týsdagur 12. juni 2018síða 26

HM-BLAÐIÐ HJÁ SOSIALINUM 2 Útgevari: Sosialurin (juni 2018) Ítróttarredaktørur: Tróndur Arge Greinar: Teitur Joensen, Pætur Albinus og Heri Simonsen Lýsingar: Terji Nielsen Grafisk sniðgeving og umbróting: Pætur Eyðunsson Jensen / Droym.fo TÚ SITUR NÚ VIÐ HM-BLAÐNUM HJÁ SOSIALINUM. HETTA ER IKKI FYRSTU FERÐ, AT SOSIALURIN GEVUR ÚT EITT HM ELLA EM-BLAÐ. VIT HALDA AT TAÐ HEVUR STÓRAN TÝDNING, AT VIT GEVA EITT BLAÐ ÚT Á FØROYSKUM TIL TEY, SUM YNSKJA AT FYLGJA VIÐ HM-ENDASPÆLINUM Í RUSSLANDI B laðið er bæði ætlað teimum, sum hava stóran áhuga fyri HM-endaspælinum, men eisini teimum, ið ikki hava tíð ella áhuga at fylgja við í gerandislívinum í fótbólti, men kundu hugsað sær at fylgt við í summar. Tí er blaðið sett upp í tvær síður fyri hvønn bólk. Á fyrru síðuni eru allir hóparnir og ein stutt samanumtøka av hvørjum landi. Á hini síðuni er ein søga úr hvørjum bólki, saman við øðrum upplýsningum, sum geva betri innlit í søguna hjá londunum. Hartil hava vit valt ein „føroyskan“ vinkul. Fyri hvønn bólk hava vit tosað við onkran, sum hevur samband við Føroyar og eitt land í tí bólkinum. Talan er í fleiri førum um kend nøvn í føroyska fótbóltsheiminum. HM í Russlandi hevur verið fyri nógvum kritikki. Fyrst var tað mátin, sum Russland, og síðani Katar, vinnu sær rættin til at hýsa HM. Síðani hevur nógv verið gjørt burturúr, at Russ­ land á fleiri økjum er til reiðar, at hýsa HM enda­ spæl­inum. Fleiri tilfeldi av rasistiskum atburði hava eisini sett sín dám á upptaktina. Nú er HM so her. Síðani 1930 hevur kappast verið um HM- steypið. Undantøkini eru í 1942 og 1946. Brasil hevur vunnið tað fimm ferðir, meðan bæði Týskland og Italia hava vunnið tað fýrar ferðir. Ver­andi HM-vinnari er Týskland, sum í finaluni í Brasil í 2014 vann 1-0 á Argentina. Tað eru 32 lond við, har tað minsta er granna­ tjóðin Ísland, sum er við á fyrsta sinni. Brasil, Týskland, Spania, Frakland og Argentina eru favorittar í hasi rekkjufylgjuni at vinna HM, sambært veddingarsíðunum. Veddingar­fyri­ tøkur­nar geva ikki Íslandi nógvar møguleikar, tí tú fær pengarnar 200 ferðir aftur, um Gylfi Sigurdsson og liðfelagirnir vinna HM. Eitt HM endaspæl hevur mangan nakað nýtt við sær. Hesa ferð verður VAR ein partur av enda­ spæl­inum. Tað er Video Assisant Referee, sum millum annað verður brúkt í Týsklandi og Italia. FIFA hevur kunngjørt, at VAR verður ein partur av spælinum í summar, hóast eitt nú Premier League ella La Liga ikki brúka tað. Flestu av okkum munnu hava minnir frá HM endaspølum. Summi góð, so sum HM 86 við Diego Maradona, og HM 1994, tá fótbólturin kom til Hollywood. Meðan HM 1990 við nógvum taktiskum dystum, HM 2002, har dystirnir blivu spældir tíðliga á degnum og Vuvuzelaýlandi HM í 2010 kanska ikki hava so góð minnir við sær. Í grein í The Guardian stóð at lesa, at serfrøð­ ingar eru komnir fram til, at tú minnist best upp­livingar, tá tú er millum 8 og 13 ár. Skilt á tann hátt, at børn í tí aldrinum síggja stórt í tí, sum tey uppliva tá. Hetta bleiv skrivað í samband við góð ráð, um hvussu tú skal hyggja eftir HM. Eg giti at fleiri av okkum kenna hetta aftur. Fyri meg eru tað HM 1994 og HM 1998, sum standa sterkast í myndini. Tá var eg 10 og 14 ár. Tí ert vert at hugsa um, at fyri tey ungu í dag, so kann HM 2018 verða teirra stóra minni um fótbólt í lívinum. Mín fyrsti fótbóltskærleiki var føroyska lands­ liðið. Eg var 6 ára gamal, tá Føroyar vunnu á Eysturríki í Landskrona. Eg havi altíð verið glaður fyri, at spælarar tykjast at elska at spæla fyri landsliðið hjá okkum. Av tí sama fái eg ordiliga ilt, tá eg síggi eitt nú gøluna í 2010, tá franska lands­liðið noktaði at venja og umboðaði landið hjá sær á minni hugaligan hátt. Ein útlendskur venjari segði eina ferð við meg, at í Føroyum er tað givið, at spælararnir spæla fyri Føroyar og vilja vinna sum eitt lið. Tað er ikki givið aðrastaðni, sum eitt nú Frakland í 2010. Tí dámar mær væl at síggja, at serliga brasilska landsliðið tykist hava so góðan liðanda. Hann er so góður, at tað sigst at verða ein trupulleiki í onkrum av feløgunum hjá teimum, tí spælarar byrja at spara seg til landsliðið. Størsti kritikkurin av Neymar Jr hevur verið, at hann valdi at fara undir skuð umgangandi, tá hann bleiv skaddur fyrr í ár. Hetta fyri við vissu at blíva klárur til HM. Men tað er kanska ein av orsøkunum, at eg gjarna síggi Brasil vinna sítt sætta meistaraheiti. Her at enda fari eg, at ynskja tykkum øllum eitt gott HM. Vónandi kann hetta blaðið gera upp­livingina betri og vit fáa eitt minniligt HM, har fótbólturin er í hásæti. VÆLKOMIN TIL HM-BLAÐIÐ Tróndur Arge