini í 1995, tá ið Olgar Danielsen varð skiftur inn beinanvegin eftir steðgin. Tá var støðan 1-0 til Maccabi Haifa. KÍ svaraði aftur og vann 3-2, og Olgar Danielsen skoraði øll málini frá 54. og til 72. minutt, tá ið KÍ legði seg framum 3-1. Venjarin Mikkjal Thomassen heldur møguleika vera fyri, at tað hóskvøldið skal eydnast KÍ at vinna seg víðari í kappingini: -Á Malta gekk tað soleiðis, sum vit høvdu roknað við. Talan var ikki um nógvar málmøguleikar. Páll A. Klettskarð hevði í fyrra hálvleiki góðan stútara, men tá fór bólturin omanfyri málið. At tað eydnaðist okkum at javna hevur sjálvandi alstóran týdning, tí nú eru tað vit, sum í útgangsstøðu eru omaná, og í hesum kappingunum kann tað verða avgerandi at hava skorað á útivølli. -Vit leggja nú ætlanir fyri, hvussu vit skulu fara undir av­bjóð­ ing­ina hóskvøldið. Tað kann vera, at hetta fer at laga seg eitt sindur øðrvísi, enn tað gjørdi á Malta, men tað fáa vit at síggja. Á Malta noyddist Marko Dusak skaddur av vøllinum, tá ið tað restaðu tjúgu minuttir. -Hann hevur av álvara spælt seg upp, o g tað kemur illa við, um hann ikki verður førur fyri at spæla, sigur KÍ venjarin, sum undirstrikar, at talan framvegis er um stóra av­ bjóðing: -Á Malta var talan um fyrra hálvleik, og hóskvøldið verður seinni hálvleikur. Vit hildu teim­um burtur frá uppløgdum mál­møgu­ leikum, og eg eri stak væl nøgdur við avrikini hjá spælarunum. Tá ið teir løgdu seg framum var talan um óhepna støðu, sum tað ikki ber til at verja seg ímóti. Um vit megna at halda teimum burtur frá upp­løgdum málmøguleikum, so er tað stórt stig á leiðini. Okkara møguleiki er størri, enn hann var FÓTBÓLTUR Í síðstu viku eydnaðist fyri fyrstu ferð at skjóta mál á útivølli í Europa, og hósdagin er møguleiki hjá klaksvíkingum fyri fyrstu ferð at vinna seg víðari í altjóða kapping KÍ ER Í NÝGGJARI AVBJÓÐING