mánadagur 11. juni 2018síða 16

Mánadagur 11. juni 2018 · Nr. 65 16 Sosialurin Hugskot og viðmerkingar – send sms til 225000 Tróndur Arge – Tórsvøllur 4-0 ella 3-1? Í báðum førunum hevði talan verið um eitt tap, men hevði føroyska liðið umsett bara ein av málmøguleikinum til mál, so hevði úrslitið og stemningurin á landsliðnum verið nógv betri. Størsta málmøguleikan fær innskifta Milja R. Simonsen, tá hon tvísporar frá verjuni hjá Slovenia, men úr høgru síðu skjýtur hon bóltin bara fáa sentimetrar við síðuna av málinum. Hóast eitt mál ikki hevði broytt veruleikan, at Slovenia er væl betri enn Føroyar, so hevði málið verið ein staðfest av, at føroyskur kvinnulandsliðsfótbóltur er í framgongd. Langt á mál Fyri hálvleikur gevur tó greiðar ábendingar um, at føroyska kvinnulandsliðið hevur langt á mál. Onkrar avbjóðingar eru á føroyska liðnum, tí onkrir spælarar eru órógvaðir av próvtøkum og aðrir av arbeiði. Liðið er væl skipað frá byrjan, men Heidi Sevdal tykist nakað einsamøll í álopinum. Hóast tað, so megnar hon at skapa fyrsta málmøguleikan í dystinum, tá hon leggur stórt trýst á verjuna hjá Slovenia. Vinnur bóltin og dribblar fram til brotssteigarmarkið og meddar til, men málverjin hjá Slovenia bjargar. Eftir hetta sæst hvussu stórur munurin er á grundarbeiðinum hjá slovenum og føroyingum. Bólturin gongur væl og skjótt millum spælarar, sum eisini gera røttu flytingarnar og renningarnar. Hinvegin hevur føroyska liðið trupult við at fylgja við á tekniska økinum. Sum altíð er stríðshugurin góður og tú kanst ikki seta fingurin á viljan hjá føroysku spælarunum. Tær spæla sum eitt lið og kempa alt tær eru mentar, men tað er ikki nokk, tá mótstøðuliðið tekniskt og kropsliga er so væl fyri. Onkursvegna kundi tú sagt, at spælið hjá unga slovenska liðnum, burdi verið ein fyrimynd fyri føroysku spælararnar. Í hálvleikinum er 2-0. Fyrra málið kemur eftir innlegg úr vinstru síðu, meðan seinna málið er eitt klokkuklárt fortsspark, sum Rannvá B. Andreasen ger. - Eg knalli beinini undan henni. Hon var ígjøgnum og eg satsaði. Um eg ikki fekk hana, so hevði hon bara trillað bóltin í málið. Nú fekk málverjin hjá okkum ein møguleika at bjarga brotssparkinum. Men tað var gott, at eg ikki fekk eitt kort fyri hatta, sigur Rannvá B. Andreasen við einum brosi, og leggur afturat: -Vit trúgva undan dystinum upp á, at vit kunnu fáa eitt betri úrslit enn máltalvan sigur nú, men í fyrra hálvleiki verða vit spældar umkoll. Vit fáa ikki fatur á teimum og tær reika runt á vøllinum, sigur liðskiparin á føroyska landsliðnum. Nøgdsemi við seinna hálvleik Tað tykist vera semja um í hálvleikinum, at føroyska liðið er væl aftanfyri Slovenia, men føroyska liðið leggur seg ikki. Frá byrjan í seinna hálvleiki bjóðar føroyska liðið av. Teir eru djarvar í trýstinum og fleiri ferðir er verjan hjá Slovenia undir trýsti. Hóast Slovenia eisini vinnur seinna hálvleik 2-0, so er avrikið hjá gestunum als ikki eins sannførandi. -Eg hevði vilja, at úrslitið sá betri út. Málini í seinna hálvleiki eru eitt sindur keðilig, men annars eri eg nøgd við avrikið í seinna hálvleiki. Vit megna at steðga teimum, so tær ikki sleppa upp gjøgnum síðurnar, greiðir Rannvá B. Andreasen frá. Misjavnar spælarametingar – og tó Spælarametingarnar kunnu geva eina mynd av einum misjavnum liðavriki, men tá spælarametingarnar kunnu svinga frá 1 til 10, so er metingarnar frá 4 til 7 tó eitt tekinum, at talan er um eitt rímiliga javnt avrik. Sterkar í myndini stóðu Ansy Sevdal, Birna T. Mikkelsen og Heidi Sevdal saman við Arnborg Lervig. Tær fáa allar yvir miðal í spælarametingunum. Dysturin passar eisini ávísum spælarum betri enn øðrum. Millum annað er Eyðvør Klakstein ikki so sjónlig, tá føroyska liðið ikki hevur bóltin nógv, meðan Olga Kristian Hansen og Rannvá B. Andreasen er eitt sindur feilplaseraðar á vonginum og í miðverjuni. Slovenia leyp nógv á gjørnum síðurnar, serliga í fyrra hálvleiki. Her hevði Katrina Akursmørk truplar arbeiðisumstøður á bakkinum, meðan Ásla Johannesen ikki kom til somu møguleikarnar, sum móti Íslandi. Hægstu spælarametingina fær Milja R. Simonsen, sum bleiv skift inn í seinna hálvleiki. Hon er skjót og sterk, og kom til størsta málmøguleikan hjá okkum. Eitt fríkst íkast sum innskiftini. Ein leiklutur, sumt tykist passar henni væl. Bíða enn eftir fyrsta málinum Føroyska kvinnulandsliðið hevur nú spælt seks dystir í HM undankappingini. Vit hava einki stig fingið og málúrtøkan sigur, at 41 mál eru farin ígjøgnum, meðan vit einki hava skorað. Tað er greið framstig at síggja á vøllinum, men veruleikin er at tað er ótrúliga langt á mál. Landskappingin hevur fingið nýtt lív, nú fleiri lið stríðast um FM, men tað alt avgerandi at arbeiðið higartil ikki fer til spillis, tá Føroyar hava spælt áttanda og seinasta dystin í HM undankappingini, sum er í Føroyum móti Týsklandi í septembur. Vit bíða enn eftir fyrsta málinum, men liðið hevur tikið fyrstu fetini. Tað er bara langt á mál. trondur@sosialurin.fo FÓTBÓLTUR Bólkur 3 støðan NR. LIÐ DYSTIR VUNNI JAVNT TAPT + MÁL - MÁL +/- STIG 1  Týskland  6  5  0  1  28  3  +25  15 2  Ísland  5  4  1  0  19  3  +16  13 3  Kekkia  5  2  1  2  13  6  +7  7 4  Slovenia  6  2  0  4  9  16  -7  6 5  Føroyar 6  0  0  6  0  41  -41  0 Føroyska kvinnulandsliðið tapti 4-0 fyri Slovenia í HM 2019 undankappingini í fótbólti á Tórsvølli hósdagin. Føroyska liðið er so óendaliga nær við at fáa hol á málskjótingina, men hóast enn eitt fet rætta vegin, so er langt á mál EINKI MÁL ENN Føroyska kvinnulandsliðið hevur spælt seks dystir í HM undankappingini. Higartil hevur ikki eydnast at skora eitt mál, meðan 41 eru farin í gjøgnum. Tað er í miðal 6,8 mál í gjøgnum, men seinastu tveir dystirnar hevur liðið tapt við í miðal 4,5 málum. Kvinnulandsliðið: Kelda: faroesoccer.com EITT FET RÆTTA VEGIN – MEN ENN ER LANGT Á MÁL