mánadagur 4. juni 2018síða 23

23 Mánadagur 6. januar 2014 · Nr. 2 Sosialurin Mánadagur 4. juni 2018 · Nr. 62 Hugskot og viðmerkingar – send sms til 225000 Tróndur Arge Hilmar Jan Hansen Heri Simonsen Jóannes Hansen Pætur Albinus Álvur Haraldsen André Olsen Neli Heldarskarð KLUMMAN Tróndur sigur sína hugsan... t Skulu vit til EM 2020? Eftir sigurin á Grikklandi í 2014 helt forsetin í føroyska fótbóltssambandinum, Christian F. Andreasen, fyri, at vit skulu seta okkum sum mál, at koma til EM 2020 endaspælið. Tankin aftanfyri djørvu útmeldingina er, at Nations League gevur okkum møguleikan, at kappast við 16 tey veikast styrkismettu londini hjá Evropa, um eitt atgongumerki til EM endaspælið. Í samband við at EM fyllir 60 ár, so verður EM endaspælið í 2020 eitt sindur serligt. Tað verður spælt kring alt Evropa, og nú fáa smærru tjóðirnar eisini at møguleika at verða við. Føroyar hava seinnu árini bjóða størri tjóðum av, so ein útmelding um at røkka EM 2020 er ikki so ør, sum hon kann ljóða. Vit eru í bólki saman við Aserbadjan, Kosovo og Malta. Tey spæla øll venjingardystir í løtuni, har tey fyrireika seg til dystirnar í Nations League, sum verða í seinnu hálvu av hesum árinum. Vit skulu spæla tvær ferðir móti hvørjum landi. Vinnarin kemur víðari til eitt endaspæl, har spælast skal ein hálvfinala og ein finalan í Nations League. Vinnari av finaluni sleppur víðari til EM endaspælið. Eg havi tó eitt sindur ilt við at síggja, at vit veruliga hava sett okkum hetta málið. Gamaní hava vit verið á venjingarlegu í Marbella í Spania fyrr í ár. Ein venjingarlega, sum gevur spælarum møguleika at venja saman og spæla dystir. Men meðan mótstøðulondini hesar vikurnar spæla venjingardystir, so skal føroyska landsliðið ikki ein gongd samlast. Mín uppliving er, at sólskinssøgurnar koma ikki av ongum. Tað var ikki av ongum, at vit vunnu í Landskrona, týpurnar vóru eisini rættar, tá vit um aldarskiftið tóku stig frá fleiri størri tjóðum, og hartil er eftirmælið frá sigrunum í Grikkalandi, at venjingarnar vóru góðar, stemningurin í topp og svongdin stór. Um vit á onkran ótrúligan hátt koma til EM 2020, so fer onkur at spyrja hvussu tað ber til. Í løtuni havi eg ikki eitt greiðari svar, enn at vit gera sum vit plaga. Spæla ikki venjingardystir, men fleiri og fleiri spælarar spæla uttanlands. Vit fáa nokk ongantíð ein størri møguleika at spæla í einum endaspælið, men ætla vit okkum til EM 2020? . Tróndur Arge Kristian Joensen (KÍ) Stóð væl í málinum móti B36 og hevði ein lyklabjarging, tá B36 kundi havt minkað um munin til 2-1. Jóannes K. Danielsen (KÍ) Stóð sterkur í myndini í Klaksvík í gjár. Hann legði upp til mál og var ein støðug hóttan, tá hann kom framvið í álop. Spældi við nógvari orku. Øssur Dalbúð (NSÍ) Kom inn seinasta hálva tíman móti AB, har hann skoraði tvey mál og legði upp til eitt triðja. Tykist verða komin fyri seg. Jákup B. Andreasen (KÍ) U21 landsliðsspælarin vann sínar tvídystir a miðjuni og fekk mál. Eitt sannførandi avrik, sum gevur pláss á liðnum í ár. Gestur B. Dam (EB/Streymur) Varð fluttur inn á miðvøllin, har hann spældi ein stóran lut í sigrinum á Skála. Fekk millum annað Skála spælara útvístan, tá hann bleiv leysur móti málinum. Hørður Askham (KÍ) Spældi á miðjuni hjá KÍ, har hann eisini vann sínar tvídystir. Hann fylti nógv á miðvøllinum og legði upp til mál. Mikkjal Thomassen (KÍ) Hevur vent skútuni hjá KÍ. Hesa ferð við einum trivaligum 3-1 sigri á B36. KÍ er nú fremsti avbjóðarin hjá HB í FM-stríðnum Petur Zachariasen (EB/Streymur) Enn eitt gott avrik frá miðverjanum hjá EB/Streymi, sum tó spældi á høgra bakki í gjár. Fekk eisini eitt avbera flott mál. Er so smátt við at sláa sítt navn fast. Páll Klettskarð (KÍ) Skoraði aftur, eftir at hann kom úr málturkinum í Gøtu í farnu viku. Verður nógv brúkur í uppspælinum hjá KÍ og tað riggaði væl í gjár. Adrian Justinussen (HB) Er einasta boðið úr Gundadali, har HB vann linligan sigur á 07 Vestur. Skoraði eitt mál og legði upp til eitt annað í 3-1 sigrinum. Árni Frederiksberg (NSÍ) Eigur aftur stóran lut í sigri hjá NSÍ. Hesa ferð leggur hann upp til tvey mál, har serliga innleggið til seinna málið er framúr. Hann eigur eisini framúr avlevering til Petur Kundsen, tá Heðin Stenberg verður útvístur. Adrian Cascaval (Víkingur) Sjálvskrivaður á liðnum hesa ferð, eftir at hann skoraðu hattrik móti Suðringum. Er toppskjútti hjá Víkingi við fimm málum, sum hann hevur skotið í tveimum dystum. 13. umfar: Her er liðið hesa vikuna fyri 13. umfar í Betri deildini hjá monnum. Liðið er nógv merkt av, at KÍ vann tryggan 3-1 sigur á B36 í stóra dystinum í hesum umfarinum. Ikki færri enn fimm spælarar hjá KÍ eru á liðnum, umframt at venjari er Mikkjal Thomassen. Hartil er Adrian Cascaval úr Víkingi sjálvskrivaður á liðnum, eftir at hann skoraði hattrik móti Suðringum. EB/ Streymur og NSÍ fáa tvey umboð á liðið, eftir sigrar um vikuskiftið, meðan HB bara fær eitt umboð, eftir trivaligan sigur á botnproppinum úr 07 Vestur. ­Liðið hesa vikuna