týsdagur 12. juni 2018síða 34

HM-BLAÐIÐ HJÁ SOSIALINUM 10 BÓLKUR B Fýra ferðir áður hevur IRAN verið við í HM (1978, 1998, 2006 og 2014). Ongantíð er tað eydnast teimum at koma víðari, og teir hava bara vunnið ein dyst í HM. Hetta var ímóti USA í 1998. Hetta verður sjeyndu ferð, at PORTUGAL er við í HM. Teir vóru við í 1966, 1986 og seinastu fýra ferðir­ nar. Besta úrslitið var í 1966, tá ið teir við Eusebio á odda vunnu bronsu. MAROKKO hevur verið til HM fýra ferðir (1970, 1986, 1994 og 1998). Í 1986 vunnu teir bólkin, men teir ruku úr 1/8-finaluni. Hetta var fyrstuferð, at eitt afrikanskt lið kom víðari í HM. SPANIA er við í HM fyri 15. ferð. Teir blivu heims­meistarar í 2010 og fingu eitt fjórða pláss í 1950, men annars hevur Spania ikki gjørt nógv um seg í HM. Teir hava verið í fjórðings­ finaluni fýra ferðir (1934, 1986, 1994 og 2002). 17 AV 23 LEIKARUM HJÁ MAROKKO ERU FØDDIR OG UPPVAKSNIR UTTANFYRI MAROKKO, OG VENJARIN, FRANSKI HERVÉ RENARD, HEVUR ÚR AT GERA AT SAMANSJÓÐA TANN YMISKT MENTAÐA HÓPIN, HAR TAÐ VERÐUR TOSAÐ FRANSKT, SPANSKT, HOLLENDSKT, FLAMSKT OG ARABISKT F leiri av londunum, sum eru við í HM, hava leikarar, ið eru føddir í einum øðrum landi, men eingin kemur tætt við at hava eins nógvar á liðnum sum Marokko. Heili 17 av teimum 23 leik­arunum í hópinum hjá Marokko eru føddir í einum øðrum landi. – Familjan roynir at trýsta teg til at um­ boða Marokko, segði Ruud Gullit, hjálpar­ venjari á hollendska landsliðnum, tá ið hann miseydnaðist í royndini at tosa Nordin Amrabat til at spæla við Hollandi heldur enn Marokko. – Har var eingin møguleiki. Eg haldi ikki teir hava nakað val, segði Gullit. Tað er ikki ungdómsarbeiðinum heima í Marokko at takka, at norðurafrikanska landið er sloppið við ímillum 32 tey bestu í HM-kappingini. Allarflestu leikararnir eru nevniliga føddir í einum øðrum landi, har teir eisini hava fingið sína fótbólts­ upp­aling. Teir hava snøgt sagt einki við marokkanskan fótbólt at gera, men hava tó játtað seg til at spæla við Marokko av tí at teir hava familju haðani. Fimm av teimum 23 á landsliðnum hjá Marokko eru føddir og uppvaksnir í Hollandi. Ímillum teirra eru Amrabat-brøð­ urnir, Nordin og Sofyan, Ajax-spælarin Hakim Ziyech og Groningen-spælarin Mimoun Mahi. Allir fýra hava spælt við hollendskum ungdómslandsliðum, men valdu at skifta til Marokko tá ið møguleikin var har. – Eg hugsaði við hjartanum, og hjartað valdi Marokko, segði Mimoun Mahi um avgerðina at velja Marokko. YMISK MÁL Fyri summar eru tað ítróttarligu tilboðini, sum eru tiltalandi, men fyri aðrar er tað eisini fyri at gera familjuna hjá sær erpna. Hakim Ziyech hevur spælt við U19, U20 og U21 hjá Hollandi, og hann hevur eisini alment sagt, at hann hevði tikið avgerð um framyvir at umboða føðilandið Holland í fótbólti, men pípan fekk eitt annað ljóð so hvørt sum útlitini at sleppa á hollendska A-landsliðið hvurvu. Hann valdi tá heldur at umboða Marokko, og tað hevur hann gjørt síðan 2015. Liðskiparin á marrokanska lands­lið­ num, Medhi Benatia, er føddur í Fraklandi og er uppaldur í Marseille, stórtalentið á bakk­inum, Ahraf Hakimi, er føddur í Spania og uppaldur í Real Madrid, Mdhi Carcela er føddur í Belgia og uppaldur í Standard Liege – og soleiðis kundi ein hildið áfram. Einans seks av teimum 23 leikarunum á landsliðnum kunnu kalla Marokko fyri sítt føðiland. Venjarin, Hervé Renard, er varugur við, at hann hevur nógvar ymiskar mentanir á liðnum hjá sær, og hann hevur eisini havt eitt prát við hópin um hetta. – Vit hava greitt teimum frá, at tað týdn­ingarmesta er liðandin, sigur franski lands­liðs­venjarin hjá Marokki í samrøðu við New York Times. – Liðandi er eitt krav fyri at avrika í fót­ bólti. Og so er líka mikið hvaðani tú ert, sigur hann. Hervé Renard sigur í samrøðuni, at tað inn ímillum kemur fyri, at leikarar ikki skilja hvat hann sigur. Tá hevur tað verið málið, ið hevur verið forðingin. Leikararnir á landsliðnum hjá Marokko tosa franskt, spanskt, hollendskt, flamskt og arabiskt. MAROKKO VIÐ 17 ÚTLENDINGUM Hvørjar vónir hevur tú fyri Spania í bólkinum? – Bólkurin hevur tvey lið, ið fara at kappast um at vinna bólkin, og tað eru Spania og Portugal. Eg trúgvi Spania hevur styrkina sum krevst at vinna bólkin. Vandamiklasta mót­ støðuliðið verður Portugal og Cristiano Ronaldo. Tann stóra tráanin hjá Ronaldo hevur at vinna kappingina, leinjað saman við royndum spælarum sum Pepe, Rui Patricio og Bruno Alves og við ungu talentum, sum Bernardi Silva, Goncalo Guedes og André Silva vil betra portugisiska liðið. Ímóti Portugal má Spania prógva hví teir eru ein av favorittunum til at koma í HM-finaluna. Hvussu langt kann Spania røkka í kappingini? – Spania við nýggjum venjara, Julen Lopetegui hava broytt spælistíl nakað. In duga vit væl at hava bóltin, har vit bíða eftir at finna fríu rúmini. Men Spania noktar ikki at spæla kontra­spæl í pørtum av dystunum, har liðið hevur spælt meira beinleiðis og meira djúpt. Eg haldi Spania hevur ein spælistíl sum passar væl til spælararnar, og hetta kann geva okkum tilfeingið til at fremja eina framúrskarandi kapping. Eg vóni, at Spania fer at hava framúr góð avrik. Eg eri veruliga spentur. Men hetta er ein HM-kapping. Tað merkir, at har eru stór lands­lið við góðum spælarum og góðum venjarum. At koma sigrandi frá upp­gerð­ unum ímóti hesum liðunum verður torført. Hvør væntar tú vinnur HM? – Sum spanióli sigi eg: Spania. Eg haldi vit hava eitt nóg sterkt lið til at vinna HM. Men eg má seta mínar pengar á eitt annað landslið, og har er Brasil mín favo­rittur. Brasiliumenn hava aftur eitt framúr­skar­ andi landslið, og vónbrotið sum teir høvdu á heimavølli til seinasta HM-endaspæl merkir, at teir hava eina stóra skuld sum teir mugu rinda aftur til sínar landsmenn við einum góðum avriki. „EG MÁ SETA MÍNAR PENGAR Á EITT ANNAÐ LANDSLIГ DENNIS NIEBLAS MORENO, SPANIA: